Kafeeñal ku 12:1 - Kwatay (Kuwaataay)

¹ Bike bómbokun ni bíŋaasin t'etiir bufor bu: anaare eesiimee taanak tu naane an aa asiimo wañ. Hiim hu húmoomi t'etaam wuwoto, abe asolasol ékuhe yite híyiaate yéeyekie wúloofiiloof weemo sumoŋu nu wúsuba.

Kafeeñal ku 12:1 Referans Kwoze

Hirim Heetoofe hu hi Luk akiñje hu 21:25

—Bike kajukiee ti taanak tu, ni ti hiim hu, nu tu búloofiiloof bu. T'etaam ye, han hu karitan, kúsuw ku yooŋ kátumbu uŋu kuwen, ésuk i ereyi fe eyak eŋ'ékoleyi naane.

Efees 5:32

Bike bómbokun béenuusee bondu ti kirim konde k'isoke kee memee iŋ'ite hu Kiris ni kéeyilene ku.

Mark 13:25

búloofiiloof bu káneyina, abe sembe site t'etiir buyoŋoŋanooro.

Hirim Heetoofe hu hi Luk akiñje hu 21:11

Etaam i buyoŋoŋanooro tu búsuk beehooje, bujoñjol kabaju, nu wúsomut yooŋ. Buroon béetumbe búkolinani naane káŋaasina tu bufor bu.

Kafeeñal ku 21:23

Hikinu hu hisawuleit taanak tu tijaaŋan ho, man yooŋ hiim hu, ábuki kániku kite Atambatun iŋi kijaaŋan ho, abe Ametek u aamo fu ejaaŋana yite te ho.

Kafeeñal ku 15:1

Bondu buwas, n'isooñ ijuk t'etiir bufor bu bike bómbokun beejahalam: emalaka kaamo hutok ni bákasuba keejoke wútaañi weemo hutok nu wúsuba. Wútaañi wondu weemo fu wuraanu wu, ábuki ne wo n'Atambatun aja fu karaan kayiŋat ku.

Kafeeñal ku 12:3

Bike yooŋ bómbokun ni bíŋaasin t'etiir bufor bu: kame fu éjufuur yómbokun abe yeelaañe jif. Ebajabaj kikaw keemo hutok nu kúsuba, nu wusiin weemo sumoŋu, abe hikaw-kaw fe husolasol ékuhe yite híyiaate.

Kafeeñal ku 11:19

Kahaban, enuuf ite Atambatun yeeemo i t'etiir bufor bu n'éfeŋgino, abe ekees yéewufoore i *kaajamoor k'Atambatun áhine ku ni bakan koone n'ejukee t'enuuf yeene. Etiir i n'esib, n'awen toko, biranda bu nu busok, etaam i n'eyoŋoŋanooro, egalas yooŋ n'énubin.

Epotor i 2:19

Íñje káhinu t'etiir tu bufor bu buroon beejahale ésuk i, abe t'etaam i, n'íhin buroon beehaŋiin kikaw: kabaju halan, ni sineemak, ni hárunda heehahe,

Májiye 24:30

Náami éluwenuma yite *Añi ute Húŋgowulan hu káŋaasina tu bufor bu. Ésuk i ereyi fe kalolobool, abe n'iŋi kajuk Añi ute Húŋgowulan hu ti bibin tu bufor bu ni sembe, o káanikin naane.

Galasi 6:14

Íñje bare, ekuruwa yite Anahaan ite úne Yesu Kiris taŋ y'ija fu kamaku. Eket yeene t'ekuruwa i ékinineŋe fu n'ijok buroon bite aduna i naane beekete, bo yooŋ nu bujokam naane an eekete.

Májiye 12:38

Náami bakaake *t'émuse yite Eluwa yite Moyis, ni bakaake *t'Efarisiyeŋ i ni kaane Yesu: —Ámuse u, írimaŋamaŋi á̱hin bike beehaŋe uni kikaw, beekuur uni kaanuku Atambatun áboñini fu.

Kafeeñal ku 21:14

Hiñaan heeŋoloole hu hikinu hu hisiiŋasiiŋo tu sujuju seemo sumoŋu nu súsuba, abe kakiñjakiñj te so kuruwu kite *epotor i sumoŋu ni bákasuba ku bakate Ametek u.

Kafeeñal ku 1:20

Wúloofiiloof wu hutok nu wúsuba wu w'a̱juke wu t'emoŋiam yaatos i, ni báanaŋum bite búrundoora bu hutok nu súsuba su bite éwurus i, iye i bije fu: wúloofiiloof wu hutok nu wúsuba wu weemo fu emalaka yite kéeyilene ku ti kikinu keemo hutok nu kúsuba; báanaŋum bite búrundoora bu hutok nu súsuba su ni bíyemi kéeyilene ku ti kikinu keemo hutok nu kúsuba.

Galasi 3:27

Aruun fe *keebostee ku tu huruwu hite Kiris, áriyemia naane akina humuumo.

2 Korent 11:2

Ítumbatumba ífiir t'aruun káfiiru kéenuutina t'Atambatun. Ábuki isibaruunsibar bija t'ániine afeeneŋ eeemo u *Kiris, abe n'ímaŋi kaanuku huyoosan hu ifi hireeŋ, n'iŋ'isaanuuno naane ásuŋgute éemeyiit ániine, abe n'akuur but.

Eleetar i yi Pool akiñje i bakate ku Rom 3:22

Kéejube ku t'Atambatun kaamo fu bakan ku fe kéeyilene ku ti Yesu *Kiris. Te o, kúŋgowulan ku kawayeit,

Saaŋ 3:29

Eeman kereŋ an eesee akino fu anaar'o? Bare ajak u, akina aa asiiŋo kaagoroor n'an eesee u, eejam naane aa asok, aŋ'atoofan dómbokun naane aa ajam kaaji koone. Katoofu kondu yooŋ keemo fu t'íñje, abe itoofanatoofan íhabanein.

Eleetar i yi Pool akiñje i bakate ku Rom 13:14

Arisolo Anahaan u Yesu Kiris, abe atum'aŋk'ariwas wúfaŋi woonuun weejakut wu weetiŋguun ti meejakut mu.

Galasi 4:26

Bare kaajamoor kúsooboriyan ku keemo fu Serusalem yite i t'etiir. Enooto tu húsukateenaate, abe yo eemo fu íñaay úne.