Kafeeñal ku 8:5 - Kwatay (Kuwaataay)

⁵ Ahaban, amalaka u n'ásik báasufum bite ejuraay i, eehoojan bo bib ni sineemak site ataabul ite wusarah wu, abe n'áfiiten bo t'etaam i. Biranda bu nu busok, n'awen toko, etiir i n'esib, etaam i yooŋ n'eyoŋoŋanooro.

Kafeeñal ku 8:5 Referans Kwoze

Kafeeñal ku 11:19

Kahaban, enuuf ite Atambatun yeeemo i t'etiir bufor bu n'éfeŋgino, abe ekees yéewufoore i *kaajamoor k'Atambatun áhine ku ni bakan koone n'ejukee t'enuuf yeene. Etiir i n'esib, n'awen toko, biranda bu nu busok, etaam i n'eyoŋoŋanooro, egalas yooŋ n'énubin.

Kafeeñal ku 4:5

T'eriikeey ite híyiaate hu yeeemo i t'etut, etiir i eŋ'esib toko, n'awen toko, biranda bu yooŋ nu busok. Kíit kéetife keemo hutok nu kúsuba kúmoomi hágila eriikeey yendu: ko keemo fu ñúwejet ñu hutok nu ñúsuba ñite ñ'Atambatun.

Epotor i 16:26

Kaja kajuku, náami etaam i étumba eyoŋoŋanooro ni sembe, eyak eyoŋoŋan kiñaan kítiyar keejoke ku ekulu i. Wuruŋ wute ekulu i nu wuhaŋ wúfeŋgino wureyi fe, abe ñaasel ñeekobee ñu keekulee ku nu ñúkulino.

Kafeeñal ku 11:13

Toko-toko yooŋ, náami etaam i eyoŋoŋanooraa ni sembe. Efej efeeneŋ ti seemo sumoŋu site hikinu hu n'ewelejo, abe bakan kaamo súñjune hutok nu súsuba ni kaket tu buyoŋoŋanooro bondu bite etaam i. Bakaaku keeroŋe ku ni kákoleyi dómbokun, abe ni kaane Atambatun eeemo u t'etiir bufor bu ahahahah.

Kafeeñal ku 6:12

Ahaban, n'ijuk Ametek u n'ákotin húkotanin hutoken hu ni hifeeneŋ. Etaam i n'eyoŋoŋanooro ni sembe-sembe. Taanak tu ni tíbaani túruk naane kájufa kite kátiñja, abe hiim hu ñeeba te ho ni hilaañ jif naane halan.

Epotor i 4:31

H'aamo hu kahabana kalawu ku, n'ayoŋoŋanooree toko ti kakuukanooree du. Búwejet Beenabe bu nu búhoojiniin kareyi fe, abe ni káyemi ti kasoku hirim hite Atambatun ni kikaw keeyaŋge piŋ.

Hirim Heetoofe hu hi Luk akiñje hu 12:49

—Ibinabin káfiiten sineemak t'etaam i, abe tu kúuma ku bare sujoka!

Májiye 24:7

Ésuk birito yeetiik n'ésuk, hikinu birito heetiik ni hikinu. Bujoñjol kabaju, abe etaam i buyoŋoŋanooro tu búsuk beehooje.

Kafeeñal ku 8:3

Ake amalaka yooŋ n'abin, abe n'asiiŋo kaagoroor *n'ataabul ite *wusarah wu. Ajokajok tu sumoŋio báasufum bite *ejuraay bite éwurus. Ni kawuno ejuraay úkaan kaanuku eesarah yo t'ataabul ite wusarah wu ite éwurus i eeemo u hágila eriikeey ite híyiaate hu, yeeriboor ni kalawu kite bakan kite Atambatun kareyi fe.