Kolos 1:22 - Kwatay (Kuwaataay)

²² Bare hahiye, Atambatun áhina ariibukan ne o t'eket ite Añio, eejuke u sílaam t'enio, kaanuku af'aribin arisiiŋo hágilao, n'áriyemi bakan keenabe, *keekuure, abe an at'áyiniuun kawatan tu doon.

Kolos 1:22 Referans Kwoze

Efees 5:27

Ámaŋamaŋi kaanuku kéeyilene ku ni kabin kasiiŋo hágilao káawariin naane, abe ni kakuur but, doon fe déefuñinanie itim díyemi tu boko. Ámaŋamaŋi káyemi bakan keenabe, keeyinaatee kawatan tu doon.

Eleetar i yi Sud akiñje i 1:24

Úsokoroor Atambatun afeeneŋ u eeŋaase u t'Anahaan ite úne Yesu *Kiris eefakan úne. Akina áyinie fu kajukaruun kaanuku atum'ariney, abe n'áhinuun ariisiiŋo hágilao, o éenike u. Aruun *kakuuru but, abe kikawuun katoofu dómbokun. Akina akino fu kániku ku, ni kahahu ku, ni sembe su, ni hiseefaate hu huta hu ti kájabina ku, ni hahiye, nu ko kireyi fe! Amiin.

Esuwif i 10:10

Makamu Yesu Kiris áhina ahaban b'Atambatun ámaŋie bu, kaasarah k'áhine ku kite eni yeene, kifeeneŋ ku taŋ abe yooŋ kiraanu, kukuurana úne tu wuhoofoor wu.

Efees 1:4

T'áwuwanoorut etaam i, ajifanajifan úne ti Kiris kaanuku man n'úyemi bakan keenabe te o, keeyinaatee kawatan tu doon. Makamu ámaŋamaŋi úne,

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Eleetar i yi Pool akiñje i bakate ku Rom 7:4

Iyu yooŋ a ariemo fu kújakuwe. T'Eluwa i árimoomi naane bakan keekete aŋarkeyi naane árihinahin t'afeeneŋ ni *Kiris éeketaanie u. Hahiye eŋkut ékiniuun. An éekiniuun u aamo fu an eeritanee u t'eket i, kaanuku uŋ'úbin úhin buroon beebaje éñjeriŋ bija t'Atambatun.

Esuwif i 10:20

Áfeŋginafeŋgin úne bítim bondu bíyeni bu abe beeroŋe jes ti hírido hu, aamo fu eni yeene.

2 Korent 11:2

Ítumbatumba ífiir t'aruun káfiiru kéenuutina t'Atambatun. Ábuki isibaruunsibar bija t'ániine afeeneŋ eeemo u *Kiris, abe n'ímaŋi kaanuku huyoosan hu ifi hireeŋ, n'iŋ'isaanuuno naane ásuŋgute éemeyiit ániine, abe n'akuur but.

2 Piyeer 3:14

Kújakuwe, aruun k'ímaŋie-maŋie ku, iŋ'ite ho aamo fu makamu aruun bokondu ti kanahan hunak hondu, árihin wáhowah man n'áriyemi hágila Atambatun bakan *keekuure, bakan keeyinaatee kawatan tu doon fe, ni bakan yooŋ keebaje káasuumaay ne o.

1 Tesalonik 4:7

Atambatun aruwut úne kaanuku núuyemi bakan *keekuurut, bare kaanuku núuyemi bakan keenabe.

Hirim Heetoofe hu hi Luk akiñje hu 1:75

man úne buroŋ, n'úyemi te o bakan keenabe, bakan keejoŋoore.»

2 Korent 4:14

Múniyo írimoomi kaanuku Atambatun eeritane u Anahaan u Yesu t'eket i, o yooŋ karitan uni, ábuki írihinahin t'afeeneŋ ni Yesu, abe n'aŋ'áhin uni iriisiiŋo kaagoroor ne o, n'aruun yooŋ fe.

2 Korent 5:18

Abe bondu fe t'Atambatun tu búnuutina fu, o éehine u núubukan ne o, aŋ'asaan bo ti Kiris. Abe hahiye Atambatun n'asaan uni burok bondu bite káwufoor ésuk i kaanuku ámaŋamaŋi kabukan nu boko.

Kolos 1:28

Kiris ondu if'iriwaare ésuk i fe. Iŋ'íriyeegaliin, abe n'iriliikeniin yooŋ ni káwasi k'Atambatun awune ku uni fe, kaanuku man huruw fe n'abin asiiŋo hágila Atambatun, káahaatin ti naane áhine i t'afeeneŋ ni Kiris.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.