Hirim Heetoofe hu hi Luk akiñje hu 17:21 - Kwatay (Kuwaataay)

²¹ An at'aane: «Jondu diye!» man yooŋ: «Jondu baaba!» Ábuki fu *Jáyi jite Atambatun jíreeŋinuun.

Hirim Heetoofe hu hi Luk akiñje hu 17:21 Referans Kwoze

Májiye 12:28

Bare naane aamo i Búwejet bite Atambatun buwunam fu sembe site kákutoor sirab su, Jáyi joone kame jíreeŋinuun.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

Mark 13:21

Náami an af'aanuun: «Arijuk, *Afakana u ondu diye!» man yooŋ: «Ondu diya!», atum'áriyileno.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Hirim Heetoofe hu hi Luk akiñje hu 21:8

Yesu n'aaniin: —Arinaŋ toko kikawuun, an atum'abuutuun. Ábuki bakan keehooje bibin nu huruwu húuma iŋi kaane boko kaamo fu *Afakana u, man yooŋ ewahatu i ereeŋa. Bare atum'ariseiin ti hiñaawu.

Hirim Heetoofe hu hi Luk akiñje hu 17:23

Boko kaanuuun: «Ondu baaba!» man yooŋ: «Ondu diye!» Bare atum'arija toko, atum'ariseiin ti hiñaawu.

Saaŋ 1:26

Saaŋ n'aaniin: —Íñje iŋ'iboste nu móhujo, bare abajeebaj ake eeemo n'aruun, árimeyiito.

Saaŋ 18:36

Yesu n'aano: —Híyiaate húuma híteiit t'etaam ye. Arko yéeni híyiaate húuma hite t'etaam ye, eroka íima n'iŋi kasiiŋo yéeni kéetuum uŋu húuma hu kaanuku itim'ísikee isaanee eseef ite Esuwif i. Bare híyiaate húuma híteiit t'etaam ye.