Kafeeñal ku 3:10 - Kwatay (Kuwaataay)

¹⁰ Makamu á̱jeŋginajeŋgin hirim h'isoki hu hite kaanuku á̱muñ ti sílaam su, ifin íñje yooŋ, íñje kajukari ti sílaam seebin su t'aduna i ereyi fe. Sílaam sondu kabaju kaanuku t'ajuk buŋ bu kúŋgowulan ku kaamo fu ariike.

Kafeeñal ku 3:10 Referans Kwoze

2 Piyeer 2:9

Bondu búwufoorawufoor kaanuku Atemit áyinooni kafakan ti sílaam su kéejeŋgino ku, abe n'afin awas keejakut ku kaanuku eebin eenij tu boko hunak hite Kajoonan ku.

Kafeeñal ku 14:12

Iŋ'ite ho aamo fu bakan kite Atambatun, kiŋki kájeŋgin buluwa boone, abe ni kajok alitee ti Yesu kawarawar iŋi kámuñu.

Kafeeñal ku 2:10

Atum'á̱koleyi sílaam s'a̱ja su kajuku. A̱jam i: Setani kajoku bakaake t'aruun aja akul kaanuku man n'áhinuun áriiwuŋg Atambatun kiñaawu, abe aruun kajuku sílaam kunak keereeŋe sumoŋu. Bare a̱jok alitee hutoof yooŋ ni kayooli, abe n'iŋ'iwuni buroŋ bu naane hisiibanu.

1 Korent 10:13

Buroon bimbi biñakuun ariiney tu wuhoofoor buwayeit ni bimbi biñak yooŋ bakaaku tu wuhoofoor wu. Atambatun áwasaariit báhamin b'asoke, abe at'awas hikee bike beehaŋuun sembe beebajuun. Af'áriyemi ti kañakiee ti kaahoofoor kep, Atambatun kawunuuun sembe site kajoku alitee, aamo fu efehe yite kafaku ku.

1 Piyeer 4:12

Kújakuwe, aruun k'ímaŋie-maŋie ku, atum'arijahale naane ariemo i ti sílaam sómbokun. Bondu bibajuunbaj kaanuku t'ajuk man múniyo áriyilenayilen t'Atambatun man yooŋ. Atum'ariyinoor n'ariene bondu buwarut kabaju.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.

Májiye 6:13

Abe atum'a̱was uni iriiñakee ti kaahoofoor, bare a̱ram uni ti Setani.”

Kafeeñal ku 13:10

An eeemo ite bibin kajokiee eekulee, o bibin kakuliee. An eeemo ite bibin kayooliee ni kábura, o kayooliee ni kábura. Iŋ'ite ho aamo fu bakan kite Atambatun kawarawar kámuñu, itim kawas káyilen ku.»

Efees 6:13

Iŋ'ite ho aamo fu arijok hahiye bujuŋko bite Atambatun bireyi fe! Af'árihin bondu, hunak hite sílaam su ifi hireeŋ, n'aŋ'áriyini katandarisan t'an eejonduun u. Abe af'árituum bija yooŋ ti biraanu, aruun bisiiŋo jirib.

Kafeeñal ku 8:13

N'isooñ íheelin, n'ijuk kalañjaŋanaa tu búwiito, abe kiliŋanaliŋan. N'ijam ko ni kitaŋk keene: «Kátaañi! Kátaañi! Afin ayak buŋ kátaañi ti bakate etaam i kane wúbiinu wute bakaaku emalaka bákahaaji ku wusok!»

Kafeeñal ku 6:10

Ni kataŋk kaane: «Atemit eenabe u, awe eeemo u an ite bifeeneŋ, awe kajoonan bakate etaam i, abe n'a̱nukan tu boko iŋi naane kayoole i uni. Náami a̱anahan bija kaakaŋ?»

Kafeeñal ku 17:8

Éndakakureŋ y'a̱juke i émoomi yéeni buroŋ, bare eŋkut eroŋ. Yo kánuutina ti kaayeen kéesulie-sulie ku, bare yite bútowuto hiraanu. Bakate ku t'etaam i, ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee, bijahale kane kajuk éndakakureŋ i, ábuki émoomi yéeni buroŋ, abe hahiye eŋkut eroŋ, bare yo kásooñina.

