Kolos 1:9 - Kwatay (Kuwaataay)

⁹ Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ.

Kolos 1:9 Referans Kwoze

Saak 3:17

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

Saak 1:5

Bare ake t'aruun afut'áwesinato areeŋ, alaw bo Atambatun, abe Atambatun kawunio bo. Ábuki Atambatun aŋ'awun ésuk i ereyi fe n'ehol yeekuure, abe áwatanaariit an.

Kolos 4:5

Arinoŋk nu búwesinato hágila kéeyilenut ku. Af'aribaj bítim bite káhiniiin meejake kep, atum'ariwas bo beefakuun.

1 Piyeer 2:15

Ábuki fu Atambatun ámaŋamaŋi aŋ'árihin ajakee, ñutum ñite keesoŋotee ku kéemeyiit ku doon ñeekumbo.

2 Tesalonik 1:11

Iŋ'ite ho h'if'irilaw ko kireyi fe bija t'aruun. Iŋ'irilaw Atambatun ite úne kaanuku man n'áhinuun áriiyemi bakan bakate nu múniyo, buroŋ boonuun beeriib ni naane ámaŋie i h'aruwuun hu. Áyokunanuun yooŋ ni sembe soone áriiyini káhinu meejake m'árimaŋie mu, nu burok b'ariemo bu te bo aŋarkeyi naane áriyilenayilen te o.

1 Tesalonik 5:17

ko kireyi fe arilaw Atambatun;

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

Esuwif i 10:36

Kámuñu k'arisawulee fu, man n'árihin b'Atambatun ámaŋie bu, arihaban, n'aribaj doon d'aane du o kawunu úne.

Fílip 1:4

Ehelam eŋ'etoofan ko kireyi fe kane ilaw bija t'aruun fe,

Filemoŋ 1:4

Filemoŋ, ko kireyi fe kane íyemi ti kalawu bija t'awe, iŋ'eene Atambatun ite úne eyeehen,

Efees 6:6

Atum'árihin bondu kane káyemiuun ti kajukar barebare, kaanuku man n'aritoofiin. Bare áriñiŋkaan áriihin b'Atambatun ámaŋie bu naane búsukateen bakate Kiris.

Eleetar i yi Pool akiñje i bakate ku Rom 12:2

Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.

1 Tesalonik 1:3

Iŋ'iriboo bíbaŋino hágila Atambatun Faaf úne buroon bamb'árihin béewufoore bu káyilen koonuun ti Yesu, nu buŋ b'áriñiŋkaane fu tu burok aŋarkeyi naane árimaŋiomaŋi, nu buŋ b'eyakar yeenuun t'Anahaan ite úne Yesu *Kiris eyane fu.

1 Saaŋ 2:17

Etaam i yendu ti bija bihabano, nu wúfaŋi wu fe weeemo wu te yo. Bare an eeemo aŋ'áhin b'Atambatun ámaŋie bu, o karoŋu hiraanu.

1 Piyeer 4:2

Náami áfiitin ti hahiye, tu kunak keeŋeñenuun ku t'etaam ye, buroŋ boonuun buwarawar káyemi naane t'Atambatun ámaŋie du bo, abe n'ariwas wúfaŋi wute kúŋgowulan ku.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

Kolos 1:6

Hirim hondu Heetoofe hu híreeŋinuun naane hireeŋe i yooŋ tánotan fe t'etaam ye. Hondu ti kabukoor, hondu yooŋ ti kahaŋu bija hágila. Iyu yooŋ i hije fu t'aruun huta h'aŋ'aribin arijam abe n'árimeyi kaanuku Atambatun aŋ'áwufoor ésuk i kajaku koone nu múniyo.

Efees 5:17

Iŋ'ite ho aamo fu atum'arisoŋoto, bare áriñiŋkaan man n'árinandin buŋ b'Anahaan u ámaŋie fu aŋ'árihin.

Efees 5:10

Áriñiŋkaan ariiŋes beetoofe bu Anahaan u.

Saaŋ 7:17

An af'ámaŋi káhinu b'Atambatun ámaŋie bu, o kámeyi man bimb'iliiken ésuk i, t'Atambatun tu búnuutina fu, man yooŋ íñje iŋ'inoŋk iisok.

1 Korent 1:5

Múniyo naane árihine i ne o t'afeeneŋ, arihoojaneehoojan bib n'ebaj yánoyan, áhaŋum yite kámeyi kite múniyo mu, ni kawaare kite te mo.

Epotor i 12:5

Náami iŋi kajukar Piyeer t'ekulu i, bare kéeyilene ku n'iŋi káñiŋkaan kep keelaw Atambatun bija te o.

Filemoŋ 1:6

Íñj'endu ti kalawu Atambatun man kajokoor ku waajokoore ku ti káyilen ku, ni kíhin a̱ahaŋ kámeyi meejake m'úbaje mu fe tu buroŋ bite b'úne ni *Kiris.