Kolos 4:7 - Kwatay (Kuwaataay)

⁷ Ati úne Tisik u úmaŋie-maŋie u, eeemo u burok uni bifeeneŋ, abe n'aŋ'arok burok bite Anahaan u ajoŋooree, o kasokuuun buŋ b'eemo fu fe.

Kolos 4:7 Referans Kwoze

2 Timote 4:12

Iboñaboñ Tisik bija Efees.

Epotor i 20:4

Bakaake ni kariboor ne o. Boko kaamo fu: Sopater, añi ite Pirus ite u Bere, n'Aristarik ni Sekundus bakate Tesalonik, ni Gáyiyus ite u Derib, ni Tisik ni Tirofim bakate Asi, ni Timote.

Eleetar i yi Pool akiñje i Tit 3:12

Íñje káboñini Artemas man yooŋ Tisik. An u af'áreeŋin, n'aŋ'á̱hin wáhowah a̱abin á̱ŋaabeinam Nikopolis, ábuki íhabaneino kaanuku iija íihin bo haajam hu.

Kolos 4:9

Íboñiniinboñin boko n'Onesim ite u t'aruun. Akina yooŋ ati úne éejube, abe n'úmaŋio dómbokun. Boko kasokuuun beebaje bu beebe fe.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

Fílip 2:25

Iyinoorayinoor n'eene ajakeejak n'íbatikannuun ati úne Épafurodit, a aribine u áriboñin t'íñje kaanuku eebin éeyokunanam ti bisawula búuma. O aamo fu áwiyam tu burok bu ni t'étuum i iŋi Hirim Heetoofe hu.

Kolos 1:7

Áwiy uni Epafuras eeemo u burok uni bifeeneŋ aliikenuun fu bondu. Akina an éejube tu burok bite Yesu Kiris, abe burok b'iriware bu yéeni káhinu t'aruun, bo b'áhin fii.