Kolos 3:1 - Kwatay (Kuwaataay)

¹ Ariritaneeritan t'eket i ni Kiris. Náami ariŋes buroon bite bu t'etiir, ti Kiris aamo du t'ariikee inde *baatos Atambatun.

Kolos 3:1 Referans Kwoze

Eleetar i yi Pool akiñje i bakate ku Rom 8:6

Kayinoor kite beetoofe bu an u humuumo iŋi kibin n'eket i. Bare kayinoor kite beetoofe bu Búwejet Beenabe bu iŋi kibin nu buroŋ bite bu nu múniyo, ni káasuumaay yooŋ.

Májiye 6:33

Arijab ariŋes *Jáyi jite Atambatun ni b'ákandijene bu, abe n'aŋ'awunuun buroon bondu fe áriiwutiyen.

2 Korent 4:18

Ábuki kikaw úne kunooto tu buroon beejukanee bu; kondu ti beejukaneit bu. Beejukanee bu bífiyaariit, bare beejukaneit bu iŋi bifiyo hiraanu.

Kolos 3:2

Ariyinoor iŋ'ite buroon beeemo bu t'etiir kep, abe n'ariwas biyinoor bite buroon beeemo bu t'etaam.

Májiye 6:20

Ho húkoyie n'arikuukan ebaj t'etiir, t'aamo du busobit bu biyinaat kábuju, ésemaariit yooŋ, abe búkuw bu kayinaat káfuwu kiñaan ku kéekuwat.

Esuwif i 12:2

Úsik ñíkin úne únaŋ ti Yesu éefeŋgine u úne bítim bu núubaj káyilen, abe o aja fu káhinu ko keehaŋ kayanu. Ámuñamuñ keeyoolo *t'ekuruwa i, abe ajukerut yooŋ iŋ'ite ñufuñ ñeeemo ñu t'eket naane yendu, ábuki aŋandanaŋandan katoofu keefaree ku bija te o. Hahiyu ariikaa inde *baatos báariikeim bite Atambatun bite híyiaate hu.

Hirim Heetoofe hu hi Luk akiñje hu 12:33

Arijoohen ebaj yeenuun fe, abe n'árisik sírirem su arisarah keebajut ku. Arirok bikalfe béebujaariit, arikuukan ebaj t'etiir, t'aamo du et'étowuto hikee-kee. Búkuw bu iti bíyini kareeŋu yo, busobit bu iti bíyini kábuju yo.

Esuwif i 1:3

Meejaaŋe mite kániku kite Atambatun mujukanajukano te o. Akina átumbe fu áyemi búnokoorum bite Atambatun, abe akina áyekane fu dóonodoon fe ni hirim hoone heebaje hu sembe. H'aamo hu *akuurana kúŋgowulan ku tu wuhoofoor wooniin ahaban, n'ariiko t'etiir bufor bu inde *baatos Atambatun eehahe u.

Hirim Heetoofe hu hi Luk akiñje hu 22:69

Bare memee, *Añi ute Húŋgowulan hu biriiko inde *baatos bite Atambatun Ate Sembe su.

Kolos 2:20

Ariketaket ni *Kiris, abe n'ariramee tu ñúwejet ñite sembe su ñeeemo ñu t'etaam ye. Náami iŋi naŋ nu buroŋ boonuun beemo fu naane bite bakate ku t'etaam ye? Iŋi naŋ n'af'aribeb keenoŋkooranuun buluwa naane bonde:

Esuwif i 8:1

Bonde beemo fu beehaŋe bu fe ti b'iriemo bu ti kasoku ku: úbajabaj *asaraha ómbokun naane ondu i irisokuun u tu bondu b'únuut bee te bo. Ariikariiko t'etiir bufor bu, inde *baatos báariikeim bite híyiaate hu, bite b'Atambatun eehahe u.

Eleetar i yi Pool akiñje i bakate ku Rom 8:34

Aañ aja fu kayoosan úne ti kaayeen? Yesu *Kiris fíya? Aaa, ábuki akina humuumo aketaket abe n'aritanee yooŋ t'eket i; ondu inde *baatos Atambatun, abe aŋ'áwasiyano bija t'úne.

Esuwif i 10:12

Kiris bare áhinahin kaasarah kifeeneŋ hiraanu bija tu wuhoofoor wu, abe n'ariiko inde *baatos Atambatun.

Májiye 26:64

Yesu n'aano: —Awe a̱soke fii. Abe íñje isok fee n'aruun: áfiitin ti hahiye, aruun kajuku *Añi ute Húŋgowulan hu t'ariikee inde *baatos bite Atambatun Ate Sembe su. Aruun yooŋ kajukio ti bibin tu bufor bu.

Efees 4:10

An éewaneina u, o aamo fu yooŋ eesiree u bija t'etiir-t'etiir kaanuku eehoojan aduna i ereyi fe.

Mark 14:62

Yesu n'ásafino aano: —Hee, íñje fu! Abe aruun kajuku *Añi ute Húŋgowulan hu t'ariikee inde *baatos bite Atambatun Ate Sembe su. Aruun yooŋ kajukio ti bibin nu bufor bu.

Esuwif i 1:13

Atambatun ámusut kaanu amalaka: «A̱riiko inde *baatosam, ayak abin áami ikalaa enatoora íiwe tuus, awe á̱ayemi áyi u.»

Epotor i 2:34

Ábuki Dafit humuumo asireit t'etiir bufor bu naane Yesu, bare aanaan: «Atemit aanaan Anahaan úuma: “A̱riiko inde baatosam

Hirim Heetoofe hu hi Luk akiñje hu 20:42

Ábuki fu *Dafit humuumo asokasok ti kaawiit kite *Élookiin i aane: «Atemit aanaan Anahaan úuma: “A̱riiko inde *baatosam

Mark 16:19

H'Anahaan u Yesu áhamine hii nu boko ahaban, Atambatun n'ayito t'etiir bufor bu, abe Yesu n'ariiko inde *baatoso.

Mark 12:36

Dafit humuumo, Búwejet Beenabe bu bitiŋgotiŋg ayak abin áami aana: «Atemit aanaan Anahaan úuma: “A̱riiko inde *baatosam ayak abin áami ikalaa enatoora íiwe tuus, awe á̱ayemi áyi u.”»

1 Piyeer 3:22

Ajaja t'etiir bufor bu, abe ondu t'ariikee inde *baatos Atambatun. Emalaka i iŋi kajam te o, n'ébuur i, ni baabu buroon fe beebaje bu sembe beeemo bu t'etiir bufor bu.

Epotor i 7:55

Bare akina, Búwejet Beenabe bu te o, buhoojano bib. N'aŋalo, n'ajuk meejaaŋe mite Atambatun, ni Yesu t'asiiŋee inde *baatos Atambatun.

Májiye 22:44

«Atemit aanaan Anahaan úuma: “A̱riiko inde *baatosam ayak abin áami ikalaa enatoora íiwe tuus, awe á̱ayemi áyi u.”»

Efees 5:22

Aruun haare hu, árijeŋgin bákayinuun naane árijeŋgine i Anahaan u.