Kafeeñal ku 18:10 - Kwatay (Kuwaataay)

¹⁰ Boko bísiiŋeina akambee iŋi ekoloowe sílaam si hikinu hondu hija su kajuku, abe n'iŋi kaane: «Híiña! Híiña! Babilon yómbombokun i yeebaje i sembe, t'ewahatu efeeneŋ taŋ náami Atambatun ajoonani yooŋ?»

Kafeeñal ku 18:10 Referans Kwoze

Kafeeñal ku 18:19

N'iŋi kahor hafor hu ti kikawiin, iŋi kataŋk keeyiy, abe ni kalolobool kaane: «Híiña! Híiña hikinu hómbombokun hu! Ebaj ite bakate bisahar beeemo bu ti han hu fe, t'ebaj ite hikinu hondu t'énuutina fu. T'ewahatu efeeneŋ taŋ, náami húbujaa?»

Kafeeñal ku 18:8

Iŋ'ite ho aamo fu wútaañi wonde wunaŋeenaŋ bija te ho: bujoñjol bu, n'eket i, ni kátiñja ku. Wo kámiñu ho tu hunak hifeeneŋ taŋ, abe sineemak su kásufu ho. Ábuki Atemit, Atambatun eejoonane u ho abajabaj sembe.»

Kafeeñal ku 14:8

Ake amalaka ásooboriyan n'ásein o ti kaanu: «Eneya, *Babilon hikinu hómbombokun hu huhu húhujan yéeni biheet bu fe ébiñ ite bufurukato bite te ho beehahe bu biyak uŋu búwusan, eneya tuus!»

Kafeeñal ku 17:12

«Wusiin wu sumoŋu w'a̱juke wu, diyu bákayi kaamo sumoŋu, abe híyiaate hooniin hisiiŋoorut. Bare boko kabaju sembe site káyemi bákayi n'éndakakureŋ i areeŋ ewahatu.

Kafeeñal ku 11:8

Suhunuŋ sooniin káyemi t'efiñjan ite hikinu hómbokun hu t'Anahaan u abine du atibee *t'ekuruwa i. Iŋi kalokolool hikinu hondu kaane ho *Sodom man yooŋ *Esipt.

Kafeeñal ku 16:19

Hikinu hómbokun hu ni hijeho héehin sifej síhaaji, abe kikinu kite tu búsuk bu fe nu kúbujo. Atambatun n'ábaŋino *Babilon yómbokun i. N'áhujan yo ébiñ ite ekot ite kayiŋat koone kómbokun ku.

Kafeeñal ku 18:18

Hi kajuke hu hárunda hite kásufa kite hikinu hu ni kataŋk kaane: «Hikinu hómbombokun naane hondu húmusut kabaju!»

Kafeeñal ku 18:21

Náami ake amalaka eebaje sembe ásika ejuju yómbokun yeeniŋe naane, abe n'áfiiten yo ti han hu o ti kaanu: «Awe yooŋ Babilon hikinu hómbombokun hu, iyu a a̱yakee fu káfiiten ni sembe, abe an aroŋut káheelin t'awe hikee-kee.