Hirim Heetoofe hu hi Luk akiñje hu 12:37 - Kwatay (Kuwaataay)

³⁷ Atoof t'eroka yendu kane áreeŋin, n'áŋaabeiniin ti káheeline káw! Iisokuun bifeeneŋ bu: o biŋañjo, éehiniin keeriiko, abe n'asaaniin keeñoofo.

Hirim Heetoofe hu hi Luk akiñje hu 12:37 Referans Kwoze

2 Piyeer 3:14

Kújakuwe, aruun k'ímaŋie-maŋie ku, iŋ'ite ho aamo fu makamu aruun bokondu ti kanahan hunak hondu, árihin wáhowah man n'áriyemi hágila Atambatun bakan *keekuure, bakan keeyinaatee kawatan tu doon fe, ni bakan yooŋ keebaje káasuumaay ne o.

Májiye 24:42

Náami áriheelin féet, ábuki árimeyiit hiin hunak h'Anahaan oonuun abin fu.

Fílip 1:23

Ehelam yendu ti kateyoor tu muroon músuba monde: ímaŋamaŋi kaketu íiyemi ni Kiris, ho húkoyie.

1 Korent 2:9

Bare *Míkiñjin mu meenaan: «B'an ámusut bu kajuku, b'an yooŋ ámusut bu kajamu, ni b'an ámusut bu kayinoor, Atambatun afarafare bo bija ti bakan kéemaŋio ku.»

Kafeeñal ku 14:13

Hunuut toko, n'ijam kaaji ni kíhaminn t'etiir bufor bu keenam: —A̱kiñj a̱ane: «Áfiitin t'úmiye, kiŋki káhin t'afeeneŋ n'Atemit abe n'iŋi kaket, atoof tu boko!» Búwejet Beenabe bu ni beene: «Hee, nu múniyo, boko kayihu tu burok booniin beeniŋe bu, ábuki meejake mi káhine mu mondu ti kásilimbaniin.»

2 Piyeer 1:11

Iyu a Atambatun aja fu káfeŋginuun tay wuruŋ wute Jáyi jéehabanaariit ju. Jo jeemo fu jite ju Yesu Kiris Anahaan ite úne, *n'Afakana ite úne yooŋ toko.

Saaŋ 12:26

An af'ámaŋi karoku bija t'íñje, áseinam ti hiñaawu. Af'áhin ii, t'ija du káyemi, aroka úuma n'aŋ'áyemi yooŋ toko. An af'arok bija t'íñje, Faafam kasokorooro.

Hirim Heetoofe hu hi Luk akiñje hu 21:36

Áriniyo, abe n'arilaw ko kireyi fe man Atambatun n'awunuun sembe site kafaku tu buroon bondu beeja bu kabaju, ni site bisiiŋo hágila *Añi ute Húŋgowulan hu.

Kafeeñal ku 7:17

Ábuki Ametek eeemo u kaagoroor n'eriikeey ite híyiaate hu aja fu kahaawiiin, abe o bija nu boko tu wúbulanu wute móhujo mummu muwun buroŋ bu. Abe Atambatun katotu muhuw mánoman ti ñíkiniin.

Kafeeñal ku 3:21

An fe eeyak kariiŋan, íñje karahano t'eriikeey íima yite híyiaate hu, naane iriiŋane i yooŋ, Faafam n'arahanam t'eriikeey yeene yite híyiaate hu.

Fílip 1:21

Ábuki t'íñje, buroŋ bu beemo fu Kiris, abe eket i hisiibanu.

Hirim Heetoofe hu hi Luk akiñje hu 17:8

Eeman awe kaanio: «A̱ñunam, abe n'a̱nuutan wañ wondu a̱asol wike; wusooŋ, n'a̱huŋ iiñoofo abe n'a̱wunam íihujo. Ihaban, n'aŋ'a̱tik a̱ñoofo»?

Hirim Heetoofe hu hi Luk akiñje hu 12:43

Atoof t'aroka ondu kane ate enuuf i ábatikein, n'áŋaabeino tu burok b'asaano bu!

Hirim Heetoofe hu hi Luk akiñje hu 12:36

Árihin naane eroka keeemo ti kanahan ate enuuf i eeje bite biseño. Ni kariiko kaanuku af'abin áreeŋin abe n'akoŋkoŋan kep, n'iŋi káfeŋgino.

Hirim Heetoofe hu hi Luk akiñje hu 22:27

Aañ ahaŋe fu tu bokonde: an u i kahuŋe u eeñoofo, man yooŋ aroka oone? Eeman an u i kahuŋe u? Bare íñje t'aruun, ímoomi naane aroka u!

Kafeeñal ku 16:15

Anahaan u n'aane: «Arijam, bibin búuma káfufu naane ákuw! Atoof t'an eeŋotut u, abe n'ajukar wañ woone kaanuku atum'abin aja fuufio ésuk i keejuk ñufuñ ñoone.»