Kafeeñal ku 1:6 - Kwatay (Kuwaataay)

⁶ Áhinahin úne núuyemi bakan bakate ti jáyi joone. Áhinahin úne yooŋ núuyemi éhina *wusarah bija t'Atambatun Faafo. Yesu Kiris aja ákini hiraanu kániku ku ni sembe su! Amiin.

Kafeeñal ku 1:6 Referans Kwoze

Kafeeñal ku 5:10

Á̱hiniinhin kéeyemi bakan kúuwe, n'éhina *wusarah bija t'Atambatun ite úne, abe boko káyemi bákayi kite etaam i.»

Kafeeñal ku 20:6

Atoof ti keeyak ku karitanee ti bíriteina bítiyar bondu bite t'eket i. Boko bakan bakate Atambatun! Eket ésooboriyan i et'éyini tu boko doon. Boko káyemi éhina *wusarah bakate Atambatun ni Kiris, abe ni káyemi bákayi ni Kiris bija simit éñjune.

Eleetar i yi Pool akiñje i bakate ku Rom 11:36

Ábuki doon areyi fe, akina áwuwane fu do, akina yooŋ ajoke fu doon areyi fe, abe doon areyi fe dibajabaj bija te o. Aja ákini kániku ku hiraanu! Amiin.

Kafeeñal ku 4:11

«Atemit, Atambatun ite uni, awe a̱jare fu káyeki kániku ku, nu kusokorooru ku, ni sembe su. Ábuki awe á̱wuwane fu buroon bu fe, abe ti kámaŋi kúuwe tu búwuwanee fu beebaj.»

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.

1 Piyeer 4:11

An eeemo ti kawaare awarawar kasoku kirim kite Atambatun. An eeemo ti káyokunan ake awarawar káhabanna sembe s'Atambatun awuno su, kaanuku man tu buroon bu fe Atambatun n'asokorooree iŋ'ite hu Yesu *Kiris. Kániku ku kíyemi koone ku hiraanu, ni sembe su fe! Amiin.

Fílip 2:11

abe huruw fe n'anoŋk eesok aane Yesu Kiris aamo fu Anahaan u; iyu Atambatun Faaf u n'aŋ'asokorooree.

Eleetar i yi Pool akiñje i bakate ku Rom 15:6

man arireyi fe n'árihin kaaji kifeeneŋ ariisokoroor Atambatun, Faaf ite Anahaan ite úne Yesu Kiris.

Saaŋ 5:23

kaanuku man ésuk i fe ni kájeŋgin Añi u naane kájeŋgine i Faaf u. An éejeŋginut u Añi u, ájeŋginut yooŋ Faaf u éeboñino u.

Májiye 6:13

Abe atum'a̱was uni iriiñakee ti kaahoofoor, bare a̱ram uni ti Setani.”

1 Timote 6:16

O taŋ áketaariit fu. Akinakin ti meejaaŋe m'an ayinaat kalohu. An ámusuto kajuku, abe an yooŋ ayinaato kajuku. Aja ákini hiraanu kániku ku, ni sembe su! Amiin.

1 Piyeer 5:11

Sembe su síyemi soone su ko kireyi fe! Amiin.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.