Kafeeñal ku 8:10 - Kwatay (Kuwaataay)

¹⁰ Amalaka áhaajiyan u n'asok ti káabiinu koone. Káaloofiiloof kómbokun kéetife naane híit ni kíneyin tu bufor bu. Ni kiney t'efej efeeneŋ ti síhaaji site móhujo míniina fe.

Kafeeñal ku 8:10 Referans Kwoze

Kafeeñal ku 16:4

Amalaka áhaajiyan u n'áyuus ekot yeene tu sujolob su, ni tánotan fe tu móhujo míniina meemo t'etaam i. Móhujo mu nu muhosan méeyemi halan.

Kafeeñal ku 9:1

Amalaka atoken u n'asok ti káabiinu koone. N'ijuk káaloofiiloof kéeneyina t'etiir bufor bu bibin t'etaam i. Ake n'asaan ko ejaab ite kaayeen kéesulie-sulie ku.

Kafeeñal ku 6:13

Búloofiiloof bu iŋi bíneyin t'etiir bufor bu bibin t'etaam i, naane miriyaay meelaañut ii míneyin kane eyam i etib ni sembe tu nunukanuk.

Kafeeñal ku 14:7

N'aŋ'ataŋk t'etiir aane: «Árikoleyi Atambatun, abe n'árinikano! Ábuki ewahatu y'aja i kajoonan kite kúŋgowulan ku ereeŋa. Árisukaay an éewuwane u bufor bu, n'etaam i, ni han hu, ni tánotan fe tu móhujo míniina meemo!»

Kafeeñal ku 12:4

N'efeew efej efeeneŋ ti síhaaji site búloofiiloof bu ni hiyet hite te yo éfiiten t'etaam i. N'esiiŋo hágila anaare éeyemie u ti bíyihino bu kaanuku yeebin yeeteŋ alekej oone kane áyihinoo.

Kafeeñal ku 1:20

Wúloofiiloof wu hutok nu wúsuba wu w'a̱juke wu t'emoŋiam yaatos i, ni báanaŋum bite búrundoora bu hutok nu súsuba su bite éwurus i, iye i bije fu: wúloofiiloof wu hutok nu wúsuba wu weemo fu emalaka yite kéeyilene ku ti kikinu keemo hutok nu kúsuba; báanaŋum bite búrundoora bu hutok nu súsuba su ni bíyemi kéeyilene ku ti kikinu keemo hutok nu kúsuba.

Eleetar i yi Sud akiñje i 1:13

Kámoomi naane kúsuw ti han heeriye; iŋi káfuujin buroon booniin béefuñinanie bu naane han hu uu húyuusin kúsuw kite te ho ti katafa ku. Kámoomi naane wúloofiiloof weehiile, abe Atambatun afareiinfare báakinum bite hiraanu tej t'ábaanie-baanie du.

Hirim Heetoofe hu hi Luk akiñje hu 10:18

Yesu n'aaniin: —Ijukajuk Setani n'áneyin t'etiir bufor bu ahil-hil, anokoor kite etiir i esibe.

Májiye 25:1

—Ti bíbatikeina bite *Añi ute Húŋgowulan hu, *Jáyi jite Atambatun káyemi naane iye: abajeebaj. Búsuŋgute kaamo sumoŋu kayitayit sijaaŋana sooniin keeja huyoosan, abe ni káyemi ti kanahan ániine u.

Kafeeñal ku 8:7

Amalaka átiyar u n'asok ti káabiinu koone. Egalas n'ehaŋ énubin t'etaam i yéegiiloole ni sineemak, ni halan. Efej efeeneŋ ti síhaaji site etaam i n'ésufo, efeeneŋ ti síhaaji site ñunukanuk ñu n'ésufo, abe mahos meeleebejane mu fe nu músufo.

Kafeeñal ku 9:15

Emalaka i bakabaakiir ku keefaree ku bija t'ewahatu yendu, nu tu hunak hondu, ni ti hiim hondu, ni t'emit yendu ni kájendinee kaanuku keeyool efej efeeneŋ ti síhaaji site kúŋgowulan ku.

Kafeeñal ku 9:18

Wútaañi wondu wúhaaji wu wuwu wúnuutin tu ñutum ñite bifaliñj bu nu wuyool efej efeeneŋ ti síhaaji site kúŋgowulan ku. Wo weemo fu sineemak su, ni hárunda hu, n'efor yéesufe i.