Kafeeñal ku 8:7 - Kwatay (Kuwaataay)

⁷ Amalaka átiyar u n'asok ti káabiinu koone. Egalas n'ehaŋ énubin t'etaam i yéegiiloole ni sineemak, ni halan. Efej efeeneŋ ti síhaaji site etaam i n'ésufo, efeeneŋ ti síhaaji site ñunukanuk ñu n'ésufo, abe mahos meeleebejane mu fe nu músufo.

Kafeeñal ku 8:7 Referans Kwoze

Kafeeñal ku 9:4

Ake n'aane bo utum bugor mahos mu, nu ñunukanuk ñu, nu doon fe déelooñina, kane arko taŋ bo bibete bakan kéehinutee ku tu kúyuut ékeetanuma yite Atambatun.

Kafeeñal ku 9:18

Wútaañi wondu wúhaaji wu wuwu wúnuutin tu ñutum ñite bifaliñj bu nu wuyool efej efeeneŋ ti síhaaji site kúŋgowulan ku. Wo weemo fu sineemak su, ni hárunda hu, n'efor yéesufe i.

Kafeeñal ku 9:15

Emalaka i bakabaakiir ku keefaree ku bija t'ewahatu yendu, nu tu hunak hondu, ni ti hiim hondu, ni t'emit yendu ni kájendinee kaanuku keeyool efej efeeneŋ ti síhaaji site kúŋgowulan ku.

Kafeeñal ku 16:21

Kifiit kite egalas keeyino kafeese síkilo bakan bákasuba nu kúnuutin t'etiir bufor bu kéeneyin tu kúŋgowulan ku. Abe ésuk i ni kálafatin Atambatun iŋ'ite káseñji kondu kite egalas i, ábuki kátaañi kondu kihaŋahaŋ kahahu.

Kafeeñal ku 16:2

Amalaka átiyar u n'aja, abe n'áyuus ekot yeene t'etaam i. Náami busontaay beejakut abe ni bíseñji ni bíŋaasin ti bakan kéeyekie ku ékeetanuma yite éndakakureŋ i, abe n'iŋi kásukaay búwisenum bite te yo.

Kafeeñal ku 12:4

N'efeew efej efeeneŋ ti síhaaji site búloofiiloof bu ni hiyet hite te yo éfiiten t'etaam i. N'esiiŋo hágila anaare éeyemie u ti bíyihino bu kaanuku yeebin yeeteŋ alekej oone kane áyihinoo.

Kafeeñal ku 6:8

N'íheelin, n'ijuk efaliñj yeenokoore nu búsuus beeluwe. An eerabee u te yo huruwu hoone «Eket i», abe hikinu hite eket i hisaosa ti hiñaawu. Ni kawunee sembe t'efej efeeneŋ ti sibaakiir site etaam i kaanuku keeyool ésuk i ni kábura, nu bujoñjol, nu wúsomut, man yooŋ ni katiŋg bíndakakureŋ bu beeyooliin.

1 Piyeer 1:24

Ábuki Míkiñjin mu meenaan: «Kúŋgowulan ku fe kámoomi naane mahos, abe káwari kooniin naane éfuloor ite ti kitaaŋaat ku; mahos iŋi misay, éfuloor eŋ'eney,

Saak 1:11

Taanak tu iŋi tirito ni kásufu kite te to fe, abe iŋi tisayan mahos mu; éfuloor i eŋ'eney, abe káwari kite te yo uŋu kútowuto. Iyu yooŋ e eebaje u ayak fu bútowuto o ti bakola boone.

Kafeeñal ku 7:1

Hunuut toko, n'ijuk emalaka bakabaakiir ti kasiiŋee tu suwus sibaakiir site etaam i. Kajokajok siyam sibaakiir site etaam i kaanuku mayet eyam etum'etib t'etaam i, ni ti han hu, man yooŋ ti nike nunukanuk.