Kafeeñal ku 3:12 - Kwatay (Kuwaataay)

¹² An fe eeyak kariiŋan, íñje káhinio éeyemi éniñj t'enuuf ite Atambatun úuma, abe aroŋut hikee kánuutina toko. Íñje kakiñju te o huruwu hite Atambatun úuma, nu huruwu húuma híyeni hu, nu huruwu hite hikinu hite Atambatun úuma. Hikinu hondu heemo fu Serusalem éyeni i, yeeja i kánuutina t'etiir bufor bu t'Atambatun úuma yéewanein.

Kafeeñal ku 3:12 Referans Kwoze

Kafeeñal ku 22:4

Boko kajuku buhooŋio, abe huruwu hoone kakiñjiee tu kúyuutiin.

Kafeeñal ku 21:2

N'ijuk hikinu heenabe hu, heeemo hu Serusalem éyeni i tu búwaneina húnuutin t'Atambatun t'etiir bufor bu. Hifareefare áwari, naane anaare aa asiimo áwariee keejoo huyoosan.

Kafeeñal ku 14:1

N'isooñ íheelin, n'ijuk Ametek u t'asiiŋee ti hirij hihi kaane *Siyoŋ, akina ni bakan kaamo súñjune téemeer, nu súñjune bakan bákasuba ni sibaakiir, abe huruwu hoone ni hite hu Faafo kikiñjeekiñj tu kúyuutiin.

Galasi 2:9

Saak, Piyeer, ni Saaŋ ki kéeyilene ku kajoke ku naane eseef yeeniin, kajukajuk kaanuku Atambatun asejanam fu burok beejake bondu. Náami keesaan uni sumoŋu, íñje ni Barnabas, t'áami hahiyu kajoka ti bite b'uni. N'irijamoor kaanuku uni bija ti keenooto ku Esuwif, boko ni kaja t'Esuwif i.

Kafeeñal ku 2:17

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, íñje kawunio *t'emaan yéenuusee i eeteŋ. Íñje kasaano yooŋ ejuju yeefañje tu huruwu híyeni hikiñjee, abe an fe at'ámeyi huruwu hondu, kane arko taŋ akina eesaanee u ho.»

Esuwif i 12:22

Aruun bare arilohaloh hirij hite *Siyoŋ, ni hikinu hite Atambatun eeemo u buroŋ. Ho heemo fu Serusalem yite i t'etiir, t'emalaka k'an ayinaat kafinu kaamo du ti hiriy.

1 Saaŋ 4:4

Kúñuumo, aruun bare bakan bakate Atambatun, abe arikalakalo kiŋki kajuus kaane boko kaamo eyiŋana yite Atambatun. Ábuki Búwejet beeemo bu t'aruun bihaŋahaŋ sembe beeemo bu ti bakate ku t'etaam ye.

Kafeeñal ku 2:7

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, íñje kawunio eeteŋ ti miriyaay mite nunukanuk nunnu nuwun buroŋ bu neeemo nu t'etiir t'etool ite Atambatun.»

Efees 3:15

o éekinie u butoŋ bánoban fe t'etiir bufor bu ni t'etaam i.

Kafeeñal ku 17:14

Boko katiiku Ametek u, bare Ametek u kaheekiiin, ábuki akina aamo fu Anahaan ite kunahaan ku, akina yooŋ aamo fu Áyi ite bákayi ku. Bakan koone k'aruwe ku abe n'ajifan, bokondu kéejeŋgino ku kariiŋaniin yooŋ ne o.»

Esuwif i 13:14

Ábuki úbajut t'etaam ye hikinu hite hiraanu. Hikinu heeware hu bibin h'úŋes fu.

Kafeeñal ku 2:11

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, eket ésooboriyan i et'émiño.»

Kafeeñal ku 3:5

An fe eeyak kariiŋan, o bisiimo wañ weefañje naane boko. It'itot huruwu hoone ti kaawiit kite buroŋ bu. Íñje kasoku tu buhooŋu Faafam n'emalaka yeene kaanuku akina an úuma.

Mark 12:16

Ni káyitino efeeneŋ, abe Yesu n'aaniin: —Buhooŋu bonde t'érirem i bite bu aañ, nu huruwu hu? Ni kaano: —*Áyi ómbokun eeemo u Rom.