Kolos 2:3 - Kwatay (Kuwaataay)

³ Káwasi ku, ni kámeyi kite múniyo mu, bondu fe búmoomi naane ebaj, abe te o tu búnuusee fu.

Kolos 2:3 Referans Kwoze

1 Korent 1:24

Bare ti bakan k'Atambatun aruwe ku, Esuwif i ni keenooto ku Esuwif, Kiris aamo fu sembe site Atambatun, nu búwesinato boone yooŋ.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

Eleetar i yi Pool akiñje i bakate ku Rom 11:33

Kajaku kite Atambatun kihahahah, ni káwasi koone, nu búwesinato boone! Kaayinoor koone, aañ ayino kámeyi ko? Manoŋkar moone, aañ ayino kánandin mo?

Kolos 1:9

Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ.

Májiye 10:26

—Náami atum'árikoleyi kiŋki kasok t'aruun! Béenuusee bu bireyi fe kajukiee, abe beesokutee bu yooŋ kámeyiee.

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

Kafeeñal ku 2:17

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, íñje kawunio *t'emaan yéenuusee i eeteŋ. Íñje kasaano yooŋ ejuju yeefañje tu huruwu híyeni hikiñjee, abe an fe at'ámeyi huruwu hondu, kane arko taŋ akina eesaanee u ho.»

Kolos 3:3

Ábuki ariketaket, abe buroŋ boonuun búnuuseenuus ni Kiris t'Atambatun.

Kolos 1:19

Ábuki Atambatun áhabaneinohabanein kaanuku naane aamo i abin ahaban fe, Añio yooŋ n'áyemi iyu.

Hirim Heetoofe hu hi Luk akiñje hu 11:49

Iŋ'ite ho h'Atambatun éemeyie u doon fe aane fu: «Íñje kaboñiiin eyiŋana *n'epotor. Boko kayoolu bakaake, ni káhihinoor bakaaku.»

Kolos 1:28

Kiris ondu if'iriwaare ésuk i fe. Iŋ'íriyeegaliin, abe n'iriliikeniin yooŋ ni káwasi k'Atambatun awune ku uni fe, kaanuku man huruw fe n'abin asiiŋo hágila Atambatun, káahaatin ti naane áhine i t'afeeneŋ ni Kiris.

2 Piyeer 1:5

Iŋ'ite ho aamo fu áriñiŋkaan áriiwutiyen manoŋkar meejake ti káyilen koonuun; ti manoŋkar meejake mu n'áriwutiyen toko kámeyi b'Atambatun ámaŋie bu;