H'Ametek u ase hu kaawiit ku, muroon mibaakiir meeroŋe mu nu músukaayo, mo ni bíhaaniin bu butuman ni bakabaakiir ku. Kareyi fe huruw n'ekondiŋ, ni bitaañ yooŋ bite éwurus beehooje bib *n'ejuraay. Ejuraay yendu yeemo fu kalawu kite bakan kite Atambatun.
N'ijuk naane han heesilane naane eweer, abe ni hígiilool ni sineemak. N'ijuk yooŋ keeriiŋane ku éndakakureŋ i, nu búwisenum bite te yo, ni naane huruwu hite te yo hije i ti kafinu. Kasiiŋasiiŋo ti han hondu heejaaŋe hu naane eweer, abe ni káyekan bukondiŋ b'Atambatun asaaniin bu.
Amalaka atoken u ni bákasuba n'asok ti káabiinu koone. Wuji wómbokun nu wúhamin t'etiir bufor bu weene: «Jáyi jite etaam i jinaŋee hahiye tu sumoŋu Atemit ite úne ni *Kiris a ajifane u, abe híyiaate hondu hite hiraanu!»
An aroŋut kajamu t'awe ake ti káyifu ekondiŋ, man yooŋ an tu kuhooñu, man yooŋ an ti kasoku ti hiñjeŋ, man yooŋ ti káabiinu. Kiŋki káhin yooŋ saama náami burok, an aroŋut káheelin tu boko t'awe. An yooŋ aroŋut kajamu t'awe hítigisu t'etiŋanu.
Eyiŋana yite Atambatun bákasuba ku ni kajam kaaji kómbokun kéehaminna t'etiir bufor bu keeniin: «Árisirein beebe!» Ni kasiro ti kaafor keeja t'etiir bufor bu, enatoora yeeniin iŋi káheelin tu boko.
Bondu buwas, n'ijuk Ametek u n'ákotin húkotanin hítiyar hu tu kúkotanin ku hutok nu kúsuba ku. N'ijam afeeneŋ tu muroon mibaakiir meeroŋe mu n'ataŋk naane karanda aane: «A̱bin!»
Amalaka átiyar u n'asok ti káabiinu koone. Egalas n'ehaŋ énubin t'etaam i yéegiiloole ni sineemak, ni halan. Efej efeeneŋ ti síhaaji site etaam i n'ésufo, efeeneŋ ti síhaaji site ñunukanuk ñu n'ésufo, abe mahos meeleebejane mu fe nu músufo.
If'iŋ'íhamin kíhaminiin kite kúŋgowulan ku, ni kite emalaka i, abe bare kámaŋi an kunooto t'eholam, anokooreenokoor kite íñje éyifu yeeemo ti kafiiŋan, man yooŋ ejiliŋ.