Kafeeñal ku 4:6 - Kwatay (Kuwaataay)

⁶ N'abaj toko hágila eriikeey yendu naane han heejaaŋe wililil naane eweer yeekuure but. N'abaj yooŋ muroon mibaakiir meeroŋe meeŋoloole eriikeey ite híyiaate hu, abe sini site te mo fe ñíkin, hágila ni inde kiñaawu ku.

Kafeeñal ku 4:6 Referans Kwoze

Kafeeñal ku 15:2

N'ijuk naane han heesilane naane eweer, abe ni hígiilool ni sineemak. N'ijuk yooŋ keeriiŋane ku éndakakureŋ i, nu búwisenum bite te yo, ni naane huruwu hite te yo hije i ti kafinu. Kasiiŋasiiŋo ti han hondu heejaaŋe hu naane eweer, abe ni káyekan bukondiŋ b'Atambatun asaaniin bu.

Kafeeñal ku 5:6

Náami iijuk Ametek t'asiiŋee kaagoroor n'eriikeey ite híyiaate hu. Muroon mibaakiir mu míhinohin t'etut, ni bíhaaniin bu yooŋ. Aŋ'a̱juk kite amooteemoot yéeni. Abajabaj wusiin weemo hutok nu wúsuba, ni ñíkin yooŋ ñeemo hutok nu ñúsuba. Ñíkin ñondu ñeemo fu ñúwejet ñu hutok nu ñúsuba ñite ñ'Atambatun, ñaññ'aboñ t'etaam i ereyi fe.

Kafeeñal ku 14:3

Bakan kondu keehooje kii kasiiŋasiiŋo hágila eriikeey ite híyiaate hu, hágila yooŋ muroon mibaakiir meeroŋe mu, ni bíhaaniin bu, abe iŋi kahooñ huhooñu híyeni. An fe ayinaat kaliiken huhooñu hondu, kane arko taŋ bakan kondu súñjune téemeer, nu súñjune bakan bákasuba ni sibaakiir su keejoohenee ku t'etaam i.

Kafeeñal ku 19:4

Bíhaaniin bu butuman ni bakabaakiir ku ni kásukaay, nu muroon mibaakiir meeroŋe mu, keesokoroor Atambatun eeriikee u t'eriikeey ite híyiaate hu abe ni kaane: «Amiin! Aleluya!»

Kafeeñal ku 5:14

Muroon mibaakiir meeroŋe mu ni mísafin meene: «Amiin!» Abe bíhaaniin bu ni kásukaay keesokoroor Atambatun.

Kafeeñal ku 7:11

Abe emalaka i kareyi fe ni kasiiŋo kaŋolool eriikeey ite híyiaate hu, ni bíhaaniin bu, nu muroon mibaakiir meeroŋe mu. Ni kájiŋgitan hágila eriikeey i, keeya kúyuutiin t'etaam, abe ni kasokoroor Atambatun

Kafeeñal ku 22:1

Hunuut toko, amalaka u n'áwufooram kaayelu kite móhujo mite buroŋ bu, kéenuutina ku t'eriikeey ite híyiaate hu yite i Atambatun n'Ametek u, abe ni kijaaŋ wililil naane eweer.

Kafeeñal ku 21:11

kániku koone ti kajaaŋan ho yooŋ. Masilanar mite hikinu hu múmoomi naane mite ekuur yeeseere-seer yeejaaŋe naane eweer.

Kafeeñal ku 15:7

Ake tu muroon mibaakiir meeroŋe mu n'asaan emalaka i hutok ni bákasuba ku sukot site éwurus seemo hutok nu súsuba, seehooje bib ni kayiŋat kite Atambatun eeemo u buroŋ hiraanu.

Kafeeñal ku 21:21

Wuruŋ wu sumoŋu nu wúsuba wu, wo sukuur seeseere-seer. Karuŋ-ruŋ fe kurokeerok n'ekuur efeeneŋ. Éhuhu yite hikinu hu, yo éwurus yeekuure but, abe eŋ'ejaaŋ wililil naane eweer.

Kafeeñal ku 21:18

Hiñaan hu hunuteenut nu bujuju bimbi kaane esasip, abe hikinu hu hurokeerok n'éwurus yeekuure but yeejaaŋe naane eweer.

Kafeeñal ku 7:17

Ábuki Ametek eeemo u kaagoroor n'eriikeey ite híyiaate hu aja fu kahaawiiin, abe o bija nu boko tu wúbulanu wute móhujo mummu muwun buroŋ bu. Abe Atambatun katotu muhuw mánoman ti ñíkiniin.

Kafeeñal ku 4:4

Sike siriikeey yooŋ site híyiaate seemo butuman ni sibaakiir suŋoloolaŋolool eriikeey yendu, abe bíhaaniin kaamo butuman ni bakabaakiir kariikariiko te so. Kasiimasiimo wañ weefañje, abe ni kasol búkuhe bite éwurus.

Kafeeñal ku 5:8

H'Ametek u ase hu kaawiit ku, muroon mibaakiir meeroŋe mu nu músukaayo, mo ni bíhaaniin bu butuman ni bakabaakiir ku. Kareyi fe huruw n'ekondiŋ, ni bitaañ yooŋ bite éwurus beehooje bib *n'ejuraay. Ejuraay yendu yeemo fu kalawu kite bakan kite Atambatun.

Kafeeñal ku 5:11

N'isooñ íheelin, n'ijam wuji wute emalaka keehooje-hooj, keeŋoloole eriikeey ite híyiaate hu, nu muroon meeroŋe mu, ni bíhaaniin bu. Emalaka i kareeŋareeŋ búñjune nu búñjune.

Kafeeñal ku 6:1

Bondu buwas, n'ijuk Ametek u n'ákotin húkotanin hítiyar hu tu kúkotanin ku hutok nu kúsuba ku. N'ijam afeeneŋ tu muroon mibaakiir meeroŋe mu n'ataŋk naane karanda aane: «A̱bin!»

Kafeeñal ku 6:6

N'ijam anokoor naane kaaji kíhaminna t'etut muroon mibaakiir meeroŋe mu keene: «Etamaŋ efeeneŋ taŋ ite maanu bija ti bajaam bite hunak ñeeba; sitamaŋ síhaaji taŋ site édugub bija ti bajaam bite hunak ñeeba.» Kihaban, ni keene an eerabee u t'efaliñj i: «Atum'á̱buj éluuliin i n'ébiñ i.»