Kafeeñal ku 13:8 - Kwatay (Kuwaataay)

⁸ Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

Kafeeñal ku 13:8 Referans Kwoze

Efees 1:4

T'áwuwanoorut etaam i, ajifanajifan úne ti Kiris kaanuku man n'úyemi bakan keenabe te o, keeyinaatee kawatan tu doon. Makamu ámaŋamaŋi úne,

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Kafeeñal ku 17:8

Éndakakureŋ y'a̱juke i émoomi yéeni buroŋ, bare eŋkut eroŋ. Yo kánuutina ti kaayeen kéesulie-sulie ku, bare yite bútowuto hiraanu. Bakate ku t'etaam i, ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee, bijahale kane kajuk éndakakureŋ i, ábuki émoomi yéeni buroŋ, abe hahiye eŋkut eroŋ, bare yo kásooñina.

Kafeeñal ku 3:5

An fe eeyak kariiŋan, o bisiimo wañ weefañje naane boko. It'itot huruwu hoone ti kaawiit kite buroŋ bu. Íñje kasoku tu buhooŋu Faafam n'emalaka yeene kaanuku akina an úuma.

Eleetar i yi Pool akiñje i Tit 1:2

Iyu, n'uŋu bukuuriin kaanuku boko kabaju buroŋ béehabanaariit bu. Huta hu t'etaam i éwuwanoorutee, Atambatun éejuusaariit u asokasok aane o kawunu úne buroŋ bondu.

Kafeeñal ku 21:27

Bare doon fe *deekuurut utu duyooso toko, n'an fe aŋ'áhin buroon béekojie, man yooŋ n'aŋ'ajuus. Keeemo ku kuruwu kooniin kikiñjee fu ti kaawiit kite buroŋ bu taŋ, kite k'Ametek u kaja fu buyooso ti hikinu hondu.

Kafeeñal ku 5:12

Iŋi kahooñ kataŋk kaane: «Ametek éemootaaniee u ajare fu káyeki sembe su, n'ebaj i, nu búwesinato bu, ni kámaki ku, nu kusokorooru ku, ni kániku ku, nu kuhooñu ku!»

Saaŋ 1:29

Tifiit, Saaŋ n'ajuk Yesu ti bibin ásooñann nu boone. N'aane: —O onde, Ametek ite Atambatun aa anuutan wuhoofoor wute ésuk i.

Hirim Heetoofe hu hi Luk akiñje hu 10:20

Naane kuruwu koonuun kikiñjee i ti kaawiit kite Atambatun t'etiir bufor bu, h'ariware fu kahaŋu kasaŋgoor naane sirab su ii sijam t'aruun.

Fílip 4:3

Awe yooŋ eeemo u burok wane bifeeneŋ, waasi, á̱yokunan haare hondu t'ésubaiin, íñje ilawi. Ábuki uni íriyemie fu t'étuum i t'afeeneŋ kaanuku Hirim Heetoofe hu heejamo, uni Kilemoŋiin, ni bakaaku bákawiyam fe kiŋki karok n'íñje. Atambatun akiñjakiñj kuruwu kooniin ti kaawiit koone kite buroŋ bu.

Kafeeñal ku 3:20

A̱jam, iŋ'isiiŋo ti karuŋ ku, abe n'ikoŋkoŋan. An af'ajam kaajiam abe n'áfeŋgin, íñje buyooso te o iriiñoofo t'afeeneŋ.

Kafeeñal ku 3:10

Makamu á̱jeŋginajeŋgin hirim h'isoki hu hite kaanuku á̱muñ ti sílaam su, ifin íñje yooŋ, íñje kajukari ti sílaam seebin su t'aduna i ereyi fe. Sílaam sondu kabaju kaanuku t'ajuk buŋ bu kúŋgowulan ku kaamo fu ariike.

Kafeeñal ku 12:15

Doon du ni dísajin móhujo úkaan naane kaayelu inde hiñaawu anaare u kaanuku man ni miñakoo.

Kafeeñal ku 5:13

N'ijam yooŋ buroon bu fe beeemo bu t'etiir bufor bu, ni t'etaam i, ni t'éhinda etaam i, ni ti kan ku, buroon beeemo bu t'aduna i fe ti kahooñu iŋi beene: «An eeriikee u t'eriikeey ite híyiaate hu, n'Ametek u kaja kákini hiraanu kuhooñu ku, nu kusokorooru ku, ni kániku ku, ni sembe su!»

Kafeeñal ku 6:1

Bondu buwas, n'ijuk Ametek u n'ákotin húkotanin hítiyar hu tu kúkotanin ku hutok nu kúsuba ku. N'ijam afeeneŋ tu muroon mibaakiir meeroŋe mu n'ataŋk naane karanda aane: «A̱bin!»

Kafeeñal ku 13:12

Ebajabaj sembe site éndakakureŋ étiyar i, abe eŋ'enij ne so tu buhooŋu yo. N'enoŋkooran etaam i ni keekine ku te yo kéesukaay éndakakureŋ étiyar i yeejooŋee i yéeni, abe esontaay i n'ebin etulujo.