Kolos 4:11 - Kwatay (Kuwaataay)

¹¹ Yesu ii kaane Sustus asaafuun yooŋ. T'Esuwif i kéeyilene ku ti *Kiris, bákahaaji konde taŋ ifi karok n'íñje bija ti *Jáyi jite Atambatun, abe iŋi káhin yooŋ hikawam heeyaŋg.

Kolos 4:11 Referans Kwoze

Epotor i 11:2

Hi Piyeer áreeŋina hu Serusalem, Esuwif i kéeyilene ku ni kawatano

Filemoŋ 1:1

Íñje Pool eekulee u aŋarkeyi naane iŋ'iwaare Hirim Heetoofe hite hu Yesu *Kiris ikiñje fee eleetar yende. Íñje n'ati wane Timote írikiñjini fee, awe Filemoŋ, áwiy uni bajen eeemo u burok úne bifeeneŋ.

Eleetar i yi Pool akiñje i Tit 1:10

Abajeebaj bakan keehooje kájeŋginaariit an, áhaŋum t'Esuwif i keeyoosee ku bítim bite *Kiris. Iŋi kabuut ésuk i ni kirim kooniin keeñunut ku.

Kolos 4:7

Ati úne Tisik u úmaŋie-maŋie u, eeemo u burok uni bifeeneŋ, abe n'aŋ'arok burok bite Anahaan u ajoŋooree, o kasokuuun buŋ b'eemo fu fe.

2 Korent 6:1

Makamu iŋ'irirok n'Atambatun, uni bokondu ti kaanuuun waasuun, atum'árihin kásoniyan k'Atambatun ásoniyanuun ku kéeyemi kite fuufu.

Eleetar i yi Pool akiñje i bakate ku Rom 4:12

Aburaham aamo fu yooŋ faaf ite keeteye ku karam; káanukiiit ti keeraane ku ti kateyi karam ti siniiin barebare, bare n'iŋi kaneefan yooŋ ti káyilen ki faaf úne Aburaham abaje ku, o t'ateyoorut karam.

Epotor i 10:45

Esuwif i *kéeyilene ku kéeriboorina ku ni Piyeer ni kajahale dómbokun naane Atambatun awune i keenooto ku Esuwif Búwejet Beenabe bu.

Filemoŋ 1:24

Bakanam Mark, n'Aristarik, ni Demas, nu Luk kiŋk'irirok kasaafi yooŋ.

1 Tesalonik 3:7

Náami kújakuwe, naane irijuke i kúnuur ni sílaam fe, káyilen koonuun ni kiyaŋganan uni kikaw.

1 Tesalonik 3:2

abe n'íriboñinuun ati úne Timote aa arok n'uni bija t'Atambatun ti kawaare kite Hirim Heetoofe hu, heesoke hu iŋ'ite hu Kiris. Íriboñinuunboñino kaanuku eeyaŋgananuun kikaw ti bítim bu, abe n'ahaŋ yooŋ kalitan káyilen koonuun.

Fílip 4:3

Awe yooŋ eeemo u burok wane bifeeneŋ, waasi, á̱yokunan haare hondu t'ésubaiin, íñje ilawi. Ábuki uni íriyemie fu t'étuum i t'afeeneŋ kaanuku Hirim Heetoofe hu heejamo, uni Kilemoŋiin, ni bakaaku bákawiyam fe kiŋki karok n'íñje. Atambatun akiñjakiñj kuruwu kooniin ti kaawiit koone kite buroŋ bu.

Efees 2:11

Aruun keenooto ku Esuwif ti kabukiee, áribaŋino naane áriyemie i hítiyar hu. Esuwif i iŋi *katey karam, abe doon dondu dindi káhin ti siniiin barebare díkinineŋe fu ifi kámaŋi karuwuuun, n'iŋi kaanuun «keeteyit ku karam».

Eleetar i yi Pool akiñje i bakate ku Rom 16:3

Arisaafam Pirisil n'Akilas keeemo ku burok uni bifeeneŋ ti Yesu *Kiris.