Hirim Heetoofe hu hi Luk akiñje hu 14:21 - Kwatay (Kuwaataay)

²¹ Aroka u n'abatuko bija t'an éeboñino u, abe n'asoko naane bakaaku kásafino i fe. Ate enuuf i n'átumb ayiŋat naane abe n'aane aroka oone: «A̱ja ahil jab ti sifiñjan su, nu búhuhu bite ti hikinu hu, abe n'a̱binam ni keebajut ku, ni keeyinaat ku bija, ni kéefuume ku, ni kéetime ku.»

Hirim Heetoofe hu hi Luk akiñje hu 14:21 Referans Kwoze

Hirim Heetoofe hu hi Luk akiñje hu 14:13

Af'a̱baj t'awe hiriy, a̱ruw keebajut ku, ni keeyinaat ku bija, ni kéetime ku, ni kéefuume ku.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

Májiye 11:5

kéefuume ku kasiŋa kajuk, keeyinaat ku bija káyinia bija, ki *yafot i ejoke ku kákoyia, bútuut bu bisiŋa bijam, keekete ku iŋi karitanee t'eket i, abe keebajut ku doon fe iŋi kajamatan Hirim Heetoofe hu.

Saaŋ 9:39

Ahaban, Yesu n'aane: —Káwaajinoor ésuk i kíkinineŋe fu n'ibin t'etaam ye, man kéejukaariit ku ni kajuk, abe kiŋki kajuk ni kafin káfuum.

Hirim Heetoofe hu hi Luk akiñje hu 14:24

Íñje isok fee n'aruun: mayet afeeneŋ ti keejabe ku karuwee ayak buñoofo ti hiriy hu!»

Esuwif i 2:3

Náami buŋ b'úyino fu kafaku tu kúnuur kondu kéesufe ku, kane arko núuwiinen hirim héeyinie hu úne kafakan, h'Anahaan u Yesu humuumo ajabe hu asok? Keejamo ku ti báhamin bu kaanaan úne hite nu múniyo.

Kafeeñal ku 22:17

Búwejet Beenabe bu n'anaare ite Ametek u ni kaano: «A̱bin!» An yooŋ eejame bonde aja aano: «A̱bin!» An i nukuno nisaye abin. An éemaŋie búhujo tu móhujo mite buroŋ bu aja áhujo te mo fuufu.

Kafeeñal ku 19:15

Kábura keebaliŋge suf iŋi kíŋaasin tu butumo; ne ko n'aja fu kámiñu biheet bu fe. O kahaawu bo nu hútaŋkaru hite mañ, abe n'atuusan bo naane *kireseŋ ti báatuusanum bite b'Atambatun eehaŋe u ebaja sembe bite bu kane ayiŋat dómbokun.

Esuwif i 13:17

Árijeŋgin égila yeenuun, abe n'aŋ'arijam tu boko. Boko ifi kajukar siyaan soonuun, ábuki Atambatun kákandijeniin naŋ ni karoke fu. Af'árijeŋginiin, boko káhinu burok booniin ni katoofu kómbokun. Afut'árijeŋginiin, n'iŋi káhin bo ni kaseetu, abe man arijuk toko mayet éñjeriŋ.

Hirim Heetoofe hu hi Luk akiñje hu 24:47

Abe eriboora yeene kawarawar kawaare tánotan fe t'etaam ye tu huruwu hoone, kéejabin Serusalem. Kawarawar kasoku ésuk i keewatanooro kinij kooniin keejakut ku man wuhoofoor wooniin nu wuboŋketee.

Májiye 11:28

«Aribin t'íñje aruun fe kéelaame ku abe n'ariniŋan, n'iŋ'íyihinanuun.

Hirim Heetoofe hu hi Luk akiñje hu 9:10

*Epotor i ni kábatikein, abe ni kasok Yesu bi káhine bu fe. Yesu n'aaniin kasao ti hiñaawu, abe n'aja nu boko t'an anooto, inde eke ésuk iŋi kaane yo Betsayida.

Májiye 18:31

Hi bakaaku eroka kajuke hu bondu, ni bítaañiiin naane. Ni kaja t'áyi u keekamo bo fe.

Májiye 15:12

Eriboora yeene ni kátofin abe ni kaano: —Á̱moomi me kaanuku *Efarisiyeŋ i kayiŋatayiŋat iŋi báhamin b'a̱soke bee?

Hirim Heetoofe hu hi Luk akiñje hu 14:20

Ake n'aane aroka u: «Afiyeitee naane íyoosanna i anaar'am; ho híkinineŋe fu iyinaat bibin.»

Hirim Heetoofe hu hi Luk akiñje hu 14:22

Diŋgilis kep náami aroka u ábatikeino abe n'aane ate enuuf i: «Íhinahin naane a̱soke i, bare enuuf i ehoojoorut.»

Májiye 20:7

Ni kaano: «Aŋarkeyi an ayitut uni burok.» N'aaniin: «Yooh, arija ariirok yooŋ t'etool íima.»