Hirim Heetoofe hu hi Luk akiñje hu 13:32 - Kwatay (Kuwaataay)

³² Yesu n'aaniin: —Arija ariene amulool ondu: «Íñj'endu ti kákutoor sirab, n'iritan yooŋ bakan kéesomute úmiye nu kuwaatu, abe hunak híhaajiyan hu n'iŋ'ihaban burok búuma.»

Hirim Heetoofe hu hi Luk akiñje hu 13:32 Referans Kwoze

Esuwif i 2:10

Atambatun áwuwanawuwan doon areyi fe, abe n'ákini do yooŋ. Ámaŋamaŋi bakan keehooje kéeyemi bakañio, keebin keemaat ti kániku koone. Makamu Yesu ajukajuk sílaam, Atambatun n'áhino éeyemi ágila eereeŋe kágilan bakan, éeyini káfeŋginiin bítim bite kafaku ku.

Esuwif i 5:9

H'aamo hu *akuuranee but ahaban, n'áyemi ti kiŋki kájeŋgino kareyi fe an u aa afakaniin hiraanu.

Esuwif i 7:28

Eluwa yite Moyis, kúŋgowulan k'ewune fu iŋi kabin káyemi esaraha kómbokun, abe bare kakuurut. Bare Eluwa i esiiŋaneesiiŋan ehaban, Atambatun n'áhamin abe n'awaat, abe n'ásik Añi oone eekuuranee u hiraanu éeyemi asaraha ómbokun.

Saaŋ 10:32

Yesu n'aaniin: —Íhinahin tu buhooŋuuun buroon úkaan beejake ti sembe site Faaf u. Ti biin t'arisiiŋee fu h'árimaŋie hee kámiñiam nu bujuju iket?

Mark 6:14

Áyi u *Erod n'ajam huruwu hite Yesu, ábuki ho ti kahaŋu bijamo kep. Bakaake iŋi kaane: —Sambatiis fu áriteina fii t'eket i! Iŋ'ite ho h'abaje fii sembe site káhinu buroon beehaŋe ésuk i kikaw.

Saaŋ 19:30

Hi Yesu áhujee hu ébiñ i, n'aane: —Ahabanee areyi fe! Ahaban, n'aleeb nukuno, abe n'aket.