Kafeeñal ku 8:13 - Kwatay (Kuwaataay)

¹³ N'isooñ íheelin, n'ijuk kalañjaŋanaa tu búwiito, abe kiliŋanaliŋan. N'ijam ko ni kitaŋk keene: «Kátaañi! Kátaañi! Afin ayak buŋ kátaañi ti bakate etaam i kane wúbiinu wute bakaaku emalaka bákahaaji ku wusok!»

Kafeeñal ku 8:13 Referans Kwoze

Kafeeñal ku 11:14

Kátaañi kúsooboriyan ku kihabanaa. Bare kíhaajiyan ku káreeŋina memee.

Kafeeñal ku 9:12

Kátaañi kítiyar ku kihabanaa. Wike wúsuba wuwarawar bibin.

Kafeeñal ku 14:6

N'ijuk ake amalaka tu búwiito, abe aliŋanaliŋan. Ákooki Hirim Heetoofe héehabanaariit hite kawaare bakate ku t'etaam i fe: bakate biheet bánoban, nu búsuk bánoban, ni bakate kíhaminiin kánokan, ni bakan kánokan.

Kafeeñal ku 19:17

Abe n'ijuk ake amalaka eesiiŋee ti taanak tu. N'ataŋk áhamin ni bilele bu bumbu búwiito biliŋan aane bo: «Aribin, arikuukanooro bija bite hiriy hómbokun hu hite h'Atambatun!

Kafeeñal ku 9:1

Amalaka atoken u n'asok ti káabiinu koone. N'ijuk káaloofiiloof kéeneyina t'etiir bufor bu bibin t'etaam i. Ake n'asaan ko ejaab ite kaayeen kéesulie-sulie ku.

Esuwif i 1:14

Náami emalaka i boko naŋ? Kareyi fe ñúwejet barebare, iŋi karok bija t'Atambatun. Áboñiniinboñin kaanuku iŋi kabin káyokunan keeyak ku bibin kafaku.

Kafeeñal ku 14:3

Bakan kondu keehooje kii kasiiŋasiiŋo hágila eriikeey ite híyiaate hu, hágila yooŋ muroon mibaakiir meeroŋe mu, ni bíhaaniin bu, abe iŋi kahooñ huhooñu híyeni. An fe ayinaat kaliiken huhooñu hondu, kane arko taŋ bakan kondu súñjune téemeer, nu súñjune bakan bákasuba ni sibaakiir su keejoohenee ku t'etaam i.

Kafeeñal ku 3:10

Makamu á̱jeŋginajeŋgin hirim h'isoki hu hite kaanuku á̱muñ ti sílaam su, ifin íñje yooŋ, íñje kajukari ti sílaam seebin su t'aduna i ereyi fe. Sílaam sondu kabaju kaanuku t'ajuk buŋ bu kúŋgowulan ku kaamo fu ariike.

Kafeeñal ku 8:2

Abe n'ijuk emalaka i hutok ni bákasuba ku kiŋki kasiiŋo hágila Atambatun. Ni kawunee wúbiinu weemo hutok nu wúsuba.

Kafeeñal ku 12:12

Iŋ'ite ho aamo fu kikawuun kutoof, aruun bufor bu ni keekine ku bo! Bare átaañi t'aruun etaam i ni han hu! Batuuk bu búwaneino t'aruun, abe ni kayiŋat kómbokun, ábuki búmoomi kaanuku kunak keeroŋe ku bo kifamut.»