Galasi 4:5 - Kwatay (Kuwaataay)

⁵ kaanuku eebin eeram bakan k'Eluwa yendu ékinie ku, abe n'áhin úne núuyemi bakañi Atambatun.

Galasi 4:5 Referans Kwoze

Esuwif i 9:15

Iŋ'ite ho hi Kiris asiiŋee fu t'etut Atambatun nu kúŋgowulan ku, ti kaajamoor kíyeni ku k'ajamoore ku nu boko. Áhinahin bondu kaanuku man bakan k'Atambatun aruwe ku ni káyini kabaju ebaj yéehabanaariit i, y'Atambatun aane i o kawunu bakan koone. Boko kabaju yo, ábuki Kiris aketaket, abe eket yeene efakanafakan ésuk i tu wuhoofoor wi káhine wu, boko ti kájeŋgin kite kaajamoor kítiyar ku.

Efees 1:5

n'asoŋk bijifan úne núuyemi bakañio. Ti Yesu Kiris t'aŋaase fu éehin bondu. Iye a ámaŋie fu káhinu aŋarkeyi naane butoofotoof.

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Kafeeñal ku 5:9

Ni kahooñ hunooñu híyeni iŋi kaane Ametek u: «Awe a̱reeŋe fu kásiku kaawiit ku, á̱akotin ko tu kukotanee du. Ábuki a̱mooteemoot yéeni, abe ni halan húuwe n'á̱joohenna fu bakan a̱bin a̱saan Atambatun: bakan bakate búsuk bánoban, ni bakate kíhaminiin kánokan, ni bakan kánokan, ni biheet bánoban.

Esuwif i 9:12

Kiris ayoosayooso t'Anabe-nabe du hifeeneŋ, abe hiraanu yooŋ. Ásikut halan hite kíjigen, ni hite kúruukan éehin kaasarah, bare humuum halan hoone h'ásike fu. Iyu a afakane fu úne hiraanu.

Galasi 3:13

Yesu Kiris áwuumee fu eeram úne t'úware du yéeni káwuumiee iŋi naane újeŋginut i Eluwa i ereyi, ábuki Míkiñjin mu meenaan: «An fe eekobee ti kaaland kite nunukanuk eeyoolee toko, Atambatun káwuumio.»

Eleetar i yi Pool akiñje i bakate ku Rom 8:23

Abe yóiit barebare: úne yooŋ keebaje ku Búwejet Beenabe bu naane bítiyar bu dók tu buroon b'Atambatun aja bu kawunu úne, uŋ'úriŋgan tu suhol site s'úne. Úne bokondu yooŋ ti kanahan ku kaanuku Atambatun éehin úne bakañio nu múniyo, abe n'aram úne áhabanein.

Galasi 4:7

Náami ariroŋut búsukateen, hahiyu aruun bakañio. Abe makamu aruun bakañio, Atambatun kawunuuun ti biŋeñen b'anaŋe bu bija ti bakañio.

Galasi 3:26

Arireyi fe aruun bakañi Atambatun aŋarkeyi naane áriyilenayilen ti Yesu Kiris.

Eleetar i yi Pool akiñje i bakate ku Rom 9:4

Boko bakate *Israyel. Atambatun áhiniinhin kéeyemi bakañio, abe n'áwufooriin yooŋ kániku koone. Ajamoorajamoor nu boko keehooje, abe n'asaaniin Eluwa i, n'áwufooriin yooŋ buŋ bi kawaro fu kalawu, abe n'asokiin b'aja bu káhiniiin.

Saaŋ 1:12

Bare keejoke ku ho áwariee kareyi fe, abe ni káyilen te ho, huwuniinwun sembe kaanuku keebin kéeyemi bakañi Atambatun.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Eleetar i yi Pool akiñje i bakate ku Rom 8:19

Aduna i ereyi fe yeeemo i Atambatun áwuwane fu yo emokena kajuku kóyin k'aja ku káwufoor aañiin kaamo fu bakañio.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Galasi 4:21

Aruun *k'Eluwa yite Moyis ékinie ku, arisokam fee man arijokajok naŋ n'esoke fu.

Hirim Heetoofe hu hi Luk akiñje hu 1:68

—Úsokoroor Atemit, Atambatun ite *Israyel, ábuki áyokunanayokunan bakan koone, abe n'aramiin.

Esuwif i 1:3

Meejaaŋe mite kániku kite Atambatun mujukanajukano te o. Akina átumbe fu áyemi búnokoorum bite Atambatun, abe akina áyekane fu dóonodoon fe ni hirim hoone heebaje hu sembe. H'aamo hu *akuurana kúŋgowulan ku tu wuhoofoor wooniin ahaban, n'ariiko t'etiir bufor bu inde *baatos Atambatun eehahe u.

Májiye 20:28

Iyu yooŋ a *Añi ute Húŋgowulan hu abine fu, káanukiiit eebaj búsukateen, bare kaanuku éeyemi ásukateen, abe n'awun buroŋ boone beejaam man keehooje ni kafak.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

Kafeeñal ku 14:3

Bakan kondu keehooje kii kasiiŋasiiŋo hágila eriikeey ite híyiaate hu, hágila yooŋ muroon mibaakiir meeroŋe mu, ni bíhaaniin bu, abe iŋi kahooñ huhooñu híyeni. An fe ayinaat kaliiken huhooñu hondu, kane arko taŋ bakan kondu súñjune téemeer, nu súñjune bakan bákasuba ni sibaakiir su keejoohenee ku t'etaam i.

Eleetar i yi Pool akiñje i bakate ku Rom 8:14

Ábuki kiŋki kawas Búwejet bite Atambatun béewufooriin bítim bu, bokondu bakañi Atambatun.

Eleetar i yi Pool akiñje i bakate ku Rom 8:15

Abe Búwejet b'Atambatun awunuun bu bíteiit káhinuuun áriiyemi búsukateen, ariisooñ áriyemi bukoloow. Bare Búwejet b'awunuun bu bite káhinuuun áriiyemi bakañio. Bo b'ifi bitiŋg úne núutaŋk úeno: «Aba, Faafa!»

Eleetar i yi Pool akiñje i bakate ku Rom 10:4

Ábuki Kiris ahabanoore fu *Eluwa yite Moyis, kaanuku man kéeyilene ku te o fe, Atambatun n'ajokiin bakan kéejube.