Kolos 1:10 - Kwatay (Kuwaataay)

¹⁰ Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Kolos 1:10 Referans Kwoze

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

1 Saaŋ 3:22

Aŋ'awun úne doon fe d'úlawo, ábuki uŋ'újeŋgin suluwa soone, abe beetoofo bu b'uf'úhin.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

1 Tesalonik 4:1

Hahiyu kújakuwe, arijamajam t'uni buŋ b'ariware fu káhinu ariitoof Atambatun, abe múniyo bo yooŋ b'af'árihin. Bare uni bokondu ti kalawuuun tu huruwu hite Anahaan u Yesu, abe n'íriwasiyanuun bo yooŋ man n'árihin ahaŋ diyu.

Esuwif i 13:16

Atum'aŋ'arifiil káhinu kite meejake mu, abe n'aŋ'áriyokunanoor yooŋ, ábuki wusarah naane wondu ufu wutoof Atambatun.

Saaŋ 15:8

Af'aribuk miriyaay meehooje, iyu i Faafam aja fu kánikanee, iyu yooŋ a arija fu káwufoor kaanuku aruun eriboora íima.

Eleetar i yi Pool akiñje i Tit 3:14

Bakan wane yooŋ kawarawar káñiŋkaan keeliiken káhinu buroon beejake, kaanuku man ni káyini káyokunan keebaje ku bisawula bómbokun. Ifi káhin iyu, n'iŋi káñjeriŋ ti dike doon.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.

2 Piyeer 1:8

Ábuki af'aribaj síjiko sondu, abe nu sulooñ t'aruun, so kákinineŋ kámeyi k'árimeyie ku Anahaan ite úne Yesu *Kiris ni kibaj éñjeriŋ, abe nu kubukoor meejake.

Kolos 2:6

Náami hahiyu, makamu arijoka t'Anahaan u Yesu *Kiris, buroŋ boonuun bíyemi naane bite bakan kéehine ne o t'afeeneŋ.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

Kolos 4:5

Arinoŋk nu búwesinato hágila kéeyilenut ku. Af'aribaj bítim bite káhiniiin meejake kep, atum'ariwas bo beefakuun.

Efees 5:15

Náami áriwasiyoor jak tu kunoŋk koonuun. Atum'aŋ'arinoŋk naane busoŋ, bare arinoŋk naane kúwesina.

Efees 2:10

Ábuki Atambatun aroke fu úne. Naane úhine i t'afeeneŋ ni Yesu Kiris híkinineŋe fu n'áwuwan úne kaanuku ko kireyi fe n'uŋ'úhin kunoŋk keejake. Kunoŋk kondu, Atambatun afiyafiya afare ko kaanuku uŋ'úbin úhin ko.

2 Korent 2:14

Bare úene Atambatun eyeehen, ábuki aŋ'aja n'úne ko kireyi fe kaanuku núumaat tu búriiŋan bite *Kiris. Úne k'ásike fu kaanuku núuhin Kiris éemeyiee tánotan, naane mátiso meehundane tánotan.

Eleetar i yi Pool akiñje i bakate ku Rom 6:4

Náami ti kaboste ku, úketaket ni Kiris, abe n'úhokee ne o, kaanuku naane aritanee i t'eket i ti sembe site Faaf u séenike su, úne yooŋ buroŋ bite b'úne ni bíyemi bíyeni.

Efees 5:10

Áriñiŋkaan ariiŋes beetoofe bu Anahaan u.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Fílip 1:27

Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Eleetar i yi Pool akiñje i Tit 3:1

Aŋ'á̱baŋinan *kéeyilene ku kaanuku kawarawar kajamu ti keeemo ku t'éŋguur i fe. Kawariinwar kájeŋgin, abe ni kafare káhinu buroon beejake bu fe.

Kolos 3:20

Aruun biñi bu, árijeŋgin sifaafuun ni síñaayuun tu doon areyi fe; bondu butoofe fu Anahaan u.

Efees 4:13

Úreyi fe yooŋ n'uŋ'úyini káhinu t'afeeneŋ ti káyilen ku, abe t'afeeneŋ yooŋ n'úmeyi Añi ite Atambatun. N'uŋ'úhaat ti káyilen ku, abe n'uŋ'úre ti kareyi kite Kiris.

Esuwif i 11:5

Káyilen kíkinineŋe fu Enok n'ayitee bija t'Atambatun t'aketut. An abinut ajuko, ábuki Atambatun ayitoyit bija te o. *Míkiñjin mu meenaan atoofatoof Atambatun bala ayitee t'etiir.

2 Timote 2:4

Asulaan eeemo tu burok af'ámaŋi katoofu aseef oone, ákolaariit ni bite keenooto ku esulaan.

Kolos 2:19

Kajokut ti Kiris eeemo u hikaw hite *kéeyilene ku keeemo ku eni yeene. Akina ákinineŋe fu eni i ereyi fe n'ékuumanee, abe n'ejokoor ayan faŋ tu súkulinu su, abe n'eŋ'ehaat yooŋ naane Atambatun ámaŋie i.

Fílip 4:18

Ijukajuk buroon b'áriboñinam bu fe, abe ahaheehah. Makamu Épafurodit abinambin nu buroon b'áriboñinam bu, hahiyu ibaja doon d'isawulee du fe. Buroon b'ariwunam bu búmoomi naane *kaasarah keehunde, kaasarah k'Atambatun ase, abe nu kutoofo.

Efees 1:17

Iŋ'ilaw Faaf u éenike u, Atambatun ite Anahaan ite úne Yesu *Kiris kaanuku eewunuun Búwejet bite búwesinato, ni bite káwufooruuno, abe ni bíhinuun ariihaŋo kámeyi.

2 Korent 9:8

Abe Atambatun áyinooniuun kawunu beejake bánoban ahahan, kaanuku ko kireyi fe n'aribaj doon fe d'arisawulee du, abe ni diŋeñen yooŋ bija ti káhinu kite meejake mánoman,

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

Eleetar i yi Pool akiñje i bakate ku Rom 4:12

Aburaham aamo fu yooŋ faaf ite keeteye ku karam; káanukiiit ti keeraane ku ti kateyi karam ti siniiin barebare, bare n'iŋi kaneefan yooŋ ti káyilen ki faaf úne Aburaham abaje ku, o t'ateyoorut karam.

Eleetar i yi Pool akiñje i bakate ku Rom 1:13

Kújakuwe, ímaŋamaŋi áriimeyi kaanuku kuhoojahooj iŋ'ijok hunak kaanuku iibin t'aruun, bare bija t'úmiye bítimam biŋaasut. Ímaŋamaŋi yéeni burok búuma beebukoor t'aruun naane bubukoore i yooŋ ti baabu biheet.

2 Korent 5:9

Náami b'úhaŋe bu kámaŋi beemo fu útoofo t'úyino fe káyemi, úne káaroŋin ni sini site s'úne, man yooŋ úne káanuutin te so.

3 Saaŋ 1:6

Kanoŋkanoŋk keesok beebe tu buhooŋu kéeyilene ku buŋ b'á̱maŋie fu húŋgowulan ariike. Waasi, aŋ'á̱yokunaniin naane hutoofe i Atambatun, kéeyini kayuunu wútuki wooniin.