Kolos 2:11 - Kwatay (Kuwaataay)

¹¹ Naane árihine i ne o t'afeeneŋ, *ariteyanee yooŋ karam; káanukiiit karam kite kúŋgowulan ku, bare karam kéenuutina ku ti Kiris. Ko keemo fu anuutana síjiko sinsi sitiŋguun yéeni ariihoofoor.

Kolos 2:11 Referans Kwoze

Eleetar i yi Pool akiñje i bakate ku Rom 2:29

Asuwif ite u nu múniyo, tu búwejeto t'aamo fu Asuwif, abe kateyi karam kite ku nu múniyo keemo fu kite ehol i. Karam kondu, tu Búwejet bite Atambatun tu kúnuutina fu, t'Eluwa yíiit yeekiñjee i. Asuwif ondu ite u nu múniyo, Atambatun af'asokorooro, kúŋgowulan kíiit.

Fílip 3:3

Keeteye ku karam nu múniyo kaamo fu úne. Ábuki úne uf'úlaw Atambatun ti sembe site Búwejet boone, úne kuŋk'úsaŋgoor ni Yesu *Kiris, abe úsikut kikaw úne únaŋ t'ejoosan ite kúŋgowulan ku.

Efees 4:22

Náami ariwarawar kawasu manoŋkar moonuun mítiyar mu. Manoŋkar mondu mummu múyoosanaaniuun tu wúfaŋi wuwu wubuutuun múbujuunbuj fu yéeni.

Eleetar i yi Pool akiñje i bakate ku Rom 6:6

Úmoomi kaanuku manoŋkar mite m'úne mítiyar mu mitibeetib *t'ekuruwa i ni Kiris, kaanuku man kaahoofoor keeemo ku ti sini site s'úne nu kúbujarooree, utum'uŋk'úyemi búsukateen bite te ko.

Galasi 5:24

Bakan ki Yesu *Kiris akino ku kayoolayool *t'ekuruwa i wúfaŋi wooniin weejakut wu.

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

2 Korent 5:17

An af'áhin ni Kiris t'afeeneŋ, an ondu áyemia húŋgowulan híyeni; beehaane bu bútowutaa, bíyeni bisiiŋee fu.

Esuwif i 9:24

Ábuki *Kiris ayooseit tiŋ *t'Anabe-nab tu kúŋgowulan ku kanoŋke keerok, t'aamo búnokoorum barebare bite beeemo bu bite nu múniyo. Humuum tu bufor bu t'ayoosee fu, abe hahiye ondu bo hágila Atambatun bija t'úne.

Esuwif i 9:11

Bare *Kiris abinabin éeyemi asaraha ómbokun ite buroon beejake bu beeheeke bu béeyemi beebe. Atant u t'áhine du burok boone ahaŋahaŋ i kúŋgowulan ku karoke u, ahaŋohaŋ yooŋ tu doon areyi fe; atant ondu íteiit t'etaam yende yéewuwanee i.

2 Korent 5:1

Múniyo úmoomi kaanuku sini site s'úne ufu súbujo, so seeemo su naane búwuureey b'úkine te bo t'etaam ye, úbajabaj t'etiir bufor bu sini seeemo naane sunuuf site hiraanu. Atambatun afaree fu so bija t'úne, kúŋgowulan kíiit.

Epotor i 17:24

Atambatun éewuwane u etaam i nu buroon beeemo bu te yo fe, akina aamo fu Atemit ite bufor bu n'etaam i, abe akinut tu sunuuf site kalawu su kúŋgowulan kanute.

Epotor i 7:48

«Bare Atambatun eeemo u t'etiir-t'etiir akinut tu sunuuf su kúŋgowulan kanute. Naane ayiŋana ite Atambatun asoke i aane:

Hirim Heetoofe hu hi Luk akiñje hu 2:21

H'añi u abaje hu kunak hutok ni kíhaaji, areeŋa *kateyanee karam, ni karuwo Yesu naane amalaka u afiye i asok t'íñaayo asaoorut har hu.

Mark 14:58

—Irijamojam ti kaanu: «Enuuf yendu yite i Atambatun yeenutee i nu sumoŋu, íñje kawelej yo, abe kabaju kunak kíhaaji, n'iŋ'inut eke yet'enutee nu sumoŋu.»

Eleetar i yi Pool akiñje i bakate ku Rom 7:24

Átaañiee teereŋ t'íñje! Aañ fíya aja fu karamiam t'eni yende yeeyoosan yee n'íñje t'eket i?

Kolos 3:5

Náami ariyool ti siniuun doon fe deeemo dite t'etaam: huŋotu hu ni bakan k'ariseñeit, *kakuuraate ku, kámaŋi kite buroon béefuñinanie bu, wúfaŋi weejakut wu, ni bimero bite buroon b'árikiniit bu. (An af'amero doon d'ákiniit, ajokajok bondu ahaŋ naane ajoke i Atambatun.)