Hirim Heetoofe hu hi Luk akiñje hu 12:15 - Kwatay (Kuwaataay)

¹⁵ Ahaban, n'aane hahooja hu hireyi: —Arinaŋ toko kikawuun, áriwasiyoor bimero bite ebaj i, ábuki húŋgowulan, áyemi husaanum are buŋ fíya, buroŋ boone bunooto t'ebaj yeene.

Hirim Heetoofe hu hi Luk akiñje hu 12:15 Referans Kwoze

Esuwif i 13:5

Atum'árisik kikawuun arinaŋ ti sírirem. Kikawuun kutoof kep tu doon d'aribaje du, ábuki Atambatun aanaan: «It'iwasuun hikee, it'ífiitenuun yooŋ.»

2 Timote 3:2

Múniyo ésuk i kayinoor huruw hikawo, ni kámaŋi yooŋ sírirem, boko kamaku, ni kayitooro yooŋ, abe ni kálafatin Atambatun. Iti kájeŋgin sifaafiin ni síñaayiin, iti kaane an eyeehen, abe boko biteñeko yooŋ doon fe deenabe.

Hirim Heetoofe hu hi Luk akiñje hu 16:14

*H'Efarisiyeŋ i kajame hu bondu, ni kásuw Yesu, ábuki iŋi kámaŋi naane sírirem.

Kolos 3:5

Náami ariyool ti siniuun doon fe deeemo dite t'etaam: huŋotu hu ni bakan k'ariseñeit, *kakuuraate ku, kámaŋi kite buroon béefuñinanie bu, wúfaŋi weejakut wu, ni bimero bite buroon b'árikiniit bu. (An af'amero doon d'ákiniit, ajokajok bondu ahaŋ naane ajoke i Atambatun.)

Hirim Heetoofe hu hi Luk akiñje hu 8:14

Sinawaay seeneye su t'esisa i seemo fu kiŋki kajam jak. Bare biyinoor bu iŋi bihaŋiin sembe, ni kámaŋi kite ebaj i, ni katoofu kite buroŋ bu, abe kábukaariit miriyaay meeyane.

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

Mark 7:22

huŋotu hu n'an i kaseñeit, bimero bite buroon bite bakaaku, bánafut bu, kabuutu kite ésuk i, kajoŋooraate ku, bíhiñanoor bu, husoku hu ti bakaaku, biyitooro bu, nu busoŋotooro bu.

1 Korent 6:10

nu búkuw bu, ni kiŋki kamero buroon bite bakaaku, n'éwusana i, ni kiŋki kasok ti bakaaku, ni kéejubut ku, bokondu fe iti kamaat hikee ti Jáyi jite Atambatun.

Hirim Heetoofe hu hi Luk akiñje hu 21:34

—Arinaŋ toko kikawuun! Atum'ariniŋan siheluun ni biyinoor bite kiriy, n'éwusan, man yooŋ biyinoor bite buroŋ bu. Áriwasiit, hunak hu n'iŋi hijendanuun káfufu

2 Piyeer 2:14

Kikawiin fe kondu ti haare hu, kaanuku man ni kaŋot nu boko. Kálaamaariit hikee ti káhinu kite wuhoofoor wu, abe iŋi kabuut bakan keejokut ku alitee ti bítim bite *Kiris. Kabaju sírirem taŋ keemo fu ti kikawiin. Bokondu Atambatun áwuumiinwuum!

Hirim Heetoofe hu hi Luk akiñje hu 12:16

Náami eesokiin beekolofanee bonde: —Abajeebaj ake ániine husaanum. Kitaaŋaat koone kireyi fe kikeje fu.