Hirim Heetoofe hu hi Luk akiñje hu 16:8 - Kwatay (Kuwaataay)

⁸ Husaanum hu n'asokoroor aroka éejubut u ti kámuusu koone kondu. Ábuki keeemo ku t'ébaani i kahaŋahaŋ keeemo ku ti meejaaŋe mu kámuusu tu buroon bimbi káhinoor.

Hirim Heetoofe hu hi Luk akiñje hu 16:8 Referans Kwoze

1 Tesalonik 5:5

Múniyo arireyi fe meejaaŋe míkiniuun, kaajiŋgan yooŋ kíkiniuun. Únooto bakan bakate káajiim, man yooŋ bakate t'ébaani.

Efees 5:8

Hítiyar hu aruun ébaani; bare hahiye, naane árihine i t'afeeneŋ n'Anahaan u, aruun meejaaŋe. Náami arinoŋk naane bakan bakate meejaaŋe,

Hirim Heetoofe hu hi Luk akiñje hu 16:10

«An éejube tu buroon biŋgilij, ájubajub yooŋ tu bómbokun. An éejubut tu buroon biŋgilij, ájubut yooŋ tu bómbokun.

Saaŋ 12:36

Náami naane aamo i meejaaŋe mu muroŋa n'aruun, áriyilen te mo man n'áriyemi bakan bakate meejaaŋe. Hi Yesu asoke hu bondu ahaban, n'anuut toko, abe n'aja ánuuseiin t'akambe.

1 Saaŋ 3:10

Tu bonde ti biñi bite Atambatun kawayee fu ni biñi bite Setani: an fe éehinaariit beejake, man yooŋ éemaŋiit at'o, an ondu anooto añi ite Atambatun.

Hirim Heetoofe hu hi Luk akiñje hu 16:4

Yooh! Hahiyu ímeyia naane ija i, kaanuku man bakaake ni káfeŋginam wuruŋ wooniin kane inuutanee tu burok bu!»

Hirim Heetoofe hu hi Luk akiñje hu 20:34

Yesu n'aaniin: —Háyine hu ni haare hu bakate ku hahiye iŋi kaseño.

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

Fílip 3:19

boko búmuje tu bútowuto, ábuki kariin keemo fu etambatun yeeniin, abe beewariin bu yéeni káhinu keefuño, ne bo n'ifi kasaŋgoor. Buroon bite bu t'etaam ye taŋ b'ifi kayinoor.

1 Korent 3:18

An atum'abuut hikawo: ake t'aruun af'aliik ti bakate ku t'etaam ye n'aane áwesinatawesinato, aja áyemi t'ésuk i naane an eewene, t'áami nu múniyo áwesinatawesinato.

Hirim Heetoofe hu hi Luk akiñje hu 18:6

Anahaan u n'asooñ aane: —Arijam kep naane ajoonana ondu eejakut u asoke i!

Májiye 17:26

Piyeer n'aano: —T'emoosoora i. Yesu n'aano: —Náami bakan kooniin kawarut kajaamu doon fe.

Májiye 12:32

An af'asok *t'Añi ute Húŋgowulan hu, áyinooniee kaboŋket; bare an n'asok tu Búwejet Beenabe bu, at'aboŋketee úmiye, at'aboŋketee yooŋ kuwaatu kane Atambatun asiiŋan Jáyi joone.

Hirim Heetoofe hu hi Luk akiñje hu 16:7

Ahaban, n'aane ake: «Awe, butumbuŋ b'á̱yekio fu?» N'aano: «Kisaaku keemo éñjune kite maanu.» Aroka u n'aano: «Kaawiit kúuwe konde, a̱kiñj keemo síteemeer hutok ni síhaaji.»

Hirim Heetoofe hu hi Luk akiñje hu 20:35

Bare keejake ku k'Atambatun aja ku kaane kawarawar bíriteina t'eket i, keekin ti Jáyi jeebin ju, iti kaseño.