Hirim Heetoofe hu hi Luk akiñje hu 18:21 - Kwatay (Kuwaataay)

²¹ Ániine u n'aano: —Huta hu íñje añi, ifesut hikee tu bondu fe.

Hirim Heetoofe hu hi Luk akiñje hu 18:21 Referans Kwoze

Fílip 3:6

Ítumbatumba ijok bítim bondu naane, isooñen n'iŋ'íhihinoor kéeyilene ku ti Kiris. Ítumbatumba íhin naane eluwa i esoke i isooñen an ayinaatam kawatan tu doon.

Hirim Heetoofe hu hi Luk akiñje hu 15:7

Íñje isok fee n'aruun: iyu yooŋ i katoofu kija fu kabaju t'etiir bufor bu kane ahoofoora afeeneŋ awatanooro wuhoofoor woone. Ko kahaŋu keebaj ku iŋ'ite bakan kéejube kaamo bakan bakabaakiir nu sumoŋu nu hutok ni bakabaakiir keeyinoore ti kikawiin, ni kaane kasawuleit buwatanooro wooniin wu.

Hirim Heetoofe hu hi Luk akiñje hu 15:29

Bare ahaawa u n'aano: “Eene i, abajee simit, íñj'endu ti karokii, abe ímusut biteñeko hirim húuwe. Bare á̱musutam kawunu mayet ajaameel kaanuku iiñun bákawiyam.

Hirim Heetoofe hu hi Luk akiñje hu 18:20

Á̱moomi naane Atambatun asoke i *t'Eluwa yite Moyis. Aanaan: «Atum'a̱ŋot n'an ariseñeit; atum'a̱yool húŋgowulan; atum'á̱kuwat; atum'a̱juus a̱saan ake; á̱jeŋgin faafi n'íñaayi.»

Hirim Heetoofe hu hi Luk akiñje hu 18:22

Hi Yesu ajame hu bondu, n'aano: —Aroŋee doon difeeneŋ d'a̱ware káhinu: a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.