Biblia Todo Logo
Bib sou entènèt

- Piblisite -




Kolos 2:8 - Kwatay (Kuwaataay)

8 Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.

Gade chapit la Kopi




Kolos 2:8
38 Referans Kwoze  

Óom Timote, a̱jok áwariee doon d'Atambatun ánihani du. A̱tey báhamin beeñunut, beeriibut nu múniyo m'Atambatun áwufoore mu úne. A̱tey síjeeŋoor su tu buroon bite bíhaŋoor búwesinato, abe yooŋ bíteiit nu múniyo.


Kunoŋk naane kondu ifi kíkinineŋ Atambatun n'ayiŋat ti kiŋki kateñeko kájeŋgino. Náami an atum'abuutuun ni báhamin beeñunut.


—Arinaŋ kikawuun ti kiŋki kajuus kaane boko kaamo *eyiŋana yite Atambatun. Iŋi káneenianooro naane bimetek, bare tu ñúwejet ñooniin, bindaafaan béefetie bi kaamo fu.


Bare hahiye naane árimeyie i Atambatun, man yooŋ iwarawar kaanu Atambatun ámeyiuun fu, buŋ b'arisooñe fu ariweteko iyu áriijeŋgin ñúwejet ñeebajut sembe, abe yooŋ ñibajut éñjeriŋ? Butum árimaŋamaŋi kasooñu áriyemi búsukateen bite te ño?


Ariketaket ni *Kiris, abe n'ariramee tu ñúwejet ñite sembe su ñeeemo ñu t'etaam ye. Náami iŋi naŋ nu buroŋ boonuun beemo fu naane bite bakate ku t'etaam ye? Iŋi naŋ n'af'aribeb keenoŋkooranuun buluwa naane bonde:


Bare kéenafute ku ni ñatuuk ñu, boko kahaŋu ti meejakut mooniin kep. Boko kabuutu bakaaku, abe boko kumuumiin yooŋ kabuutiee.


Kújakuwe, aruun k'ímaŋie-maŋie ku, aruun bare, ariheeka áriimeyi bonde. Iŋ'ite ho aamo fu aritey énafuta i, itim kabin kahiilanuun ti kájuumu kooniin, kéehinuun atum'aŋk'arijok alitee.


Atum'ariwas an eebuutuun ni maliikenar mánoman, meewayee ni m'ariliikenee mu. Ajakeejak suhol site s'úne ni sibaj sembe séenuutina ti kajaku k'Atambatun kaŋk'áwufoor úne. Sembe sondu súnuutinoot ti kájeŋgin kite buluwa beesoke bu tu buroon b'an awarut kateŋu. Ábuki buluwa bondu bibajut éñjeriŋ bija ti kiŋki kájeŋgin bo.


Náami arinaŋ toko kikawuun, doon d'ariroke du itim dibin dútowutouun, man n'arisiibanee afamee.


Úne yooŋ mo mifeeneŋ mu: h'úyemie hu naane biñi, úmoomi búsukateen bite ñúwejet ñite sembe su ñeeemo ñu t'etaam ye.


nu doon fe dite jísaŋg deesiiŋanee dite káfibu ésuk i kaanuku itim kámeyi Atambatun. Iŋ'irijok yooŋ biyinoor bu fe irikul, kaanuku íriihin bo béejeŋgin Kiris.


Kiŋki kaane eni awareewar káhihinoor, emalaka i yooŋ kawareewar kásukaay, atum'ariwasiin iŋi katinanuun. Iŋi kasokorooro uŋu buroon bimbi bifeeñiin. Biyinoor booniin bite bu t'etaam ye iŋi bitiŋgiin keeyitooro, abe yooŋ bibajut éñjeriŋ.


Árimoomi bajaam beejaamee bu kaanuku ariifakanee tu buroŋ beebajut bii éñjeriŋ, bi sifaafuun kómbokun kátifenuun bu. Bijaamutee nu buroon béefiyaariit naane sírirem, man yooŋ éwurus.


Kújakuwe, íñj'endu ti káwasiyanuun bonde: áriwasiyoor kiŋki kayeeñooran *kéeyilene ku. Iŋi kahiilaniin ni báhamin booniin bondu bite biteñeko bu buroon b'ariliikenee bu. Arikambiin,


Bare aruun, bóndiiit b'ariliikenee fu ti *Kiris!


Hite bítim bite Esuwif i, keehooje ti k'írifuroore ku ijaaŋeiinjaaŋo, ihaŋiinhaŋ yooŋ káñiŋkaan t'ejoosan ite sifaaf uni.


Aritey kiŋki káhin beejakut bu, keeemo ku búkuruk, abe ni kajok *kateyi karam doon dómbokun!


Yesu n'aaniin: —Áriwasiyoor, arinaŋ kikawuun *t'élefir ite *Efarisiyeŋ i, ni yite *Esaduseyeŋ i.


Arinaŋ kikawuun t'ésuk i. Ábuki bakan kajokuuun kaanuku keeja keejoonanuun. Aruun kámiñiee kikarawas ti *ñáalawum ñite ñ'úne.


Buluwa bondu fe busokasok tu buroon beeemo bite bihabano kane bugoree. Háyine hu ifi kátuut buluwa bondu, abe ni kaliiken bo ésuk i.


Aŋ'arineefan yéeni tu kunoŋk kite bakate ku t'etaam ye. Aŋ'árijamaani t'aseef ite sembe seejakut su seeemo su t'etiir. Aseef ondu aamo fu búwejet beejakut bu bumbu burok iye ti kéejeŋginaariit ku Atambatun.


N'abaj émuse, iŋi kaane bakaake Epikuriyeŋ, bakaaku Sutoyisiyeŋ n'iŋi kajeeŋoor yooŋ ne o. Bakaake iŋi kaane: —Kame áhamina ondu, naŋ n'ámaŋie fu kasoku? Bakaaku keejame ku Pool ti kawaare bite bu Yesu, ni birito bite t'eket i ni kaane: —Aŋ'a̱juk kite am aŋ'awaare etambatun k'úmeyiit.


Hi kajame hu Pool n'áhamin ti karitan kite eket i, bakaake ni kásuwo, bakaaku ni kaane: —Uni kajamatani tu bondu nimaama.


Naane aamo i áriyinooni kateŋu doon deetoofuun fe, áriwasiyoor bare ti naane aa árihin, atum'aribin arineyan ti kaahoofoor keeemo ku káyilen kooniin kiyanut.


Náami an af'ayinoor n'aane asiiŋasiiŋo ayanee, anaŋ toko hikawo atum'abin aney ti kaahoofoor.


Bare af'aŋ'aritakoor, abe n'aŋ'arinufanoor, arinaŋ toko kikawuun kaanuku atum'aribin áribujoor.


Múniyo buluwa bondu bunokooranokoor naane buroon bite búwesinato, ábuki bíkandijenakandijen kajoku ejoosan i, ni bítetianooro, ni káhihinoor eni. Bare bibajut mayet éñjeriŋ, ábuki biyinaat kákinineŋ kúŋgowulan ku ni káhinaati wúfaŋi wooniin weejakut wu.


Kújakuwe, arinaŋ toko kikawuun, an t'aruun atum'abaj búwejet béebaanie, abe ni biyaŋg biyak bíhino éewuŋg hiñaawu Atambatun eeemo u buroŋ.


Swiv nou:

Piblisite


Piblisite