Kolos 2:7 - Kwatay (Kuwaataay)

⁷ Arilooñ te o, abe n'arinut buroŋ boonuun yooŋ te o. Arihaŋ yooŋ kajoku alitee ti káyilen ku naane kaliikenuun i, abe n'aŋ'ariene Atambatun ko kireyi fe eyeehen.

Kolos 2:7 Referans Kwoze

Efees 3:17

Atambatun áhin *Kiris eekin tu suhol soonuun aŋarkeyi naane áriyilenayilen te o. Áhinuun yooŋ áriimaŋioori. Af'árimaŋioori, n'aŋ'arilooñ te o, abe n'aŋ'arinut yooŋ buroŋ boonuun te o.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

2 Tesalonik 2:17

man ni káyokunanuun ariijok alitee, abe ni kawunuun sembe aŋ'árihin ko kireyi fe meejake, abe n'aŋ'arisok yooŋ beejake.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

Efees 5:20

Ariene ko kireyi fe Atambatun Faaf u eyeehen tu doon areyi fe, tu huruwu hite Anahaan ite úne Yesu Kiris.

Eleetar i yi Pool akiñje i bakate ku Rom 16:25

Úsokoroor Atambatun! Áyinooni káhinu káyilen koonuun keeyan naane busokee i ti Hirim Heetoofe hu hih'iwaare, heesoke hu bite bu Yesu *Kiris. Hirim hondu húwufoorawufoor b'Atambatun ánuusaanie bu huta hu kóŋkeyin,

Eleetar i yi Sud akiñje i 1:24

Úsokoroor Atambatun afeeneŋ u eeŋaase u t'Anahaan ite úne Yesu *Kiris eefakan úne. Akina áyinie fu kajukaruun kaanuku atum'ariney, abe n'áhinuun ariisiiŋo hágilao, o éenike u. Aruun *kakuuru but, abe kikawuun katoofu dómbokun. Akina akino fu kániku ku, ni kahahu ku, ni sembe su, ni hiseefaate hu huta hu ti kájabina ku, ni hahiye, nu ko kireyi fe! Amiin.

1 Korent 15:58

Náami kújakuwe, aruun k'ímaŋie-maŋie ku, arijok alitee, abe n'arisiiŋo ayan faŋ. Áriñiŋkaan ko kireyi fe áriihin burok bite b'Anahaan u, ábuki árimoomi kaanuku burok bamb'arirok bija te o, búrokiit káfiiten.

Esuwif i 13:15

Ko kireyi fe, úhin kaasarah kite kasokoroor Atambatun úŋaasann ko ti Yesu Kiris; aamo fu úsokoroor huruwu hite Atambatun.

Kolos 3:17

Abe doon fe d'ariemo ti káhinu, man yooŋ ti kasoku, árihin do tu huruwu hite Anahaan u Yesu, abe n'ariene yooŋ Atambatun Faaf u eyeehen uŋu hoone hu.

1 Tesalonik 5:18

doon fe deeyak kabaju, arieno eyeehen. Bo b'ámaŋie fu t'aruun kéehine ku t'afeeneŋ ni Yesu *Kiris.

Hirim Heetoofe hu hi Luk akiñje hu 6:48

Aliikeeliik naane an eeemo tu kunut. N'awak ásuli ayak abin áami areeŋa elaaliñj, n'ájabin toko kunut ku. Kaasiiŋ ku kibina, móhujo mite ejolob i ni míteyin bibin t'enuuf yendu, bare miyinaat káfiiten yo, ábuki esiiŋaneesiiŋan ayanee.

Efees 4:21

Ábuki bukuuramkuur kaanuku arijamajam huruwu hoone, abe ariliikeneeliiken múniyo meeemo mu ti Yesu, bare kereŋ?

Eleetar i yi Sud akiñje i 1:20

Kújakuwe, aruun k'ímaŋie-maŋie ku, aruun bare, arihaŋ bija hágila ti káyilen koonuun keenabe ku. Aŋ'arilaw ni sembe site Búwejet Beenabe bu.

2 Korent 1:21

Abe Atambatun humuumo áhine fu úne núuyini kajoku alit tip ti káhinu k'úhine ku t'afeeneŋ ni Kiris, uni n'aruun. Akina ákajine fu úne núuyemi eroka yeene.

Eleetar i yi Sud akiñje i 1:12

Áfuñinanieefuñinani kaanuku bokondu keeñoofo n'aruun t'afeeneŋ. Káfuñaariit yooŋ kane káyemi ti hiriy, abe uŋu hooniin hu taŋ h'ifi kayinoor. Kámoomi naane etiir yéebaaniina, eyam i n'eteyoor ne yo, abe enubut. Kámoomi naane ñunukanuk ñéebukaariit, hutoof ewahatu yite te ño ereeŋe, ñunukanuk ñeerondee, butum ñéetumbe ñiket.

1 Korent 1:8

Humuumo káwutiyenuun sembe bija yooŋ tu hunak hiraanu hu, kaanuku an atum'abin abaj bike bite katinanuun hunak h'ábatikein hu te ho.

Esuwif i 13:9

Atum'ariwas an eebuutuun ni maliikenar mánoman, meewayee ni m'ariliikenee mu. Ajakeejak suhol site s'úne ni sibaj sembe séenuutina ti kajaku k'Atambatun kaŋk'áwufoor úne. Sembe sondu súnuutinoot ti kájeŋgin kite buluwa beesoke bu tu buroon b'an awarut kateŋu. Ábuki buluwa bondu bibajut éñjeriŋ bija ti kiŋki kájeŋgin bo.