Hirim Heetoofe hu hi Luk akiñje hu 17:2 - Kwatay (Kuwaataay)

² Ahaŋ kajaku te o n'akobee elaaliñj yómbokun tu nukun, abe n'áfiitenee ti han hu, bala áhin ake ti keebajoorut ku káyilen kómbokun eewas bítim bu.

Hirim Heetoofe hu hi Luk akiñje hu 17:2 Referans Kwoze

Mark 9:42

—An eeyak u kákinineŋ hutoof ake t'eraan i ti kéeyilene ku t'íñje n'aney ti kaahoofoor, ahaŋ kajaku te o n'akobee elaaliñj yómbokun tu nukun, abe n'áfiitenee ti han hu.

Májiye 18:14

Iyu yooŋ i Faafuun eeemo u t'etiir ámaŋiit fu mayet afeeneŋ ti kiŋgilij ku kéeyilene ku t'íñje átowuto.

Májiye 18:10

—Áriwasiyoor ti kahuufu kite ake t'eraan i ti kéeyilene ku t'íñje. Ábuki íñje isok fee n'aruun: emalaka yeeniin bokondu t'etiir, iŋi kasiiŋo kep hágila Faafam.

1 Korent 9:22

If'íyemi ni keeyanut ku ti káyilen ku ti Kiris, iŋ'íhin naane boko kaanuku man n'íñakiniin. Íhinoorahinooro buroon bu fe t'ésuk i ereyi kaanuku man n'ifakan bakaake.

Májiye 26:24

*Añi ute Húŋgowulan hu eeja kaketu naane *Míkiñjin mu musoke i uŋu hoone hu. Bare afin ayak buŋ kátaañi t'an ondu eeja u kajoohen Añi ute Húŋgowulan hu! Ahaŋ yéeni kajaku te o náami áwuwinoot!

1 Korent 9:15

Íñje bare íhinut mayet bifeeneŋ tu bondu, abe h'ikiñj hee n'aruun, eenutuun ariwunam dike doon. Tu kúuma ku, ho húkoyie n'iket bala an abin anuutan t'íñje bondu bimb'isaŋgoor ne bo!

Saaŋ 21:15

Hi Yesu n'eriboora i kañoofee hu kahaban, n'aane Simoŋ Piyeer: —Simoŋ, añi ite Saaŋ, á̱maŋiammaŋi a̱haŋ bokonde? Simoŋ n'aano: —Hee, Anahaan u, á̱moomi kaanuku ímaŋiimaŋi. Yesu n'aano: —A̱tofotoor mimetek múuma.

Májiye 17:27

Bare utum waatin tu bokondu. A̱ja ti *han hu, abe n'á̱fiiten kaabuutu kúuwe. Asaan a a̱ja u kajabu a̱jok, á̱faaŋin butum bu, n'aŋ'a̱juk toko sírirem. Á̱sik so a̱ajaam búhal bu bija tu wane.