Kafeeñal ku 10:5 - Kwatay (Kuwaataay)

⁵ Náami amalaka i ijuke u t'asiiŋee kike kuwoto ti han hu, kaaku t'etaam i, n'ayit emoŋio yaatos i t'etiir,

Kafeeñal ku 10:5 Referans Kwoze

Kafeeñal ku 16:17

Amalaka atoken u ni bákasuba n'áyuus ekot yeene t'eyam i. Kaaji kómbokun ni kíhaminn t'enuuf ite Atambatun, t'eriikeey ite híyiaate hu keene: «Hahiyu ahabanee!»

Kafeeñal ku 14:7

N'aŋ'ataŋk t'etiir aane: «Árikoleyi Atambatun, abe n'árinikano! Ábuki ewahatu y'aja i kajoonan kite kúŋgowulan ku ereeŋa. Árisukaay an éewuwane u bufor bu, n'etaam i, ni han hu, ni tánotan fe tu móhujo míniina meemo!»

Kafeeñal ku 10:2

Áyekanayekan t'emoŋio awiit éefeŋginee. N'asiiŋan kuwoto kaatos ku ti han hu, kaamay ku t'etaam i.

Kafeeñal ku 4:11

«Atemit, Atambatun ite uni, awe a̱jare fu káyeki kániku ku, nu kusokorooru ku, ni sembe su. Ábuki awe á̱wuwane fu buroon bu fe, abe ti kámaŋi kúuwe tu búwuwanee fu beebaj.»

Epotor i 14:15

—Kújakuwe, kame iŋi naŋ n'árihin fii? Uni fu yooŋ kúŋgowulan naane aruun. Uni iribinuun ni Hirim Heetoofe hu kaanuku ariiwasan kimiile kondu keebajut kii éñjeriŋ, áriiwuŋgan inde Atambatun eeemo u buroŋ, éewuwane u bufor bu, n'etaam i, ni han hu, nu buroon beeemo bu toko fe.

Kafeeñal ku 4:9

Muroon mibaakiir mondu meeroŋe mu uŋu muhooñ an eeriikee u t'eriikeey ite híyiaate hu eeemo u buroŋ hiraanu, kaanuku méenikano, meesokorooro, meeeno eyeehen.

Kafeeñal ku 1:18

Íñj'eemo fu an eeemo u buroŋ. Íketaanaketaani, bare hahiye íñj'endu buroŋ hiraanu. Íñje íyekie fu sijaab site eket i, ni site ti keekete ku tindi kaja.

Esuwif i 6:13

H'Atambatun abine hu asok *Aburaham aano o káhinu bike bija te o, awaatawaat tu huruwu hoone akina humuumo, ábuki abajut an eehaŋo a ayino kawaatu tu huruwu hoone.

Eleetar i yi Pool akiñje i bakate ku Rom 1:20

Múniyo huta h'etaam i eŋ'ebin éwuwanee, béejukaariitee bite b'Atambatun, butum sembe soone séehabanaariit su, ni naane aamo i akina humuumo Atambatun, bondu fe uŋu bujukee féet kane újondoman tu buroon b'áwuwane bu. Náami bakan kondu iŋkut kabaj bi kaware bukuuso te bo hágila Atambatun,

Epotor i 17:23

Ábuki h'iñaahoore hu ti hikinu hoonuun, ijukajuk hike ti kimiile koonuun, abe bonde bikiñjee fu toko: «Bija t'ake atambatun éemeyiitee.» Bamb'árisukaay ii t'árimeyiit bo, bo b'ibine fee kasokuuun.