Hirim Heetoofe hu hi Luk akiñje hu 18:14 - Kwatay (Kuwaataay)

¹⁴ Yesu n'áwutiyen aane: —Íñje isok fee n'aruun: h'asaa ite búhal bu áwaneina hu eeyeet, wuhoofoor woone wuboŋketee fu, bare wute wíiit Afarisiyeŋ u. Ábuki an fe eeyitooree, o kawananee, abe an fe eewananooree, o kayitiee.

Hirim Heetoofe hu hi Luk akiñje hu 18:14 Referans Kwoze

Hirim Heetoofe hu hi Luk akiñje hu 14:11

Ábuki an fe eeyitooree, o kawananee, abe an eewananooree, o kayitiee.

Hirim Heetoofe hu hi Luk akiñje hu 16:15

Yesu n'aaniin: —Aruun aŋ'árihin kaanuku t'abin aane árijubajub, bare Atambatun ámoomiuun ahaban. Ábuki b'ésuk i kajoke bu naane bómbokun, Atambatun ahuufahuuf bo.

Saak 4:10

Áritetianooro hágila Anahaan u, abe n'aŋ'ayituun.

Májiye 23:12

An fe eeyitooree, o kawananee; abe an fe eewananooree, o kayitiee.

Saak 4:6

Bare Atambatun ásoniyanasoniyan úne ahaŋ diyu tu dómbokun, ábuki Míkiñjin mu meenaan: «Atambatun aŋ'ásokum kiŋki kayitooro, bare kiŋki kátetianooro aŋ'ásoniyaniin.»

Hirim Heetoofe hu hi Luk akiñje hu 1:52

n'awanan bákayi ku fe ti siriikeey sooniin; abe bakan keenooto ku doon fe, n'ajokiin aritan;

Májiye 5:3

Yesu n'aaniin: —Atoof ti kéemeyie ku kaanuku kasawulasawulo Atambatun, ábuki Jáyi joone jooniin ju!

Galasi 2:16

Bare írimoomi kaanuku húŋgowulan, káanukiiit man áhinahin naane *Eluwa yite Moyis esoke i h'Atambatun ajoko fu an éejube. Aaa, káyilen koone ti Yesu *Kiris taŋ kíkinineŋe fu Atambatun n'ajoko an éejube. Bondu bíkinineŋe fu uni yooŋ n'íriyilen ti Yesu Kiris, kaanuku man Atambatun n'ajok uni bakan kéejube iŋi naane íriyilene i ti Kiris; atum'ajok uni bakan kéejube aŋarkeyi naane man uni írihine naane t'Eluwa yite Moyis esoke du. Ábuki káhinu ku naane t'Eluwa yite Moyis esoke du kíkinineŋut hikee-kee Atambatun n'ajok ake an éejube.

Eleetar i yi Pool akiñje i bakate ku Rom 4:5

Bare an éesike eyakar yeene anaŋ t'Atambatun, abe ajokooreit an éejube t'Atambatun uŋu burok beejake bamb'áhin, Atambatun aa ajok ehoofoora i kéeyilene ku te o bakan kéejube, kajuku ti káyilen koone n'aŋ'ajoko an éejube.

Eleetar i yi Pool akiñje i bakate ku Rom 3:20

Ábuki abajut an a Atambatun ayak kajoku an éejube aŋarkeyi naane an ondu áhinahin naane Eluwa i esoke i. Aaa, Eluwa i eŋ'éwufoor an kaanuku ahoofoorahoofoor.

Hirim Heetoofe hu hi Luk akiñje hu 10:29

Bare *ámuse ite Eluwa yite Moyis n'ámaŋi kaanuku eebaj ekooŋ. N'aane Yesu: —Náami aañ aamo fu áwiyam?

Eleetar i yi Pool akiñje i bakate ku Rom 8:33

Aañ aja fu katinan úne, úne k'Atambatun ajifane ku? Atambatun fíya? Aaa, ábuki akina humuumo aanaan újubajub.

Eleetar i yi Pool akiñje i bakate ku Rom 5:1

Náami Atambatun ajoka úne bakan kéejube aŋarkeyi naane úyilenayilen, abe hahiye káasuumaay kibaja t'etut úne ne o, Anahaan ite úne Yesu *Kiris éekinineŋ.