Kolos 1:16 - Kwatay (Kuwaataay)

¹⁶ Ábuki te o t'Atambatun aŋaase fu éewuwan doon fe deeemo t'etiir bufor bu ni t'etaam i: beejukanee bu, ni béejukaariitee bu, ñúwejet ñite sembe su ñeeemo ñu t'etiir, ni bákayi ku, n'eseef i, ni bakate sembe su. Te o t'Atambatun aŋaase fu éewuwan doon fe, abe bija te o.

Kolos 1:16 Referans Kwoze

Eleetar i yi Pool akiñje i bakate ku Rom 11:36

Ábuki doon areyi fe, akina áwuwane fu do, akina yooŋ ajoke fu doon areyi fe, abe doon areyi fe dibajabaj bija te o. Aja ákini kániku ku hiraanu! Amiin.

Saaŋ 1:3

Te ho t'Atambatun aŋaase fu éewuwan doon areyi fe. Doon dúwuwanutee tu husokut.

1 Korent 8:6

T'úne bare Atambatun afeeneŋ taŋ abaje fu: o aamo fu Faaf u éewuwane u doon areyi fe, abe bija te o h'úemo fee buroŋ. Anahaan yooŋ afeeneŋ taŋ abaje fu: o aamo fu Yesu *Kiris, éekinineŋe u doon fe nu dúwuwin, abe n'ákinineŋ yooŋ n'úroŋ.

Esuwif i 2:10

Atambatun áwuwanawuwan doon areyi fe, abe n'ákini do yooŋ. Ámaŋamaŋi bakan keehooje kéeyemi bakañio, keebin keemaat ti kániku koone. Makamu Yesu ajukajuk sílaam, Atambatun n'áhino éeyemi ágila eereeŋe kágilan bakan, éeyini káfeŋginiin bítim bite kafaku ku.

Esuwif i 1:2

Bare tu kunak konde keeemo ku kiraanu ku, áhaminahamin úne áŋaasann bo t'Añio. Te o t'Atambatun aŋaase fu éewuwan dóonodoon fe, o yooŋ a ajifane fu kaanuku eebin éekini doon areyi fe.

Efees 1:10

Bondu, Atambatun kahabanoor bo ti bihabanooreey bu. O kakuukan doon fe deeemo t'etiir bufor bu, ni t'etaam i, Yesu Kiris éeyemi aseef u.

Kolos 1:15

*Kiris aamo fu búnokoorum beejukanee bite b'Atambatun éejukaariitee u. O aamo fu Añi átiyar u, abe ahaŋahaŋ dóonodoon fe déewuwanee.

Kolos 2:10

Abe naane árihine i t'afeeneŋ ni Kiris, naane aamo i abin ahaban, iyu yooŋ a ariemo fu. Akina aamo fu aseef ite ñúwejet ñite sembe su ñeeemo ñu t'etiir fe.

Fílip 2:10

kaanuku man keeemo ku fe tu bufor bu, ni t'etaam i, ni t'éhinda etaam i ni kájiŋgitan kane kajam huruwu hite Yesu,

Kolos 1:20

Iyu yooŋ a áhabaneina fu kaanuku eebukan nu dóonodoon fe eeŋaasan bondu t'Añio. Ti halan hite Añio héeyuusee hu *t'ekuruwa i t'Atambatun áhine fu káasuumaay t'etutiin, akina nu buroon bu fe beeemo t'etiir bufor bu, ni t'etaam i.

1 Piyeer 3:22

Ajaja t'etiir bufor bu, abe ondu t'ariikee inde *baatos Atambatun. Emalaka i iŋi kajam te o, n'ébuur i, ni baabu buroon fe beebaje bu sembe beeemo bu t'etiir bufor bu.

Kolos 2:15

Ñúwejet ñéebajaanie ñu sembe fe, Atambatun aramaram so, abe n'áweetin ñúwejet ñondu tu buhooŋu ésuk i fe h'afaake hu ño ni ñaasel, abe n'añaahoor ne ño éewufoor kaanuku ariiŋanariiŋan ño t'ekuruwa yite Kiris.

Efees 6:12

Ábuki fu újeit étuum nu kúŋgowulan, bare étuum nu ñúwejet ñeejakut ñu ñeeemo ñu t'etiir, ni bakate sembe su, ni siseef su, ni keekino ku sembe su t'etaam ye yeeemo i t'ébaani.

Eleetar i yi Pool akiñje i bakate ku Rom 8:38

Ábuki bukuuramkuur kaanuku doon diyinaat kákinineŋ kámaŋi k'Atambatun ámaŋie ku úne nu kuwas. Eket i, nu buroŋ bu, n'emalaka i, ni sirab su, nu buroon beebaje bu hahiye, ni beeware bu bibin kabaju, ni bakate sembe su, nu buroon beeemo bu t'etiir, ni beeemo bu yooŋ t'etaam, nu doon fe déewuwanee, mayet bifeeneŋ tu bondu biyino kákinineŋ kámaŋi k'Atambatun ámaŋie ku úne áŋaasann ko t'Anahaan ite úne Yesu Kiris nu kuwas.

Saaŋ 1:10

Hirim hu húmoomi yéeni t'etaam ye. Te ho t'Atambatun aŋaase fu éewuwan yo, bare bakate ku t'etaam i kámeyiit ho.

Eleetar i yi Pool akiñje i bakate ku Rom 9:5

Boko kaamo fu bakañi sifaaf su kómbokun ku bakate ku kóŋkeyin k'Atambatun ajifane ku. Kiris yooŋ ite t'eheet yeeniin h'abine hu éeyemi húŋgowulan. Akina aamo fu Atambatun eehaŋe u doon areyi fe. Úsokorooro ko kireyi fe! Amiin.