Hirim Heetoofe hu hi Luk akiñje hu 17:24 - Kwatay (Kuwaataay)

²⁴ Ábuki naane etiir i ee esib yeejaaŋan bufor bu huta hu ti bíjabina du bija yooŋ ti biraane du, iyu yooŋ e ésuk i eyak fu kajuku Añi ute Húŋgowulan hu, hunak h'ábatikein hu te ho.

Hirim Heetoofe hu hi Luk akiñje hu 17:24 Referans Kwoze

Májiye 24:27

Ábuki naane etiir i ee esib huta hu tu bufor bu bíjabina du bija yooŋ ti biraane du, iyu yooŋ i Añi ute Húŋgowulan hu abin fu.

Májiye 24:30

Náami éluwenuma yite *Añi ute Húŋgowulan hu káŋaasina tu bufor bu. Ésuk i ereyi fe kalolobool, abe n'iŋi kajuk Añi ute Húŋgowulan hu ti bibin tu bufor bu ni sembe, o káanikin naane.

2 Piyeer 3:10

Hunak h'Anahaan u ábatikein hu te ho káfufu naane ákuw. Hunak hondu, karim kéekolinanie-kolinani kajamiee kane bufor bu bíyemi tu bútowuto, abe buroon beeemo bu te bo kásufiee. Etaam i nu doon fe deeemo te yo kajoonanee.

Saak 5:8

Aruun yooŋ árimuñ; arijok alitee, ábuki bibin bite Anahaan u bulohena.

2 Tesalonik 2:2

bakaake ifi kaanuun hunak h'Anahaan u ábatikein hu te ho hireeŋa, siheluun sija sibeb, atum'áriyileniin. Hutoof yooŋ ake ayiŋanuun bo tu huruwu hite Atambatun, man yooŋ n'awaareuun bo, man yooŋ ni kaanuun irikiñjakiñj bo t'eleetar, atum'árikoleyi.

1 Tesalonik 5:2

Ábuki árimoomi akuur but aruun kumuumuun kaanuku hunak h'Anahaan u ábatikein hu te ho, ho káfufu naane ákuw aa áfuf nu huhuk.

2 Tesalonik 2:8

Ánafuta u n'aŋ'áŋaasin, abe Anahaan u Yesu n'aŋ'áwuur te o eeyoolo. O kátumbu ábujarooroo ni meejaaŋe meeyak mu káriboorina ne o kane ábatikein.

Májiye 26:64

Yesu n'aano: —Awe a̱soke fii. Abe íñje isok fee n'aruun: áfiitin ti hahiye, aruun kajuku *Añi ute Húŋgowulan hu t'ariikee inde *baatos bite Atambatun Ate Sembe su. Aruun yooŋ kajukio ti bibin tu bufor bu.

Májiye 25:31

—*Añi ute Húŋgowulan hu af'aja abin naane áyi, akina n'emalaka i kareyi fe, o biriiko t'eriikeey yeene yéenike i.

Májiye 5:15

Naane yooŋ ejaaŋana: an árifaariit ejaaŋana, abe n'árut yo n'ésiwo, bare aŋ'ánind yo ti kaasooru ku kaanuku yeejaaŋan keeemo ku t'enuuf i fe.

1 Korent 1:8

Humuumo káwutiyenuun sembe bija yooŋ tu hunak hiraanu hu, kaanuku an atum'abin abaj bike bite katinanuun hunak h'ábatikein hu te ho.