Kafeeñal ku 9:1 - Kwatay (Kuwaataay)

¹ Amalaka atoken u n'asok ti káabiinu koone. N'ijuk káaloofiiloof kéeneyina t'etiir bufor bu bibin t'etaam i. Ake n'asaan ko ejaab ite kaayeen kéesulie-sulie ku.

Kafeeñal ku 9:1 Referans Kwoze

Kafeeñal ku 8:10

Amalaka áhaajiyan u n'asok ti káabiinu koone. Káaloofiiloof kómbokun kéetife naane híit ni kíneyin tu bufor bu. Ni kiney t'efej efeeneŋ ti síhaaji site móhujo míniina fe.

Kafeeñal ku 9:2

Káaloofiiloof ku ni kífeŋgin kaayeen kéesulie-sulie ku. Hárunda nu húnuutin toko, híyemi naane hite sineemak sómbokun. Taanak tu nu túkumb, eyam i yooŋ n'ébaani iŋ'ite hárunda hite kaayeen ku.

Eleetar i yi Pool akiñje i bakate ku Rom 10:7

«Atum'a̱yinoor yooŋ n'a̱ane: aañ aja fu búwaneina ti keekete ku kaamo du?» kite awe á̱maŋie karitan Kiris t'eket i.

Kafeeñal ku 1:18

Íñj'eemo fu an eeemo u buroŋ. Íketaanaketaani, bare hahiye íñj'endu buroŋ hiraanu. Íñje íyekie fu sijaab site eket i, ni site ti keekete ku tindi kaja.

Kafeeñal ku 20:1

Hunuut toko, n'ijuk amalaka tu búwaneina ánuutin t'etiir bufor bu. Ajokajok t'emoŋio ejaab ite kaayeen kéesulie-sulie ku, ni baasel bómbokun.

Kafeeñal ku 17:8

Éndakakureŋ y'a̱juke i émoomi yéeni buroŋ, bare eŋkut eroŋ. Yo kánuutina ti kaayeen kéesulie-sulie ku, bare yite bútowuto hiraanu. Bakate ku t'etaam i, ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee, bijahale kane kajuk éndakakureŋ i, ábuki émoomi yéeni buroŋ, abe hahiye eŋkut eroŋ, bare yo kásooñina.

Hirim Heetoofe hu hi Luk akiñje hu 8:31

Sirab su n'iŋi silaw Yesu seeno: —Waasi, atum'á̱fiiten uni sambuun!

Kafeeñal ku 8:12

Amalaka ábaakiiriyan u n'asok ti káabiinu koone. Efej efeeneŋ ti síhaaji site taanak tu n'émiñee, n'efeeneŋ ti síhaaji site hiim hu, n'efeeneŋ ti síhaaji site búloofiiloof bu, ayak abin áami efej efeeneŋ ti síhaaji site buroon bondu ébaania. T'efej efeeneŋ ti síhaaji site hunak hu, ajaaŋutee naane aa afiy ajaaŋee, bija yooŋ huhuk hu fe.

Kafeeñal ku 8:2

Abe n'ijuk emalaka i hutok ni bákasuba ku kiŋki kasiiŋo hágila Atambatun. Ni kawunee wúbiinu weemo hutok nu wúsuba.

Kafeeñal ku 20:10

Náami Setani aa abuut biheet bu áfiitenee ti han hite sineemak su n'efor yéesufe i, t'éndakakureŋ i éfiitenee du yéeni, yo n'ajuusa eeene u akina *ayiŋana ite Atambatun. Kabaa káhihinooree bújom tujon hiraanu.

Kafeeñal ku 1:20

Wúloofiiloof wu hutok nu wúsuba wu w'a̱juke wu t'emoŋiam yaatos i, ni báanaŋum bite búrundoora bu hutok nu súsuba su bite éwurus i, iye i bije fu: wúloofiiloof wu hutok nu wúsuba wu weemo fu emalaka yite kéeyilene ku ti kikinu keemo hutok nu kúsuba; báanaŋum bite búrundoora bu hutok nu súsuba su ni bíyemi kéeyilene ku ti kikinu keemo hutok nu kúsuba.

Hirim Heetoofe hu hi Luk akiñje hu 10:18

Yesu n'aaniin: —Ijukajuk Setani n'áneyin t'etiir bufor bu ahil-hil, anokoor kite etiir i esibe.

Kafeeñal ku 6:13

Búloofiiloof bu iŋi bíneyin t'etiir bufor bu bibin t'etaam i, naane miriyaay meelaañut ii míneyin kane eyam i etib ni sembe tu nunukanuk.

Kafeeñal ku 11:7

Ifi kátiban kaseede ku, éndakakureŋ kánuutina ti kaayeen kéesulie-sulie ku yéelohumiin. Yo bikaleiin, abe n'eŋ'eyooliin.