Hirim Heetoofe hu hi Luk akiñje hu 12:17 - Kwatay (Kuwaataay)

¹⁷ N'ayinoor ti hikawo aane: «Doon d'ija du káhotukan iti dire ti ñíhindaa ñúuma. Buŋ fíya b'ija fu?»

Hirim Heetoofe hu hi Luk akiñje hu 12:17 Referans Kwoze

Májiye 5:42

An eelawi dike doon, a̱wuno; abe an n'aani a̱maageno doon, atum'a̱teñeko.

1 Saaŋ 3:16

Iye u úmeyie fu naŋ neemo fu kámaŋi: Yesu *Kiris ásikasik síhiinio asaan bija t'úne. Náami úne yooŋ úwarawar kásiku síhiinu úne úsaan bija ti bakati úne.

Eleetar i yi Pool akiñje i bakate ku Rom 12:13

Áriyokunan bakanuun kéeyilene ku keebaje ku bisawula, abe n'aŋ'arijok áwariee kiŋki kawanan t'aruun.

Epotor i 16:30

Ahaban, n'ánuutanniin, abe n'ákandijeniin aaniin: —Kújakuwe, naŋ n'iware fu káhinu kaanuku iifak?

Hirim Heetoofe hu hi Luk akiñje hu 19:17

Áyi u n'aano: “Iyu kep, awe aroka eejake. Makamu á̱jubajub tu buroon biŋgilis bonde, íñje káhinii á̱ayemi aseef ite kikinu sumoŋu.”

Hirim Heetoofe hu hi Luk akiñje hu 18:22

Hi Yesu ajame hu bondu, n'aano: —Aroŋee doon difeeneŋ d'a̱ware káhinu: a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Hirim Heetoofe hu hi Luk akiñje hu 16:9

Yesu n'áwutiyen aane: —Íñje n'ifin eenuun: ebaj yeenuun yite i t'etaam ye, árisik yo áriihinooro bákawiy. Af'árihin ii, abe n'ebin ehabano, n'aŋ'arijokee áwariee ti bikin béehabanaariit bu.

1 Timote 6:17

A̱ane kusaanum kite t'etaam ye itim kayitooro, itim kanaŋ yooŋ eyakar yeeniin t'ebaj yéefiyaariit. A̱aniin kanaŋ yo t'Atambatun aa awun úne areyi fe ahahan kaanuku núutoofan.

Epotor i 2:37

H'ésuk i kajame hu bondu, nu bugoriin faa tu suhol. Ni kákandijen Piyeer ni bakaaku epotor kaaniin: —Kújakuwe, kame naŋ n'iriware fu káhinu?

Hirim Heetoofe hu hi Luk akiñje hu 16:3

Aroka u n'ayinoor aane: «Áyin úuma kanuutanam tu burok bu. Buŋ fíya b'ija fu íñje? Ibajut sembe site buwañ, ifuñafuño yooŋ bija kayarawan.

Hirim Heetoofe hu hi Luk akiñje hu 12:33

Arijoohen ebaj yeenuun fe, abe n'árisik sírirem su arisarah keebajut ku. Arirok bikalfe béebujaariit, arikuukan ebaj t'etiir, t'aamo du et'étowuto hikee-kee. Búkuw bu iti bíyini kareeŋu yo, busobit bu iti bíyini kábuju yo.

Hirim Heetoofe hu hi Luk akiñje hu 12:29

Náami ariraan biyinoor bu uŋu doon d'arija du buñoofo bu, man yooŋ búhujo bu.

Hirim Heetoofe hu hi Luk akiñje hu 12:22

Yesu n'asooñ aane eriboora yeene: —Iŋ'ite ho h'eenuun fu: atum'ariyinoor uŋu buroŋ bu ni siniuun. Atum'ariyinoor uŋu doon d'ariware du buñoofo, nu wañ w'ariware wu bisiimo.

Hirim Heetoofe hu hi Luk akiñje hu 11:41

Árisik buroon beeemo bu tu bukot bu, nu tu subool su ariisarah keebajut ku, abe buroon bu fe n'uŋu bukuur t'aruun.

Hirim Heetoofe hu hi Luk akiñje hu 10:25

Ake t'émuse yite *Eluwa yite Moyis n'ámaŋi kabuutu Yesu. N'arito abe n'aano: —Ámuse u, naŋ n'iware fu káhinu kaanuku iibaj buroŋ béehabanaariit bu?

Hirim Heetoofe hu hi Luk akiñje hu 3:11

N'aaniin: —Ake t'aruun af'abaj wújufa wúsuba, awarawar kawunu kike an eebajut u. Abe an eebaje eeñoofo, awarawar káruboor n'an eebajut u.

Májiye 16:7

Eriboora i n'iŋi kaanoor toko: —Úbinut tíme nu kumburu, iŋ'ite ho h'af'asok ii.

Hirim Heetoofe hu hi Luk akiñje hu 12:16

Náami eesokiin beekolofanee bonde: —Abajeebaj ake ániine husaanum. Kitaaŋaat koone kireyi fe kikeje fu.

Hirim Heetoofe hu hi Luk akiñje hu 12:18

N'asooñ aane: «Iye i ija fu: íñje kawelej ño, íihin ñike ñómbokun, abe n'inaŋ te ño doon d'ija du káhotukan, nu buroon búuma baabu fe.