Kolos 3:16 - Kwatay (Kuwaataay)

¹⁶ Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

Kolos 3:16 Referans Kwoze

Efees 5:19

Arihooñ kuhooñu kánokan kite k'Atambatun ariiyaŋgananoor kikaw. Arihooñ Anahaan u suhol soonuun síhabanein.

Saaŋ 15:7

Bare af'arijok t'íñje, abe n'arijok ti kirim kúuma, doon fe d'ariyak kalawu, aruun kabaju do.

Eleetar i yi Pool akiñje i bakate ku Rom 10:17

Náami káyilen ku iŋi kibin ti kajamatan kite báhamin bu, abe báhamin bondu uŋu búnuutin ti kasoku kite hirim hite hu Kiris.

1 Saaŋ 2:24

Iŋ'ite ho aamo fu áriwasiyoor ariinaŋ ti siheluun hirim h'arijame hu huta hu ti kájabina ku. Arko b'arijame bu huta hu ti kájabina ku bondu ti siheluun, aruun yooŋ káyemi t'afeeneŋ n'Añi u ni Faaf u.

Efees 1:17

Iŋ'ilaw Faaf u éenike u, Atambatun ite Anahaan ite úne Yesu *Kiris kaanuku eewunuun Búwejet bite búwesinato, ni bite káwufooruuno, abe ni bíhinuun ariihaŋo kámeyi.

Saak 3:17

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

2 Saaŋ 1:2

Írimaŋiuunmaŋi ábuki múniyo mu mondu t'úne, abe mo káyemi t'úne hiraanu.

2 Timote 3:15

Múniyo á̱moomi *Míkiñjin Meenabe mu huta hu awe añi, abe múnoonii kawunu búwesinato. Búwesinato bondu ifi bíhin an n'afak kane áyilen ti Yesu Kiris.

Kolos 1:9

Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ.

Kafeeñal ku 5:9

Ni kahooñ hunooñu híyeni iŋi kaane Ametek u: «Awe a̱reeŋe fu kásiku kaawiit ku, á̱akotin ko tu kukotanee du. Ábuki a̱mooteemoot yéeni, abe ni halan húuwe n'á̱joohenna fu bakan a̱bin a̱saan Atambatun: bakan bakate búsuk bánoban, ni bakate kíhaminiin kánokan, ni bakan kánokan, ni biheet bánoban.

1 Saaŋ 2:27

Aruun bare, Kiris awunuunwun Búwejet boone. Makamu Búwejet boone bondu t'aruun, arisawuleit an aliikenuun. Ábuki Búwejet bu iŋi biliikenuun doon areyi fe, abe doon dindi biliikenuun dite toko, díteiit haajuus. Iŋ'ite ho aamo fu arijok alitee ti káhinu k'árihine ku t'afeeneŋ ni Kiris naane Búwejet bu biliikenuun i.

Kolos 4:6

Árihamin ko kireyi fe báhamin beetoofe, beebaje éñjeriŋ, man n'árimeyi yooŋ naane ariware i kásafin an fe.

Efees 5:17

Iŋ'ite ho aamo fu atum'arisoŋoto, bare áriñiŋkaan man n'árinandin buŋ b'Anahaan u ámaŋie fu aŋ'árihin.

Saak 5:13

Ake t'aruun af'áyemi ti sílaam, alaw. Ake t'aruun af'áyemi ti katoofu, ahooñ eesokoroor Atambatun.

Eleetar i yi Pool akiñje i Tit 3:6

Ábuki Atambatun awunawun úne Búwejet Beenabe bu ahahan, áŋaasann bo ti Yesu *Kiris Afakana ite úne.

1 Korent 14:26

Náami hahiyu buŋ kújakuwe? Af'arikuukanooro, ake n'aŋ'ahooñ Atambatun, ake n'aliiken ésuk i bike, ake n'asok bike b'Atambatun áwufooro, ake n'áhamin ti kíhaminiin kuway, ake n'áhandin bo ésuk i. Bondu fe buwarawar káyokunan *kéeyilene ku keehaŋ kayanu ti káyilen ku.

Saak 1:5

Bare ake t'aruun afut'áwesinato areeŋ, alaw bo Atambatun, abe Atambatun kawunio bo. Ábuki Atambatun aŋ'awun ésuk i ereyi fe n'ehol yeekuure, abe áwatanaariit an.

