Hirim Heetoofe hu hi Luk akiñje hu 12:42 - Kwatay (Kuwaataay)

⁴² Anahaan u n'aane: —Náami aañ aamo fu aroka eejoŋoore u, abe n'áwesinato yooŋ? O aamo fu an u a ate enuuf i asaane u bujukar bite enuuf i, abe n'asoko yooŋ kaanuku aŋ'abin awun bakaaku eroka buhuŋ booniin keeñoofo kane ewahatu i ereeŋ.

Hirim Heetoofe hu hi Luk akiñje hu 12:42 Referans Kwoze

Esuwif i 13:17

Árijeŋgin égila yeenuun, abe n'aŋ'arijam tu boko. Boko ifi kajukar siyaan soonuun, ábuki Atambatun kákandijeniin naŋ ni karoke fu. Af'árijeŋginiin, boko káhinu burok booniin ni katoofu kómbokun. Afut'árijeŋginiin, n'iŋi káhin bo ni kaseetu, abe man arijuk toko mayet éñjeriŋ.

Esuwif i 13:7

Áribaŋino égila yeenuun keesokuun ku hirim hite Atambatun. Ariyinoor buŋ bu buroŋ booniin búmuje fe, abe n'arineefan ti káyilen kooniin.

2 Timote 4:2

atoof, átaañi, a̱waare hirim hite Atambatun, abe n'aŋ'a̱sooñoor kep. A̱joŋooran kéehinaariit ku ajakee, a̱kamoor ti kiŋki kahoofoor, abe n'á̱wutiyeniin sihel kéehin ajakee. A̱liikeniin ni kámuñu kómbokun.

1 Timote 5:17

*Sifaaf ifi kajoŋooran áwariee kéeyilene ku, bajaam booniin buwareewar káwutiyen tu kúsuba, áhaŋum ti kiŋki káñiŋkaan ti kawaare ku, ni kaliiken kite ésuk i.

1 Piyeer 4:10

Atambatun awunuunwun arireyi fe bifehe bite káyokunan bakaaku, huruw fe aliik ti b'Atambatun awuno bu. Áriyemi naane eroka keejake keeemo ti káhinu bakaaku meejake mite m'Atambatun meewayoore mu.

Eleetar i yi Pool akiñje i Tit 1:7

Hikaw hite kéeyilene ku af'atofotoor burok bite b'Atambatun; iŋ'ite ho aamo fu awarut kabaju bike b'an ayino kawatano te bo. Awarut biyitooro, awarut kahilu ti kayiŋat, awarut káwusan, awarut káyemi aloba, atum'aŋes yooŋ kabaju sírirem seekuurut.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Májiye 20:8

«Tireeŋa bísaarino, n'aane áyin oone aa ajaam: “A̱ruw eroka i a̱asaaniin bajaam booniin. A̱jab bare ti keebine ku eraan i, abe n'a̱habanooro ti keebine ku étiyar i.”

Esuwif i 3:5

N'afin áami Moyis ájubajub tu burok bu t'enuuf ite Atambatun ereyi fe, abe n'asok ésuk i b'Atambatun aja bu bibin kasoku hágila.

1 Timote 3:15

bibin búuma ufu búkuri, n'á̱meyi buŋ bu buroŋ bite an buware fu káyemi tu butoŋ bite Atambatun. Butoŋ bondu beemo fu bakate ku Atambatun eeemo u buroŋ *kéeyilene ku, keeemo ku naane hiñaan hítiyar hite enuuf tu múniyo mu miyaajee du.

Hirim Heetoofe hu hi Luk akiñje hu 7:13

H'Anahaan u Yesu ajuke hu anaare u, n'ayubiyeno abe n'aano: —Atum'a̱yiy!

Májiye 13:52

N'aaniin: —Náami yooŋ ámuse fe ite *Eluwa yite Moyis, i kaliikene múniyo mite *Jáyi jite Atambatun, anokooranokoor naane ate enuuf éebisinna buroon bíyeni nu buroon beehaane t'ebaj yeene.

Hirim Heetoofe hu hi Luk akiñje hu 7:19

abe n'aboñiin t'Anahaan u kaanuku kéekandijeno man akina aamo fu an eeware u bibin, man yooŋ kanahan ake.

Hirim Heetoofe hu hi Luk akiñje hu 12:43

Atoof t'aroka ondu kane ate enuuf i ábatikein, n'áŋaabeino tu burok b'asaano bu!