Kafeeñal ku 21:8 - Kwatay (Kuwaataay)

⁸ Bare bukoloow bu, ni kéeyilenut ku, ni kiŋki káhin buroon béekojie bu, ni kiŋki kayool bakan, ni kiŋki kaŋot ni bakan ki kaseñeit ku, n'élugusa i, ni kiŋki kásukaay ñúwisenum ñu, n'ejuusa i fe, boko káyemi ti han héesufe-sufe hu hite sineemak su n'efor i. Ho heemo fu eket ésooboriyan i.

Kafeeñal ku 21:8 Referans Kwoze

Kafeeñal ku 2:11

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, eket ésooboriyan i et'émiño.»

Kafeeñal ku 22:15

Bare kiŋki káhin meejakut mu, n'élugusa i, ni kiŋki kaŋot ni bakan ki kaseñeit ku, ni kiŋki kayool bakan, ni kiŋki kásukaay ñúwisenum ñu, n'ejuusa i fe kiŋki kámaŋi buroon bite haajuus hu, boko káyemi tíyaŋ!

1 Saaŋ 3:15

An fe eehuufe at'o, an ondu ayoola bakan. Abe árimoomi kaanuku ayoola bakan abajut te o buroŋ béehabanaariit bu.

Kafeeñal ku 19:20

Éndakakureŋ i n'ejokee, yo n'an u aa ajuus aane akina *ayiŋana ite Atambatun, eebine u áhin buroon beehaŋe bu ésuk i kikaw tu buhooŋu éndakakureŋ i. (Nu bondu beehaŋe bu ésuk i kikaw n'abuute fu bakan kéeyekie ku ékeetanuma yite éndakakureŋ i, abe n'iŋi kásukaay búwisenum bite te yo.) Éndakakureŋ i n'an u aa ajuus aane akina ayiŋana ite Atambatun ni káfiitenee bároŋari ti han hite sineemak su n'efor yéesufe i.

Esuwif i 13:4

Huruw fe aja áhin nu múniyo ti biseño bu: ániine u araan t'anaare u, anaare u yooŋ n'araan t'ániine u. Ábuki Atambatun kajoonan kiŋki kaŋot ti kaseñoorut, ni kiŋki kaŋot ni bakan ki kaseñeit.

1 Timote 4:2

Boko kawasu ñatuuk ñu ñeeemo ñu ejuusa ñeebuutiin; ñatuuk ñondu, siheliin siketaket kite so súsufee ni mañ méesufanee miyak milaañ jif.

Májiye 8:26

Yesu n'aaniin: —Iŋi naŋ n'árikoleyie fu? Káyilen koonuun kítetia teereŋ! Náami eerito, abe n'akamoor t'eyam i ni ti han hu. N'asooñ akoowanee kem.

Kafeeñal ku 9:21

Bokondu kawatanooreit yooŋ naane kayoole i bakan, ni naane ii kálugus, ni naane ii kaŋot ni bakan ki kaseñeit, ni naane ii kákuwat.

Saaŋ 8:44

Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

Májiye 10:28

Atum'árikoleyi kiŋki kayool eni i, abe kayinaat kayoolu yaan i. Ho húkoyie árikoleyi Atambatun eeemo u áyinooni kábuju eni i ni yaan i sambuun.

1 Saaŋ 2:22

Kame aañ aamo fu ajuusa u? O aamo fu an eejeeŋe u kaanuku Yesu aamo fu Kiris. An ondu aamo fu Anatoora ite Kiris, abe ateñekateñeko Faaf u n'Añi u.

1 Saaŋ 5:10

Náami an éeyilene u t'Añi ite Atambatun anaŋa t'eholo kaseede konde. Bare an éeyilenut u t'Atambatun ajokojok ajuusa, ábuki áyilenut b'Atambatun aseede bu t'Añio.

Kafeeñal ku 2:2

ímoomi buroon b'á̱hine bu bireyi fe, ni naane aa á̱miñooro tu burok, ni naane aa á̱muñ yooŋ. Ímoomi kaanuku a̱yinaat kakinu ni bakan keejakut ku. A̱jondomanajondoman yooŋ jak ti kiŋki kaane boko kaamo *epotor ayak a̱juk kaanuku nu múniyoiit, boko kajuuse.

2 Tesalonik 2:9

Ánafuta u bibin ni sembe site Setani, abe o káhinu buroon bómbokun beehaŋe ésuk i kikaw kaanuku eebuutiin.

Esuwif i 12:24

Arilohaloh Kiris eesiiŋee u t'etut Atambatun nu kúŋgowulan ku, ti *kaajamoor kíyeni ku k'ajamoore ku nu boko. Arilohaloh yooŋ halan hoone héeyuusee hu, hihi híhamin hihaŋ hite hu *Abel héekandijene hu hunukan.

Eleetar i yi Pool akiñje i Tit 1:16

Iŋi kaane kámoomi Atambatun, bare kinij kooniin kúwufoorawufoor kaanuku tókoiit. Káhuufunanahuufunani, kájeŋginaariit Atambatun, abe yooŋ kayinaat káhinu mayet bifeeneŋ beejake.

Kafeeñal ku 9:17

Ti beefeeñam bii, iye i ijuke fu bifaliñj bu ni keerabee ku te bo: kasiimasiimo sibaŋgal seelaañe jif naane sineemak, nu súbulool naane bufor beejaaŋe, abe nu surombaay naane efor yéetife toko-toko. Kikaw kite bifaliñj bu kunokooranokoor ni kikaw kite bíŋaŋ, abe sineemak ufu súnuutin tu ñutum ñite te bo, ni hárunda, n'efor yéesufe.

Kafeeñal ku 14:10

o yooŋ búhujo ébiñ ite Atambatun yite i kane ayiŋat! Ébiñ yendu káyunanee t'ejoofutee t'ekot ite Atambatun yite i kane ayiŋat. Kiŋki kanij ii fe káhihinooree ti sineemak su n'efor yéesufe i tu buhooŋu emalaka i keenabe ku n'Ametek u.

Kafeeñal ku 21:27

Bare doon fe *deekuurut utu duyooso toko, n'an fe aŋ'áhin buroon béekojie, man yooŋ n'aŋ'ajuus. Keeemo ku kuruwu kooniin kikiñjee fu ti kaawiit kite buroŋ bu taŋ, kite k'Ametek u kaja fu buyooso ti hikinu hondu.

Májiye 25:25

Íkolakoleyi kaanuku sírirem súuwe n'uŋu sútowuto; náami iiwak íinuus so. A̱juk, a̱yi sírirem súuwe.”