Hirim Heetoofe hu hi Luk akiñje hu 16:15 - Kwatay (Kuwaataay)

¹⁵ Yesu n'aaniin: —Aruun aŋ'árihin kaanuku t'abin aane árijubajub, bare Atambatun ámoomiuun ahaban. Ábuki b'ésuk i kajoke bu naane bómbokun, Atambatun ahuufahuuf bo.

Hirim Heetoofe hu hi Luk akiñje hu 16:15 Referans Kwoze

1 Korent 4:5

Iŋ'ite ho aamo fu atum'arijoonan an tu hunak hu hireeŋoorut. Arinahan Anahaan u eebin: o kafeeñal ti meejaaŋe mu béenuusee bu t'ébaani i, abe n'áwufoor yooŋ biyinoor bite kúŋgowulan ku béenuusee bu. Abe huruw fe, Atambatun kaliiku ti b'áhine bu eesokorooro.

Epotor i 15:8

Abe Atambatun éemeyie u ñúwejet ñite ésuk i n'awuniin Búwejet Beenabe bu naane awune i úne bo, éewufoor kaanuku áfiitenutiin.

1 Piyeer 3:4

Aaa, kuwarawar káyemi t'éhinda suhol soonuun, kite búwejet béeneenie abe ni bibeb. Káwari kondu kúbujaariit, abe kibajabaj t'Atambatun éñjeriŋ yómbokun.

Hirim Heetoofe hu hi Luk akiñje hu 11:39

Náami Anahaan u eeeno: —Aruun *Efarisiyeŋ i, aŋ'ariñaw akuur but meejukanee mite ekot i bija ebool i fe, bare níbahindaa, aŋ'arihooj bib nu wúfaŋi wute kákuwat, ni biyinoor boonuun beejakut bu.

Hirim Heetoofe hu hi Luk akiñje hu 10:29

Bare *ámuse ite Eluwa yite Moyis n'ámaŋi kaanuku eebaj ekooŋ. N'aane Yesu: —Náami aañ aamo fu áwiyam?

Kafeeñal ku 2:23

Íñje yooŋ kayoolu bakañio, abe bakate tu búsuk bu fe kéeyilene ku n'iŋi kánandin kaanuku íñj'eemo fu an éemeyie u biyinoor bite an, n'ehol yeene. Íñje kabatikan huruw fe t'aruun iliik tu buroon b'aroke bu.

1 Piyeer 5:5

Aruun yooŋ biñi bu, árijeŋgin sifaaf su. Abe aruun arireyi fe *kéeyilene ku, atum'aŋ'ariyitooro tu búyokunanoor bu, ábuki *Míkiñjin mu meenaan: «Atambatun aŋ'ásokum kiŋki kayitooro; kéeyitooraariit ku aŋ'áwufooriin kajaku koone.»

Eleetar i yi Pool akiñje i bakate ku Rom 3:20

Ábuki abajut an a Atambatun ayak kajoku an éejube aŋarkeyi naane an ondu áhinahin naane Eluwa i esoke i. Aaa, Eluwa i eŋ'éwufoor an kaanuku ahoofoorahoofoor.

Saaŋ 2:25

Asawuleit ake aŋ'aano an onde iye aamo fu, ábuki ámoomi buŋ bu húŋgowulan aamo fu ahaban.

Májiye 23:5

Buroon bimbi káhin fe bite búwuforooro: arijuk naane muroon mimmi kakob tu kúyuutiin ni ti sitekiin, méeyekie mu kike kirim kite *Míkiñjin mu mihahe i; iŋi káhin yooŋ balis bite wújufa wooniin bihaŋ bite b'ésuk i kakambu.

Hirim Heetoofe hu hi Luk akiñje hu 18:21

Ániine u n'aano: —Huta hu íñje añi, ifesut hikee tu bondu fe.

Hirim Heetoofe hu hi Luk akiñje hu 18:11

Afarisiyeŋ u n'asiiŋo, abe n'alaw tu búwejeto aane: «Atambatun, íñj'endu ti kaanii eyeehen naane inokoorut i ni bakaaku kareyi fe, keeemo ku búkuw, ñatuuk, iŋi kaŋot yooŋ ni bakan ki kaseñeit. Íñj'endu ti kaanii eyeehen naane inokoorut i n'asaa ondu ite búhal bu.

