Galasi 4:4 - Kwatay (Kuwaataay)

⁴ Bare h'aamo hu hunak h'Atambatun ajoke hu hireeŋa, n'áboñin Añio, anaare éeyihinoo. N'ákuumanee t'Eluwa yite Moyis

Galasi 4:4 Referans Kwoze

Eleetar i yi Pool akiñje i bakate ku Rom 1:3

Husokasok bite bu Añi oone Yesu Kiris Anahaan ite úne. Abukeebuk naane húŋgowulan tu noota nite áyi u *Dafit, bare h'aritanee hu t'eket i, Búwejet Beenabe bu búwufoorawufoor ni sembe-sembe kaanuku akina Añi ite Atambatun.

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Mark 1:15

Aŋ'aane: —Tireeŋa toko, *Jáyi jite Atambatun júlohenno! Ariwatanooro kinij koonuun keejakut ku, abe n'áriyilen ti Hirim Heetoofe hu!

Saaŋ 3:16

Ábuki Atambatun ahaŋahaŋ kámaŋi ésuk i, ayak awun Añi oone afeeneŋ u, kaanuku an fe éeyilene te o atum'átowuto hiraanu, bare n'abaj buroŋ béehabanaariit bu.

Májiye 1:23

«Arijamatan i! Ásuŋgute éemeyiit u ániine kaharat; o kabaju añi ahaawa, abe n'aŋ'aruwooree Emanuwel» (aamo fu: «Atambatun n'úne»).

1 Saaŋ 4:14

Irijukajuk ni ñíkin uni, abe n'iriseede kaanuku Faaf u áboñinoboñin Añio eebin éeyemi *Afakana ite kúŋgowulan ku.

Efees 1:10

Bondu, Atambatun kahabanoor bo ti bihabanooreey bu. O kakuukan doon fe deeemo t'etiir bufor bu, ni t'etaam i, Yesu Kiris éeyemi aseef u.

Hirim Heetoofe hu hi Luk akiñje hu 2:7

N'abaj añi ahaawa, añio átiyar. N'ásik kires éekumbaloolo, abe n'ahurusano ti kásiima, ábuki kareyit t'enuuf i t'emoosoora i tindi kawanan.

Eleetar i yi Pool akiñje i bakate ku Rom 8:3

*Eluwa yite Moyis eyinaat káhinu bondu iŋi kabajaate kite húŋgowulan kite sembe. Bare Atambatun áhinahin bo: áboñinoboñin Añio éeyemi húŋgowulan naane úne ehoofoora i, kaanuku eeram úne ti kaahoofoor ku. Iyu a Atambatun atinane fu kaahoofoor ku kiŋki kinij tu kúŋgowulan ku.

Hirim Heetoofe hu hi Luk akiñje hu 1:35

Amalaka u n'ásafino aano: —Búwejet Beenabe bu búwaneina t'awe, abe sembe site Atambatun eeemo u t'etiir-t'etiir kákumbalooli n'ésamunan ite te so. Iŋ'ite ho aamo fu añi eenabe u a a̱ja u bíyihino kaaniee Añi ite Atambatun.

Saaŋ 6:38

Ábuki h'ínuutina hu t'etiir, káanukiiit iibin íhin beetoofam bu. Beetoofe bu an éeboñinam u bíkinineŋe fu n'ibin.

Esuwif i 2:14

Náami makamu bokondu bakan keebaje kihaay ni halan, akina yooŋ n'abin éeyemi húŋgowulan naane boko. Áhinahin iyu kaanuku man t'eket yeene n'ábuj sembe site Setani éeyekie u sembe site kayoolu bakan.

Saaŋ 10:36

Íñje bare, Atambatun ajifanam, abe n'áboñinam t'etaam ye. N'aŋ'arifin ariene íñje ílafatino aŋarkeyi eenaan íñje Añi ite Atambatun?

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

Eleetar i yi Pool akiñje i bakate ku Rom 15:8

Iisokuun bonde: Kiris abinabin éeyemi aroka bija t'Esuwif i. Áhinahin bondu kaanuku éereeŋinan b'Atambatun abine bu asok sifaafiin, aaniin o káhinu, éewufoor kaanuku Atambatun an ite bifeeneŋ.

Epotor i 1:7

Yesu n'aaniin: —Ariwunutee kaanuku áriimeyi kaakaŋ, ni hiin hunak hi Faaf u anoŋke fu eesiiŋan.

Hirim Heetoofe hu hi Luk akiñje hu 1:31

Awe kaharat, abe awe bíyihino añi ahaawa. N'aŋ'a̱ruwo Yesu.

Májiye 3:15

Bare Yesu n'aano: —Wáahin iye honde. Iyu i waaware fu káhinu man b'Atambatun ákandijene bu ni bibaj. Náami Saaŋ eeene hee.

1 Saaŋ 4:2

Iye a arija fu kámeyi man ake abajabaj Búwejet bite Atambatun man yooŋ: an fe eeene múniyo Yesu *Kiris abinabin éeyemi húŋgowulan, an ondu abajabaj Búwejet béenuutina bu t'Atambatun.

Esuwif i 9:10

Buluwa bite ti sini taŋ beemo fu diyu, tu buroon b'an awarut kateŋu, nu búhujo, ni sifasoŋ seehooje site biñawo bite *bukuuranooro. Bisiiŋasiiŋo bija kóyin k'Atambatun aja ku káhinu buroon bu fe béeyemi bíyeni.

Kolos 2:14

Kaawiit keetinane ku úne yéeni iŋi naane újeŋginut i ko, Atambatun atibatib ko *t'ekuruwa yite Kiris eeneyan ko tuus.

Eleetar i yi Pool akiñje i bakate ku Rom 9:5

Boko kaamo fu bakañi sifaaf su kómbokun ku bakate ku kóŋkeyin k'Atambatun ajifane ku. Kiris yooŋ ite t'eheet yeeniin h'abine hu éeyemi húŋgowulan. Akina aamo fu Atambatun eehaŋe u doon areyi fe. Úsokorooro ko kireyi fe! Amiin.

Saaŋ 8:42

Yesu n'aaniin: —Kane arko yéeni múniyo Atambatun aamo fu Faafuun, n'aŋ'árimaŋiam, ábuki te o t'ínuutina fu, abe uŋu hoone hu h'eemo fe beebe. Íñjeiit inoŋkooree iibin, bare akina áboñinam fu.

Májiye 5:17

—Atum'ariene man íñje ibine kanuutan naane *Eluwa yite Moyis esoke i, ni báhamin bite *eyiŋana yite Atambatun. Ibinut kanuutan bo, bare kaanuku beesokee bu fe ni bibaj.

Eleetar i yi Pool akiñje i bakate ku Rom 5:6

Múniyo kóŋkeyin úne t'úbajoorut sembe, Kiris aketaket bija t'ehoofoora i hunak h'Atambatun ajoke hu te ho.

1 Timote 2:6

Ásikasik buroŋ boone awun, eejaam kaanuku ésuk i fe yeefak. Bondu biseedee fu h'aamo hu tireeŋa toko.

Hirim Heetoofe hu hi Luk akiñje hu 20:44

Dafit humuumo aŋ'aano «Anahaan u». Náami buŋ b'Afakana u ayino fu kasooñu áyemi añio?