Kolos 1:7 - Kwatay (Kuwaataay)

⁷ Áwiy uni Epafuras eeemo u burok uni bifeeneŋ aliikenuun fu bondu. Akina an éejube tu burok bite Yesu Kiris, abe burok b'iriware bu yéeni káhinu t'aruun, bo b'áhin fii.

Kolos 1:7 Referans Kwoze

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

Filemoŋ 1:23

Epafuras eeemo u n'íñje t'ekulu i iŋ'ite hu Yesu *Kiris asaafi.

Esuwif i 2:17

Iŋ'ite ho h'aware fu kanokoor ni bakano tu doon areyi fe, kaanuku eebin éeyemi *asaraha ómbokun u, éemeyie kayubiyen an, abe n'ájub tu burok boone hágila Atambatun. Iyu a áyinie fu kásiku buroŋ boone eesarah kaanuku man wuhoofoor wute ésuk i nu wuboŋketee.

Kolos 4:7

Ati úne Tisik u úmaŋie-maŋie u, eeemo u burok uni bifeeneŋ, abe n'aŋ'arok burok bite Anahaan u ajoŋooree, o kasokuuun buŋ b'eemo fu fe.

Esuwif i 3:2

Múniyo ájubajub t'Atambatun eejifano u bija tu burok bondu, naane i *Moyis yooŋ ájube i t'enuuf ite Atambatun ereyi fe.

2 Timote 2:2

Báhamin b'a̱jamam bu ti kasoku hágila bakan keehooje-hooj, a̱liiken bo bakan kéewoore, kéeyinie kaliiken bo yooŋ bakaaku.

Fílip 2:25

Iyinoorayinoor n'eene ajakeejak n'íbatikannuun ati úne Épafurodit, a aribine u áriboñin t'íñje kaanuku eebin éeyokunanam ti bisawula búuma. O aamo fu áwiyam tu burok bu ni t'étuum i iŋi Hirim Heetoofe hu.

2 Korent 11:23

Boko eroka bakate *Kiris? Íihamin fu naane an éetumbe awen: ihaŋiinhaŋ káyemi aroka ite Kiris. Af'arko karokarok, ihaŋiinhaŋ; ihaŋiinhaŋ kámeyi ekulu; bímiñ bu t'íñje ti bihaŋe; ihaŋiinhaŋ yooŋ káheelin t'eket i.

1 Korent 4:2

Bimbi bíkandijenee húŋgowulan heesaanee bike beemo fu ajoŋoor ne bo.

1 Timote 4:6

Af'a̱liiken bondu *kéeyilene ku, n'aŋ'á̱yemi aroka eejake ite Yesu *Kiris. N'aŋ'á̱wufoor kaanuku kirim kite múniyo m'Atambatun áwufoore mu kúkuumani fu, ni bi kaliikeni bu yooŋ béewoore bu. Bondu fe a̱naŋanaŋ bo ti hikawi.

Efees 5:21

Árijeŋgin bakanuun, boko yooŋ ni kájeŋginuun iŋi naane arijoke i *Kiris nu sumoŋu súsuba.

1 Korent 7:25

Ti b'árikandijenam bu ti bite bakan keeseñeit ku, b'ija bu kasoku, ijamut bo t'Anahaan u. Bare iisokuun kaayinoor kúuma, íñje a Atemit ayubiyene u éehinam íiyemi an éewoore.

1 Korent 4:17

Bondu bíkinineŋe fu n'íboñinuun Timote eeemo u naane añiam i ímaŋie, abe n'ájub t'Anahaan u. O kábaŋinanuun buŋ bu buroŋ búuma ti bítim bite Kiris beemo fu ariike, abe buroŋ bondu b'if'iliiken ésuk i tánotan ti *kéeyilene ku kareyi fe.

Májiye 25:21

Ániine u n'aano: “Iyu kep, awe aroka eejake, á̱jubajub. Makamu á̱jubajub tu buroon biŋgilis, hahiyu íñje kanaŋu tu sumoŋii buroon beehaŋe diyu. A̱bin, hikawi heetoof naane íñje.”

Májiye 24:45

—Náami aañ aamo fu aroka eejoŋoore u, abe n'áwesinato yooŋ? O aamo fu an u a ate enuuf i asaane u bujukar bite enuuf i, abe n'asoko yooŋ kaanuku aŋ'abin awun bakaaku eroka keeñoofo kane ewahatu i ereeŋ.

Májiye 18:29

Áwiyo n'ájiŋgitan hágilao, abe n'áwasiyano aano: “Waasi, a̱yubiyenam, íñje kabatikani!”

Kolos 4:9

Íboñiniinboñin boko n'Onesim ite u t'aruun. Akina yooŋ ati úne éejube, abe n'úmaŋio dómbokun. Boko kasokuuun beebaje bu beebe fe.