Kafeeñal ku 20:2 - Kwatay (Kuwaataay)

² N'ajok éjufuur i, doon dúbuunaay dihaan du dindi kaane Batuuk bu man yooŋ Setani, abe n'afaak yo ni baasel bu bija simit éñjune.

Kafeeñal ku 20:2 Referans Kwoze

2 Piyeer 2:4

Múniyo Atambatun ayubiyenut emalaka i keehoofoore ku; áfiiteniinfiiten ti kaayeen kéesulie-sulie ku ti kafaakee du t'ébaani i túruk bija tu hunak hite Kajoonan ku.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Eleetar i yi Sud akiñje i 1:6

Áribaŋino yooŋ emalaka i kéemaŋiit ku biriiko t'Atambatun anaŋiin du yéeni, kayak kánuutin toko ti kakine du. Atambatun n'ajokiin, abe n'afaakiin ni ñaasel hiraanu. Ahaban, n'anaŋiin t'ébaani i bija tu Hunak hómbokun hu hi kayak hu kajoonanee.

Saaŋ 12:31

Kajoonan kite bakate ku t'etaam ye kireeŋa; kákutoor kite Setani aseef ite te yo kireeŋa yooŋ.

1 Piyeer 5:8

Arijok kikawuun, abe n'áriwasiyoor! Ábuki anatoora oonuun Setani ondu ti kañaahoor naane éŋaŋ ti kanuuru kep, hiŋes aañ a aware fu kateŋu.

Esuwif i 2:14

Náami makamu bokondu bakan keebaje kihaay ni halan, akina yooŋ n'abin éeyemi húŋgowulan naane boko. Áhinahin iyu kaanuku man t'eket yeene n'ábuj sembe site Setani éeyekie u sembe site kayoolu bakan.

Eleetar i yi Pool akiñje i bakate ku Rom 16:20

Atambatun aa awun káasuumaay ku karebejaroor memee Setani tu wuwotuun. Anahaan ite úne Yesu aja ásoniyanuun!

Saaŋ 16:11

Kabuutabuut kikawiin ti majoonanar mite Faaf u, ábuki aseef ite etaam ye ajoonanee ahaban.

Kafeeñal ku 13:2

Éndakakureŋ y'ijuke i ejaja kanokoor n'esaamaay. Wuwot wute te yo nu wúyemi naane wute kandaafaan, abe butum bite te yo naane bite éŋaŋ. Éjufuur i n'ésik ti sembe site te yo, n'eriikeey ite te yo yite híyiaate hu esaan éndakakureŋ yendu.

Kafeeñal ku 12:17

Éjufuur i n'eyiŋat t'anaare u dómbokun, abe n'eja yeetiik bakañio keeŋeñene ku. Boko kaamo fu kéejeŋgine ku buluwa bite Atambatun, abe ni kajok yooŋ tu múniyo mi Yesu áwufoore mu.

Kafeeñal ku 12:15

Doon du ni dísajin móhujo úkaan naane kaayelu inde hiñaawu anaare u kaanuku man ni miñakoo.

Kafeeñal ku 12:13

H'éjufuur i ejuke hu kaanuku éfiiteneefiiten t'etaam i, n'eteyoor n'anaare éeyihinee u añi ahaawa u.

Mark 5:7

Yesu n'aŋ'aane toko: —Erab ye, a̱nuut t'ániine ondu! Ániine u n'ataŋk t'etiir aane: —Yesu, Añi ite Atambatun eeemo u t'etiir-t'etiir, kame baŋka wane? Íiwasiyani tu huruwu hite Atambatun, atum'á̱hihinooram!

Májiye 8:29

Náami keetaŋk t'etiir kaane: —Añi ite Atambatun, kame baŋka úne? Káhihinoor uni k'a̱bine fu t'ewahatu i ereeŋoorut?

Kafeeñal ku 13:4

Kareyi fe ni kásukaay éjufuur i, ábuki ésikasik ti sembe site te yo esaan éndakakureŋ i. Ni kásukaay yooŋ éndakakureŋ i ti kaanu: «Aañ aamo naane éndakakureŋ i? Aañ ayino kalobu ne yo?»

Kafeeñal ku 9:11

Áyi ite te bo aamo fu amalaka eesaanee u kaayeen kéesulie-sulie ku; huruwu hoone ti kíhaminiin kite Esuwif i «Abadon», ti *kigerekaay «Apoliyoŋ» (aamo fu «Ábuja u»).

Májiye 19:29

Bakan ifi kawas sunuuf sooniin, man yooŋ bakatiiin, bákaniiniin, sifaafiin, síñaayiin, bakañiiin, ni kitaaŋaat kooniin uŋu húuma hu, boko kabaju buroon bondu kireeŋ téemeer, abe n'iŋi kawunee yooŋ buroŋ béehabanaariit bu.

Mark 4:15

Bakaake kámoomi naane ñijinu ñu ti sinawaay su sineye du. Ifi kajam hirim hu kep, Setani n'aŋ'abin eenuutan ho ti siheliin.

Kafeeñal ku 12:3

Bike yooŋ bómbokun ni bíŋaasin t'etiir bufor bu: kame fu éjufuur yómbokun abe yeelaañe jif. Ebajabaj kikaw keemo hutok nu kúsuba, nu wusiin weemo sumoŋu, abe hikaw-kaw fe husolasol ékuhe yite híyiaate.

Kafeeñal ku 12:4

N'efeew efej efeeneŋ ti síhaaji site búloofiiloof bu ni hiyet hite te yo éfiiten t'etaam i. N'esiiŋo hágila anaare éeyemie u ti bíyihino bu kaanuku yeebin yeeteŋ alekej oone kane áyihinoo.

Kafeeñal ku 20:7

Simit su éñjune i ifi sihabano, Setani n'aŋ'ánuutannee t'ekulu i.

Kafeeñal ku 20:10

Náami Setani aa abuut biheet bu áfiitenee ti han hite sineemak su n'efor yéesufe i, t'éndakakureŋ i éfiitenee du yéeni, yo n'ajuusa eeene u akina *ayiŋana ite Atambatun. Kabaa káhihinooree bújom tujon hiraanu.