Kafeeñal ku 13:14

N'ebuut bakate t'etaam i nu buroon bómbokun bemb'éhin beehaŋe bu ésuk i kikaw, b'ewunee bu kaanuku yéehin tu buhooŋu éndakakureŋ étiyar i. Ehaban, n'eene ésuk i éhin búwisenum beenokoore n'éndakakureŋ yeenufanee i yéeni ni kábura, abe bare n'eroŋ.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

Májiye 26:41

Áriheelin féet, abe n'arilaw kaanuku man atum'ariney ti kaahoofoor. Ñúwejet ñoonuun iŋi ñímaŋi káhinu ajakee, bare siniuun sibajut sembe sondu.

Májiye 24:14

Hirim hondu Heetoofe hu hite *Jáyi jite Atambatun kawaaree t'etaam i ereyi fe, kaanuku ésuk i fe keejam ho. N'aŋ'atik áami kamoosen kite etaam i.

Eleetar i yi Pool akiñje i bakate ku Rom 1:8

Iijab eene Atambatun úuma eyeehen uŋu hoonuun hu arireyi fe, iŋaasan bo ti Yesu *Kiris, ábuki káyilen koonuun kijamajamo t'etaam i fe.

Kafeeñal ku 11:10

Bakate ku t'etaam i kasaŋgoor naane iŋ'ite eket ite bákasuba kondu. Boko katoofan, abe n'iŋi kawunoor buroon aŋarkeyi naane *eyiŋana yite Atambatun bákasuba kondu kéelaamaniin ku iŋkut káyemi.

Mark 14:9

Iisokuun bifeeneŋ bu: tánotan fe t'etaam ye ti Hirim Heetoofe hu hiyakee du kawaare, ésuk i kasoku b'anaare onde áhine bee kaanuku iŋi kabin kábaŋinoo.

Hirim Heetoofe hu hi Luk akiñje hu 2:1

Kóŋkeyin, Ogist *áyi ómbokun eeemo u *Rom, n'aane bakate búsuk beejame bu te o fe káhin kuruwu kooniin keekiñjee.

Saak 3:12

Níndiif áyinooni fíya kabuku bihemb, kújakuwe? Núfuuf áyinooni fíya kabuku bíndiif? Káabulanu kite móhujo meehire kiyinaat kánuutanna móhujo míniina.

Saaŋ 17:6

«Bakan k'a̱jifane ku t'etaam ye a̱awunamiin, íhiniinhin kéemeyii. Bákuuwe ku yéeni. N'a̱wunamiin, abe ni kájeŋgin hirim húuwe.

2 Timote 2:12

Uf'úmuñ ti sílaam su, úne káyemi yooŋ bákayi n'akina. Uf'úteñekoo, o yooŋ biteñeko úne.

Kafeeñal ku 3:8

ímoomi buroon b'á̱hine bu fe. Ímoomi kaanuku a̱bajut sembe, bare á̱jeŋginajeŋgin hirim húuma, abe a̱teñekeitam. A̱juk, ífeŋginifeŋgin karuŋ k'an ayinaat kafeŋku.

Kafeeñal ku 14:6

N'ijuk ake amalaka tu búwiito, abe aliŋanaliŋan. Ákooki Hirim Heetoofe héehabanaariit hite kawaare bakate ku t'etaam i fe: bakate biheet bánoban, nu búsuk bánoban, ni bakate kíhaminiin kánokan, ni bakan kánokan.

Kafeeñal ku 16:14

Diyu ñúwejet ñite Setani ñiññi ñíhin buroon beehaŋe bu ésuk i kikaw. Ñúwejet ñondu t'éhaaji te ño ni ñija ti bákayi kite etaam i fe kaanuku ñeekuukaniin bija bite hitiik hu, tu hunak hómbokun hite h'Atambatun eehaŋe u ebaja sembe.

Kafeeñal ku 17:2

Bákayi kite etaam i kaŋotaŋot ne o, ésuk i yooŋ éhujahujo ébiñ yeene yite bufurukato bu eyak éwusan.