Epotor i 1:18

(Sírirem s'ajaamee su ti b'áhine bu beejakut bu, so s'ásike fu eejoohen hitaaŋaat bija te o. N'áneyin toko ni hikaw, haro ni hijeho, milawo miyak múnuutin.

Hirim Heetoofe hu hi Luk akiñje hu 20:47

Iŋi kamer haare hu ki bákayiniin kakete ku, keeyit buroon booniin fe. Abe káyemi ti kalawu, n'iŋi kafiyo naane, t'abin aane boko kajake. Atambatun kaniju tu boko ahaŋ diyu.

Hirim Heetoofe hu hi Luk akiñje hu 20:20

Náami iŋi kajukaro kep. Ni kaŋes bakan keeboñiin kaanuku iŋi kabin karejiin. Bokondu ni káhin naane bakan keebaje káyilen kómbokun, abe n'iŋi kaŋes kabuutu Yesu. Kámaŋamaŋi kabaju húkuuseima keejoko kaja kasaan águwernoor u.

Májiye 6:16

—*Af'ariwoor, atum'áritaañian ñuhooŋuuun naane ñatuuk ñu. Iŋi kákojian ñuhooŋiiin, kéewufoor ésuk i kaanuku bokondu ti baawoor. Iisokuun bifeeneŋ bu: kaheeka keebaj hisiibanu hooniin.

Májiye 6:5

—Af'áriyemi ti kalawu, atum'aŋ'árihin naane ñatuuk ñu. Iŋi kámaŋi bisiiŋo keelaw ti *ñáalawum ñite ñ'úne, man yooŋ ti sifiñjan su, t'ésuk i eyino kajukiiin. Iisokuun bifeeneŋ bu: kaheeka keebaj hisiibanu hooniin.

Májiye 6:2

«Af'á̱yemi ti kasarah an eebajut, atum'a̱heñjoor ésuk i kéeheelini, naane ñatuuk ñu ii káhin ti *ñáalawum ñite ñ'úne, nu tu búhuhu bu. Iŋi káhin iyu kaanuku ésuk i keesokorooriin. Iisokuun bifeeneŋ bu: kaheeka keebaj hisiibanu hooniin.

Saaŋ 21:17

Ahaban, n'aano híhaajiyan: —Simoŋ, añi ite Saaŋ, á̱maŋiammaŋi? Simoŋ n'átaañian naane Yesu ákandijeno i híhaajiyan aano: «Á̱maŋiammaŋi?» N'aano: —Anahaan u, á̱moomi doon areyi fe; á̱moomi kaanuku ímaŋiimaŋi! Yesu n'aano: —A̱tofotoor síkarniina súuma.

Hirim Heetoofe hu hi Luk akiñje hu 18:9

Yesu n'asok yooŋ beekolofanee bonde bija ti kiŋki kaane *t'Eluwa yite Moyis kájubajub, abe bare n'iŋi kaheeb bakaaku. N'aane:

Hirim Heetoofe hu hi Luk akiñje hu 18:14

Yesu n'áwutiyen aane: —Íñje isok fee n'aruun: h'asaa ite búhal bu áwaneina hu eeyeet, wuhoofoor woone wuboŋketee fu, bare wute wíiit Afarisiyeŋ u. Ábuki an fe eeyitooree, o kawananee, abe an fe eewananooree, o kayitiee.

Epotor i 1:24

Kahaban, ni kalaw kaane: —Anahaan u, awe éemeyie u ñúwejet ñite ésuk i fe, á̱wufoor uni aañ ti bákasuba konde a a̱jifane fu

Eleetar i yi Pool akiñje i bakate ku Rom 8:27

Abe Atambatun aa ajuk tu suhol su aŋ'ámeyi biyinoor bite Búwejet Beenabe bu, ábuki iŋi bilawo naane ámaŋie i bija ti bakan k'akino ku.