Kolos 3:4 - Kwatay (Kuwaataay)

⁴ Kiris aamo fu buroŋ boonuun nu múniyo. Af'abin áŋaasin, n'aŋ'áriŋaasin yooŋ ne o ti kániku koone.

Kolos 3:4 Referans Kwoze

Saaŋ 11:25

Yesu n'aano: —Íñj'eemo fu bíriteina bite t'eket i, íñj'eemo fu yooŋ buroŋ bu. An éeyilene t'íñje, hutoof yooŋ aket, o karoŋu.

1 Saaŋ 3:2

Kújakuwe, aruun k'ímaŋie-maŋie ku, hahiyu úne biñi bite Atambatun, bare naane úja i kanokoor búwuforoorutee. Bare úmoomi kaanuku *Kiris af'abin ásooñin, úne káyemi naane akina, ábuki úne kajukio naane aamo i.

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

1 Piyeer 1:13

Arifare ariwasan. Arijok kikawuun, abe n'arinaŋ eyakar yeenuun fe ti káasuumaay k'arija ku kawuniee kane Yesu *Kiris áŋaasin.

Fílip 3:21

Af'aja abin, o katitu sini site s'úne seebajut see sembe, éehin so seenokoor ni yeene i yéenike i. O káhinu bondu ni sembe sinsi síkinineŋ n'áhin buroon bu fe beejam te o.

Saaŋ 17:24

«Faafa, ímaŋamaŋi bakan k'a̱wunam ku ni káyemi yooŋ t'ija du káyemi, man ni kajuk kániku kúuma, kondu k'a̱wunam ku, ábuki á̱maŋiammaŋi t'etaam i éwuwanoorutee.

1 Piyeer 5:4

Abe Kiris Aseef ite ehaawa i af'aja áŋaasin, n'aŋ'awunuun hisiibanu héenike, abe utu húbujo hikee.

1 Saaŋ 2:28

Hee kúñuumo, arijok alitee ti káhinu k'árihine ku t'afeeneŋ ni Kiris, man hunak h'abin hu ifi hireeŋ, kikaw úne ni kiyaŋg piŋ; utum'úbin úfuño hágilao hunak hondu.

Esuwif i 9:28

Iyu yooŋ i Kiris ásike fu enio eesarah hifeeneŋ kaanuku eenuutan wuhoofoor wute bakan keehooje-hooj. Abe o kásooñina húsooboriyan, káanukiiit bibin kanuutan wuhoofoor wu, bare kaanuku eebin eefakan keeemo ku ti kanahan koone.

Kafeeñal ku 22:14

Atoof ti kiŋki kañaw wañ wooniin. Boko kaŋaasu tu wuruŋ wute hikinu hu keeyooso, abe n'iŋi káyini kateŋu ti miriyaay mite nunukanuk nunnu nuwun buroŋ bu.

1 Korent 15:43

Ehunuŋ eŋ'ehokee t'énikut, t'ebajut yooŋ sembe; eni n'eritanee t'eket i, yo káanikin, abe yooŋ yo ni sembe.

Kafeeñal ku 22:1

Hunuut toko, amalaka u n'áwufooram kaayelu kite móhujo mite buroŋ bu, kéenuutina ku t'eriikeey ite híyiaate hu yite i Atambatun n'Ametek u, abe ni kijaaŋ wililil naane eweer.

Eleetar i yi Sud akiñje i 1:24

Úsokoroor Atambatun afeeneŋ u eeŋaase u t'Anahaan ite úne Yesu *Kiris eefakan úne. Akina áyinie fu kajukaruun kaanuku atum'ariney, abe n'áhinuun ariisiiŋo hágilao, o éenike u. Aruun *kakuuru but, abe kikawuun katoofu dómbokun. Akina akino fu kániku ku, ni kahahu ku, ni sembe su, ni hiseefaate hu huta hu ti kájabina ku, ni hahiye, nu ko kireyi fe! Amiin.

1 Saaŋ 5:12

An éehine u t'afeeneŋ n'Añi u abaja buroŋ bu, bare an éehinut u t'afeeneŋ n'Añi ite Atambatun abajut buroŋ bu.

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

Májiye 13:43

Náami kéejube ku kasilan naane taanak tu ti Jáyi jite ju Faafiin. Arko aribajabaj wúkondin, árinandin naŋ n'isoke fu!

2 Timote 4:8

Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

2 Korent 4:17

Sílaam suns'újuk iye, uf'úliik so ni jáyi jómbokun jéehabanaariit ju j'úja ju kabaju, n'uŋ'úmeyi kaanuku síwiinawiini, abe sífiyaariit yooŋ. Abe sílaam su humuum hite te so iŋi sifare jáyi jondu bija t'úne.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 14:3

If'ifareuun t'ariware du kakinu ihaban, n'iŋ'ísooñin boonuun núuriboor, man n'áriyemi t'ija du káyemi.

2 Timote 1:1

Íñje Pool eeemo u *apotor ite Yesu *Kiris naane t'Atambatun ámaŋie du ikiñje fee, íñje eeboñee u kawaare tu buroŋ b'aane bu o kawunu úne, úne kéehine ku t'afeeneŋ ni Yesu Kiris.

1 Tesalonik 4:17

Ahaban, úne keeyak ku káyemi buroŋ t'ewahatu yendu, úne kayitiee nu boko tu bufor bu, núuja úfimboor n'Anahaan u t'etiir. Iyu, n'uŋ'úyemi n'Anahaan u ko kireyi fe.

1 Korent 1:7

Náami buroon b'Atambatun bamb'awun, bike bunooto toko b'aribajut, aruun keeemo ku ti kanahan kóyin k'Anahaan ite úne Yesu Kiris áŋaasin ku.

Saaŋ 20:31

Bare beeemo bu te ko bikiñjeekiñj man n'áriyilen kaanuku Yesu aamo fu *Afakana u, Añi ite Atambatun. Abe af'áriyilen te o, n'aŋ'aribaj te o buroŋ bu.

Kafeeñal ku 2:7

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, íñje kawunio eeteŋ ti miriyaay mite nunukanuk nunnu nuwun buroŋ bu neeemo nu t'etiir t'etool ite Atambatun.»

1 Timote 6:14

á̱hin naane ibine i isoki, abe *n'a̱kuur, an yooŋ atum'awatani tu doon bija hunak h'Anahaan ite úne Yesu Kiris ábatikein hu.

Epotor i 3:15

Iyu a ariyoole fii ate buroŋ bu. Bare Atambatun aritanoritan t'eket i, abe írinooni bo biseede.

Hirim Heetoofe hu hi Luk akiñje hu 17:30

Iyu yooŋ i bija fu káyemi hunak h'Añi ute Húŋgowulan hu aja hu bibin ti Jáyi joone.

Eleetar i yi Pool akiñje i bakate ku Rom 8:18

Bukuuramkuur kaanuku kaliiku kániku kite ku kuwaatu k'Atambatun aja ku káwufoor úne, ni sílaam s'úemo su te so hahiye, n'aŋ'áami so dóoniit fe.

Eleetar i yi Pool akiñje i bakate ku Rom 8:19

Aduna i ereyi fe yeeemo i Atambatun áwuwane fu yo emokena kajuku kóyin k'aja ku káwufoor aañiin kaamo fu bakañio.