Kolos 1:28

Kiris ondu if'iriwaare ésuk i fe. Iŋ'íriyeegaliin, abe n'iriliikeniin yooŋ ni káwasi k'Atambatun awune ku uni fe, kaanuku man huruw fe n'abin asiiŋo hágila Atambatun, káahaatin ti naane áhine i t'afeeneŋ ni Kiris.

Kafeeñal ku 15:3

Iŋi kahooñ huhooñu hi *Moyis aroka ite Atambatun abane hu, nu huhooñu h'Ametek u abane hu yooŋ. Iŋi kaane: «Atemit, Atambatun eehaŋe u ebaja sembe, burok búuwe bihahahah, abe bijaaŋajaaŋo ésuk i! Awe Áyi ite biheet bu, máhinar múuwe meejoŋoore, abe mite nu múniyo!

1 Saaŋ 2:14

Kúñuumo, isooñ ikiñjuun bonde: árimoomi Faaf u. Aruun sifaaf su, isooñ ikiñjuun bonde: árimoomi an éeyemie u huta hu ti kájabina ku. Aruun biñi bu, isooñ ikiñjuun bonde: aribajabaj sembe; hirim hite Atambatun hondu t'aruun, abe yooŋ arikalaa Batuuk bu.

1 Timote 6:17

A̱ane kusaanum kite t'etaam ye itim kayitooro, itim kanaŋ yooŋ eyakar yeeniin t'ebaj yéefiyaariit. A̱aniin kanaŋ yo t'Atambatun aa awun úne areyi fe ahahan kaanuku núutoofan.

2 Tesalonik 3:15

Atum bare arijoko naane anatoorauun, bare aririmo naane atuuun.

1 Tesalonik 4:18

Náami ariyaŋgananoor kikaw ni kirim kondu.

1 Korent 14:15

Náami buŋ b'ija fu? Íñje kalawu n'ehelam ti kíhaminiin kuway, abe n'ilaw yooŋ ti báhamin b'ijame; íñje kahooñu Atambatun n'ehelam ti kíhaminiin kuway, abe n'ihooño yooŋ ti báhamin b'ijame.

Májiye 26:30

Ahaban, ni kahooñ kuhooñu kite efeet i, abe ni kaja ti hirij hite *Ñúolifiye ñu.

Eleetar i yi Pool akiñje i bakate ku Rom 15:14

Kújakuwe, bukuuramkuur kaanuku áritumbatumba arijak, árimoomi yooŋ beeware bu kámeyiee arihaban, abe árinooni yooŋ karimoor.

Hirim Heetoofe hu hi Luk akiñje hu 2:51

Náami Yesu eeriboor nu boko, keebatuko bija *Nasaret. Aŋ'ájeŋginiin naane. Íñaayo n'anaŋ bondu fe ti hikawo.

Kafeeñal ku 19:10

Náami íjiŋgitana bite wuwoto kaanuku íisukaayo, bare n'aanam: —A̱was, atum'á̱hin bondu! Íñje aroka yooŋ naane awe, ni bakatii keejoke ku múniyo mi Yesu áwufoore mu. Á̱sukaay Atambatun! Múniyo mi Yesu áwufoore mu meemo fu búwejet beeemo bu *t'eyiŋana yite Atambatun.

Kafeeñal ku 14:3

Bakan kondu keehooje kii kasiiŋasiiŋo hágila eriikeey ite híyiaate hu, hágila yooŋ muroon mibaakiir meeroŋe mu, ni bíhaaniin bu, abe iŋi kahooñ huhooñu híyeni. An fe ayinaat kaliiken huhooñu hondu, kane arko taŋ bakan kondu súñjune téemeer, nu súñjune bakan bákasuba ni sibaakiir su keejoohenee ku t'etaam i.

Efees 5:26

Áhinahin bondu kaanuku éekajiniin bija t'Atambatun. *Akuuraniinkuuran nu móhujo, ni hirim hu yooŋ.

1 Tesalonik 1:8

Múniyo hirim hite Anahaan u t'aruun tu hunuute fu heejamo Maseduwan n'Akayi, abe hiraanut toko; tánotan yooŋ fe, káyilen koonuun t'Atambatun kijamajamo. Náami iribajut bike bite káwutiyen te bo.