Kolos 1:5 - Kwatay (Kuwaataay)

⁵ Hunak hi hirim hite múniyo mu, heeemo hu Hirim Heetoofe hu híreeŋina hu t'aruun hítiyar, arijamajam eyakar yeeemo i te ho. Iyu a arinaŋe fu káyilen koonuun, ni kámaŋioori koonuun fe t'eyakar yendu y'Atambatun anaŋe i t'etiir bija t'aruun.

Kolos 1:5 Referans Kwoze

Efees 1:13

Aruun yooŋ kéehine ku t'afeeneŋ ni Kiris, arijamajam hirim hite múniyo mu, heeemo hu Hirim Heetoofe hu héekinineŋe hu n'arifak. H'áriyilene hu ti Kiris, Atambatun n'áhin t'aruun éluwenuma yite káwufoor kaanuku aruun bokoone ku; yo yeemo fu Búwejet Beenabe bu b'afiye bu aane o kawunu úne.

2 Timote 4:8

Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

Eleetar i yi Pool akiñje i Tit 1:2

Iyu, n'uŋu bukuuriin kaanuku boko kabaju buroŋ béehabanaariit bu. Huta hu t'etaam i éwuwanoorutee, Atambatun éejuusaariit u asokasok aane o kawunu úne buroŋ bondu.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

1 Piyeer 2:2

Áriyemi naane bilekej: naane ii kámaŋi miin mite síñaayiin, árimaŋi yooŋ ko kireyi fe míis meekuure mite Hirim hite Atambatun, man n'árijuw mo ariihaat, abe n'arifak.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

1 Korent 15:19

Arko eyakar ite úne ti Kiris t'etaam ye t'eraane fu barebare, úne kame úhaŋe fu káyubinani kúŋgowulan ku fe.

Esuwif i 7:19

Múniyo *Eluwa yite Moyis éhinut an fe *eekuur. Bare Atambatun áhinahin úne núuyakar bike beehaŋe Eluwa i, abe bo bíkinineŋe fu n'úloho.

1 Tesalonik 2:13

Iŋ'iriene Atambatun ko kireyi fe eyeehen ti bike yooŋ: h'irisokuun hu hirim hite Atambatun, arijamatanajamatan, abe n'áriyilen ho náaneiit hirim hite húŋgowulan, bare naane hirim hite Atambatun; múniyo hite h'Atambatun, abe uŋu hurok t'aruun kéeyilene ku.

1 Saaŋ 3:3

An fe eebaje eyakar yendu ti Kiris *bukuuranooro naane Yesu Kiris akuure i.

Galasi 5:5

Uni bare, iriyakarayakar kaanuku Atambatun kaanu írijubajub aŋarkeyi naane íriyilenayilen. Bondu b'iriemo fu ti kanahan ku ti sembe site Búwejet Beenabe bu.

2 Korent 5:19

Múniyo ti Kiris t'Atambatun aŋaase fu eebukan n'ésuk i ereyi fe, abe ajukerut tu wuhoofoor wooniin. N'aboñ uni kawaare ésuk i hirim hondu hite hubukan hu.

Epotor i 23:6

Pool ámoomi kaanuku ti sifaaf site ejoonana i, bakaake *Esaduseyeŋ, bakaaku *Efarisiyeŋ. Náami eetaŋk toko t'etutiin aane: —Kújakuwe, íñje Afarisiyeŋ, añi ite Afarisiyeŋ. Aŋarkeyi naane iyakarayakar ti bíriteina bite t'eket i híkinineŋe fu kajoonan kúuma.

1 Piyeer 3:15

Bare arijok *Kiris tu suhol soonuun naane Anahaan oonuun. Arifare ko kireyi fe kásafin an fe eeyakuun kákandijen iŋ'ite eyakar yeeemo i t'aruun.

1 Korent 13:13

Náami muroon míhaaji monde mibaa káyemi: káyilen ku, n'eyakar i, ni kámaŋi ku. Bare doon deehaŋe du tu muroon mondu deemo fu kámaŋi ku.

Epotor i 24:15

Íkooki eyakar yendu t'Atambatun naane háyine hondu, yite kaanuku kéejube ku ni kéejubut ku fe bíriteina t'eket i.

1 Timote 1:15

Hirim h'ija hee kasokii héewoore, abe huruw fe awarawar ho kanaŋu ti hikawo: Yesu Kiris abinabin t'etaam ye kaanuku eefakan ehoofoora i. Íñje ihaŋiin fu kajakaate fe,

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

Eleetar i yi Pool akiñje i bakate ku Rom 10:8

*Míkiñjin mu meenaan: «Hirim hite Atambatun hikambuti, hondu ti káalelufi, nu tu búwejeti.» Hirim hondu heemo fu báhamin bite káyilen ku kiŋk'iriwaare.

Epotor i 10:36

Atambatun áboñinoboñin *t'Israyel Hirim Heetoofe hite káasuumaay ku, éeŋaasann káasuumaay kondu ti Yesu *Kiris eeemo u Anahaan ite ésuk i ereyi fe.

Hirim Heetoofe hu hi Luk akiñje hu 12:33

Arijoohen ebaj yeenuun fe, abe n'árisik sírirem su arisarah keebajut ku. Arirok bikalfe béebujaariit, arikuukan ebaj t'etiir, t'aamo du et'étowuto hikee-kee. Búkuw bu iti bíyini kareeŋu yo, busobit bu iti bíyini kábuju yo.

Epotor i 13:26

«Kújakuwe, aruun bakañi *Aburaham, n'aruun yooŋ keeyoosee ku bítim bite Atambatun: úne k'Atambatun áboñina fu hirim honde héewufoore hu naane aja i kafakan úne.

2 Korent 6:7

ni kawaare kite múniyo mu, ni ti sembe site Atambatun. N'íriwufoor bo yooŋ ti kájubu kite k'uni keeemo ku naane bujuŋko bite kálaatin, man yooŋ bite biramooro.

Galasi 2:5

Bare abinut arko hikee-kee n'iriwasiin kéehin bondu, kaanuku múniyo mite Hirim Heetoofe hu ni miriiko iyu bija t'aruun.

Galasi 2:14

H'ijuke hu kaanuku kanooto ti káhinu ajoŋooree ariib nu múniyo mite Hirim Heetoofe hu, n'eene Piyeer tu buhooŋu kéeyilene ku fe: «Awe eeemo u Asuwif, á̱hinoorahinooro beebe naane keenooto ku Esuwif, á̱hinut naane Esuwif i. Buŋ b'a̱sooñe fu á̱maŋi katiŋgu keenooto ku Esuwif kéehin naane Esuwif i?»

Efees 4:21

Ábuki bukuuramkuur kaanuku arijamajam huruwu hoone, abe ariliikeneeliiken múniyo meeemo mu ti Yesu, bare kereŋ?

2 Piyeer 1:12

Iŋ'ite ho aamo fu naane árimeyie i buroon bonde fe, abe yooŋ n'arijok alitee tu múniyo m'arijame mu, ibaa kábaŋinanuun bo ko kireyi fe.