Kafeeñal ku 3:11 - Kwatay (Kuwaataay)

¹¹ Íñje bibin memee. A̱jok alit tip ti b'a̱joke bu, ake atum'abin ásik hisiibanu hoonuun hite búriiŋan bu.

Kafeeñal ku 3:11 Referans Kwoze

Saak 1:12

Atoof t'an kane ajok alitee o ti sílaam; ábuki af'áwufoor kaanuku ajokajok alitee ahaban, o kabaju hisiibanu: ho heemo fu buroŋ b'Atambatun aane bu o kawunu kéemaŋio ku.

Kafeeñal ku 22:12

Yesu n'aane: —Arijamatan, íñje bibin memee! Íñje bibin ni kisiibanu, abe íñje kabatikan huruw fe aliik tu doon d'aroke du.

Kafeeñal ku 2:10

Atum'á̱koleyi sílaam s'a̱ja su kajuku. A̱jam i: Setani kajoku bakaake t'aruun aja akul kaanuku man n'áhinuun áriiwuŋg Atambatun kiñaawu, abe aruun kajuku sílaam kunak keereeŋe sumoŋu. Bare a̱jok alitee hutoof yooŋ ni kayooli, abe n'iŋ'iwuni buroŋ bu naane hisiibanu.

Kafeeñal ku 2:25

kane arko taŋ bite kaanuku arijok kep alitee ti b'arijoke bu bija kóyin k'ibin ku.

2 Timote 4:8

Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

2 Timote 2:5

An af'áyemi ti síheekoor ti kateyi, at'ásik hisiibanu hu, kane arko taŋ am ateye naane kateyi ku kusokee i.

Kafeeñal ku 22:20

An eeseedee u kaanuku bondu fe bite nu múniyo aane: «Hee, íñje bibin memee!» Amiin! A̱bin Anahaan u Yesu!

Kafeeñal ku 1:3

Atoof t'an eejaŋgee u kaawiit konde tu buhooŋu ésuk i, ni kiŋki kajamatan báhamin bonde béenuutina bu t'Atambatun, abe n'iŋi kájeŋgin yooŋ beekiñjee bu te ko, ábuki memee bo kabaju!

Kafeeñal ku 4:10

Abe ko kireyi fe bondu ifi bibaj, bíhaaniin bu butuman ni bakabaakiir ku n'iŋi kásukaayo. N'iŋi kasokorooro, o eeemo u buroŋ hiraanu, abe ni káfiiten búkuhe booniin hágila eriikeey ite híyiaate hu ti kaanu:

1 Korent 9:25

Kiŋki káhin buroon bu naane kateyi ku bija ti síheekoor su, ajok étuum i, iŋi kajab kaliiken ásuf. Iŋi káhin bondu kaanuku man ni kabin kabaj hisiibanu héefiyaariit. Úne bare uŋ'úhin bo kaanuku man n'úbaj hisiibanu hite hiraanu.

Kafeeñal ku 3:3

Á̱baŋino naane a̱jame i hirim hu, ni naane a̱joke i ho ariike. Á̱hin naane husoke i, abe n'a̱watanooro wuhoofoor wúuwe. Afut'á̱niyo, íñje káfufii naane ákuw, abe at'á̱meyi yiin ewahatu y'ija fu bibin.

Kafeeñal ku 4:4

Sike siriikeey yooŋ site híyiaate seemo butuman ni sibaakiir suŋoloolaŋolool eriikeey yendu, abe bíhaaniin kaamo butuman ni bakabaakiir kariikariiko te so. Kasiimasiimo wañ weefañje, abe ni kasol búkuhe bite éwurus.

Kafeeñal ku 2:13

ímoomi t'a̱kine du: Setani anaŋanaŋ toko eriikeey yeene yite híyiaate hu, bare a̱jokajok t'íñje alit tip. Antipas aseede úuma éejeŋginam u ayooleeyool t'aruun, toko ti Setani akine du. Awe bare, naane bondu bibaje i fe, a̱wasut káyilen ku t'íñje.

Kafeeñal ku 22:7

Yesu n'aane: —Arijamatan, íñje bibin memee! Atoof t'an éejeŋgine u báhamin béenuutina bu t'Atambatun, beesokee bu ti kaawiit konde!

Saak 5:9

Kújakuwe, atum'aŋ'áriŋuŋunoor ti bakaaku, man Atambatun atum'abin ajoonanuun. Ajoonana u ondu, áreeŋino ti karuŋ ku!

Fílip 4:5

Áriwufoor ésuk i fe kaanuku árineenaneeni. Anahaan u bibin memee.

Kafeeñal ku 16:15

Anahaan u n'aane: «Arijam, bibin búuma káfufu naane ákuw! Atoof t'an eeŋotut u, abe n'ajukar wañ woone kaanuku atum'abin aja fuufio ésuk i keejuk ñufuñ ñoone.»