Hirim Heetoofe hu hi Luk akiñje hu 18:13 - Kwatay (Kuwaataay)

¹³ Bare asaa ite búhal bu n'ásiiŋein unoono naane iya. Ayitut yooŋ ñíkino t'etiir, bare n'asejo sumoŋio, abe n'alaw aane: «Atambatun, waasi, a̱yubiyenam, ábuki íñje ahoofoora.»

Hirim Heetoofe hu hi Luk akiñje hu 18:13 Referans Kwoze

1 Timote 1:15

Hirim h'ija hee kasokii héewoore, abe huruw fe awarawar ho kanaŋu ti hikawo: Yesu Kiris abinabin t'etaam ye kaanuku eefakan ehoofoora i. Íñje ihaŋiin fu kajakaate fe,

Hirim Heetoofe hu hi Luk akiñje hu 23:48

Hi keebine ku fe bajuk bu kajuke hu bondu beebaje bu, ni kabatuko, iŋi kakaro kasejo sumoŋiiin.

Esuwif i 8:12

Íñje kaboŋketiin wutin wooniin, it'iŋk'íbaŋino yooŋ wuhoofoor wooniin.»

Epotor i 2:37

H'ésuk i kajame hu bondu, nu bugoriin faa tu suhol. Ni kákandijen Piyeer ni bakaaku epotor kaaniin: —Kújakuwe, kame naŋ n'iriware fu káhinu?

Esuwif i 4:16

Náami útof, utum'úkoleyi kalohu Atambatun Áyi u aa áwufoor ésuk i kajaku koone. O kayubiyen úne, abe n'áwufoor úne yooŋ kajaku koone, kaanuku uŋ'úbin úramee kane úmiñjo.

Eleetar i yi Pool akiñje i bakate ku Rom 5:8

Bare iye a Atambatun áwufoore fu buŋ b'ámaŋie fu úne ariike: Kiris aketaket bija t'úne, úne káaroŋin ku ehoofoora.

Hirim Heetoofe hu hi Luk akiñje hu 5:8

Hi Simoŋ Piyeer ajuke hu bondu, n'asaaho éejiŋgitan hágila Yesu abe n'aane: —A̱kambam Anahaan u, ábuki íñje ahoofoora!

2 Korent 7:11

Kátaañian koonuun, t'Atambatun kijakajak, abe hahiyu arijuka buŋ bi heemo fu! Arijuk naane arihile i ti káhinu kite buroon bu beewayo, nu buŋ b'árihandine fu baabu báhamin bujoŋoor, nu buŋ b'ariyiŋate fu t'aruun kumuumuun, nu buŋ b'árikoleyie fu káhinu kite meejakut mu, nu buŋ b'arimokene fu kasooñu áriheelin t'íñje, nu buŋ b'árihabaneina fu t'Atambatun, nu buŋ b'arifaree fu kajoŋooran an eetine u! Áriwufoorawufoor tu buroon bu fe kaanuku arikuurakuur but tu bondu.

Májiye 9:13

Ariliiken kámeyi bonde b'Atambatun asoke bu ti *Míkiñjin mu. Aanaan: «Arijak ti bakaaku; bondu b'ímaŋie fu, bare *wusarah wíiit.» Ábuki ibinut karuwu bakan keejoŋoore ku, bare bísambaŋ bu.

Hirim Heetoofe hu hi Luk akiñje hu 17:12

Am aja fii buyooso hike hikinu, bakan kaamo sumoŋu keebaje *yafot ni kabin nu boone. Ni kásiiŋein akamb,

Májiye 6:5

—Af'áriyemi ti kalawu, atum'aŋ'árihin naane ñatuuk ñu. Iŋi kámaŋi bisiiŋo keelaw ti *ñáalawum ñite ñ'úne, man yooŋ ti sifiñjan su, t'ésuk i eyino kajukiiin. Iisokuun bifeeneŋ bu: kaheeka keebaj hisiibanu hooniin.

Májiye 10:3

Filip ni Bartelemi; Taamas ni Májiye, *asaa ite búhal bu; Saak añi ite Alfe, ni Tade;

Mark 11:25

Abe n'arisiiŋo kaanuku ariilaw, bakan keetine ku t'aruun fe ariboŋketiin, man Faafuun eeemo u t'etiir n'aboŋketuun yooŋ wuhoofoor woonuun.

Hirim Heetoofe hu hi Luk akiñje hu 22:41

Abe n'atof akambiin diŋgilis, areeŋ simeetar butuman nu sumoŋu, n'asaaho éejiŋgitan abe n'alaw