Kafeeñal ku 12:4 - Kwatay (Kuwaataay)

⁴ N'efeew efej efeeneŋ ti síhaaji site búloofiiloof bu ni hiyet hite te yo éfiiten t'etaam i. N'esiiŋo hágila anaare éeyemie u ti bíyihino bu kaanuku yeebin yeeteŋ alekej oone kane áyihinoo.

Kafeeñal ku 12:4 Referans Kwoze

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Saaŋ 8:44

Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

Kafeeñal ku 9:19

Ábuki sembe site bifaliñj bu sondu tu ñutum ñite te bo, ni ti kiyet kite te bo. Kiyet kite te bo naane ñuroon. Kibajabaj kikaw, abe ne ko ni bifaliñj bu ifi bíhin t'áseñji tu kúŋgowulan ku.

Kafeeñal ku 9:10

Bibajabaj kiyet keebaje wubetu naane wute bilaŋguut bu, abe ti kiyet kite te bo ti bibaje fu sembe site káhinu ku ésuk i t'áseñji tu boko areeŋ kiim hutok.

Kafeeñal ku 8:7

Amalaka átiyar u n'asok ti káabiinu koone. Egalas n'ehaŋ énubin t'etaam i yéegiiloole ni sineemak, ni halan. Efej efeeneŋ ti síhaaji site etaam i n'ésufo, efeeneŋ ti síhaaji site ñunukanuk ñu n'ésufo, abe mahos meeleebejane mu fe nu músufo.

1 Piyeer 5:8

Arijok kikawuun, abe n'áriwasiyoor! Ábuki anatoora oonuun Setani ondu ti kañaahoor naane éŋaŋ ti kanuuru kep, hiŋes aañ a aware fu kateŋu.

Kafeeñal ku 17:18

«Abe anaare ondu a a̱juke u, o aamo fu hikinu heebaje hu sembe ti bákayi kite etaam i.»

Kafeeñal ku 8:8

Amalaka ásooboriyan u n'asok ti káabiinu koone. Dike doon naane hirij hómbombokun héetife ni dífiitenee ti han hu. Efej efeeneŋ ti síhaaji site han hu n'ehosanooro halan.

Kafeeñal ku 8:9

Efeeneŋ ti síhaaji site buroon bite ti han hu beebaje bu síhiinu n'eket, efeeneŋ yooŋ ti síhaaji site bisahar bu n'ébujo.

Kafeeñal ku 8:10

Amalaka áhaajiyan u n'asok ti káabiinu koone. Káaloofiiloof kómbokun kéetife naane híit ni kíneyin tu bufor bu. Ni kiney t'efej efeeneŋ ti síhaaji site móhujo míniina fe.

Kafeeñal ku 8:11

(Káaloofiiloof kondu huruwu hite te ko Kátiku.) Efej efeeneŋ ti síhaaji site móhujo mu fe n'étik, abe bakan keehooje-hooj ni kaket iŋi naane káhujee i tu móhujo mu, ábuki mítikatik.

Kafeeñal ku 8:12

Amalaka ábaakiiriyan u n'asok ti káabiinu koone. Efej efeeneŋ ti síhaaji site taanak tu n'émiñee, n'efeeneŋ ti síhaaji site hiim hu, n'efeeneŋ ti síhaaji site búloofiiloof bu, ayak abin áami efej efeeneŋ ti síhaaji site buroon bondu ébaania. T'efej efeeneŋ ti síhaaji site hunak hu, ajaaŋutee naane aa afiy ajaaŋee, bija yooŋ huhuk hu fe.

Kafeeñal ku 12:7

Náami hitiik hibaja t'etiir bufor bu. Misel n'emalaka yeene ni katiik éjufuur i, éjufuur i n'ésiiŋein n'emalaka yite te yo keetiik nu boko.

Kafeeñal ku 13:2

Éndakakureŋ y'ijuke i ejaja kanokoor n'esaamaay. Wuwot wute te yo nu wúyemi naane wute kandaafaan, abe butum bite te yo naane bite éŋaŋ. Éjufuur i n'ésik ti sembe site te yo, n'eriikeey ite te yo yite híyiaate hu esaan éndakakureŋ yendu.

Kafeeñal ku 13:4

Kareyi fe ni kásukaay éjufuur i, ábuki ésikasik ti sembe site te yo esaan éndakakureŋ i. Ni kásukaay yooŋ éndakakureŋ i ti kaanu: «Aañ aamo naane éndakakureŋ i? Aañ ayino kalobu ne yo?»

Kafeeñal ku 16:13

N'ijuk sirab síhaaji seenokoore nu buhoon nu súnuutin, eke tu butum bite éjufuur i, eke tu butum bite éndakakureŋ i, eke tu butum bite an u aa ajuus aane akina ayiŋana ite Atambatun.

Kafeeñal ku 20:2

N'ajok éjufuur i, doon dúbuunaay dihaan du dindi kaane Batuuk bu man yooŋ Setani, abe n'afaak yo ni baasel bu bija simit éñjune.