Galasi 4:9 - Kwatay (Kuwaataay)

⁹ Bare hahiye naane árimeyie i Atambatun, man yooŋ iwarawar kaanu Atambatun ámeyiuun fu, buŋ b'arisooñe fu ariweteko iyu áriijeŋgin ñúwejet ñeebajut sembe, abe yooŋ ñibajut éñjeriŋ? Butum árimaŋamaŋi kasooñu áriyemi búsukateen bite te ño?

Galasi 4:9 Referans Kwoze

1 Korent 8:3

Bare an éemaŋie u Atambatun, Atambatun ámoomio.

Galasi 3:3

Aruun áritumbut aribaj ii kikaw? Ni sembe site Búwejet bite Atambatun n'arijabe fu; ariihabanoor hahiyu ni sembe soonuun?

Eleetar i yi Pool akiñje i bakate ku Rom 8:3

*Eluwa yite Moyis eyinaat káhinu bondu iŋi kabajaate kite húŋgowulan kite sembe. Bare Atambatun áhinahin bo: áboñinoboñin Añio éeyemi húŋgowulan naane úne ehoofoora i, kaanuku eeram úne ti kaahoofoor ku. Iyu a Atambatun atinane fu kaahoofoor ku kiŋki kinij tu kúŋgowulan ku.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

2 Piyeer 2:20

Ésuk i kafakafak tu wúfaŋi weejakut weeemo wu t'etaam ye aŋarkeyi naane kámoomi Anahaan ite úne Yesu Kiris, *n'Afakana u yooŋ toko. Bare ifi kasooñ kawas wo weehaŋiin sembe, bihabanooro booniin kahaŋu kajakaate naane kanokoore i hítiyar hu.

Esuwif i 7:18

Náami buluwa bítiyar bu bunuutaneenuutan aŋarkeyi naane bibajut sembe, abe yooŋ bibajut éñjeriŋ.

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

Efees 1:17

Iŋ'ilaw Faaf u éenike u, Atambatun ite Anahaan ite úne Yesu *Kiris kaanuku eewunuun Búwejet bite búwesinato, ni bite káwufooruuno, abe ni bíhinuun ariihaŋo kámeyi.

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

1 Korent 13:12

Hahiye uŋ'újuk Atambatun naane ti kaajukooreey keejaaŋut, bare bibin birko, úne kajukio féet. Hahiye ímeyiit Atambatun ihaban, bare bibin birko, íñje kámeyio ihaban, naane akina humuumo ámeyiam i.

Eleetar i yi Pool akiñje i bakate ku Rom 8:29

Ábuki bakan k'asoŋke ku bijifan, asoŋka yooŋ bíhabaneina kaanuku eebin éehiniin keenokoor n'Añio, man Añio n'abin áyemi aneemak ite butoŋ beehooje.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Saaŋ 10:27

Síkarniina súuma iŋi sijamatan kaaji kúuma. Ímoomi so, abe iŋi sisaam ti hiñaawu.

Saaŋ 10:14

Íñj'eemo fu ahaawa eejake u. Ímoomi síkarniina súuma, so yooŋ súmoomiam,

Májiye 11:27

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

1 Korent 15:34

Áribatikann siheluun, abe n'ariwas wuhoofoor wu. Bakaake t'aruun kátumbut kámeyi Atambatun. Iisok bo, man at'arifuño?

2 Korent 11:20

Aŋ'árimuñ kane káhinuun naane búsukateen, ni kane kameruun, ni kane kabuutuun, ni kane kaheebuun, ni kane karofaŋatuun.

Galasi 4:3

Úne yooŋ mo mifeeneŋ mu: h'úyemie hu naane biñi, úmoomi búsukateen bite ñúwejet ñite sembe su ñeeemo ñu t'etaam ye.

Hirim Heetoofe hu hi Luk akiñje hu 5:38

Aaa! Bunuk bíyeni uŋu búyunanee ti bikeen bíyeni!